مريم 

اتحدت خوفها ونسيت اللي بيدوروا عليها وممكن يأذوها وهروبها منهم سنين ونزلت بسرعا وركبت اول تاكسي يقابلها وراحت على الشركة اللي بتشتغل فيها الاء

... 

ف الوقت دا رن فون رائد فلما رد 

سليمان

انت فين يا رائد غريبة انا فكرتك ف الشقة رجعت ملقتكش .. مسمعتش صوتك النهاردة يا بني انت فين كدا ولو هتتأخر مبتبعتليش ليه تطمني عليك 

هنا جاله صوت رائد وكله انزعاج 

انت بتسأل انا فين .. انا مش فاهم انت ازاي نايم عندك وفيه مصيبة بتحصل ف شركتك يا جبروتك يا اخي 

سليمان اتخ 

مصيبة؟! سلم يارب مصيبة ايه يا رائد اتكلم حصل ماس كهربائي في الشركة ولا ايه فيه ايه انطق انا جايلك حالا 

رائد 

لالا بعيد الشر مفيش حاجة من دي بس موظفة عندك حصلها مشكلة العمال قفلوا عليها الحمام كم ساعة لولا اني جيتلك بالصدفة وسمعت الصوت كانت البنت راحت فيها دلوقتي انا بحاول افوق فيها مش بتفوق 

سليمان 

يا خبر.. حاول تفوقها يا رائد بسرعا وانا جايلك حالا مسافة السكة ربنا يستر 

... 

رائد حاول يفوق الاء كتير لكنها مكانتش بتستجيب ليه نهائي .. خرج البرفيوم بتاعهل وقربه منها لكن بردو مفيش اي استجابة علشان كدا من خوفه عليها شالها بسرعة وحطها برفق ف عربيته وانطلق بيها للمستشفى ونسي طبعا يكلم سليمان ويقوله انه اخدها وراح المستشفى. 

.... 

وصل سليمان تقريبا ف الوقت اللي وصلت فيه مريم 

اول ما شافته جريت عليه 

 بخطوات سريعة ومتلخبطة، ودموعها مغرقة وشها، ونَفَسها متقطع من كتر الخوف.

سليمان بصلها باستغراب 

 في إيه؟ حضرتك مين؟ شكلك بتدوري ع حاجة او خايفة من حاجة؟!

وقفت قدامه وهي بتحاول تتكلم لكن صوتها خرج برعشة

 أنا… أنا أخت الموظفة اللي عندكم…

الأعمال الأصلية لرواية وحكاية

سليمان

 طيب اهدي.. اهلا وسهلا بيكي في إيه؟

هزت راسها بسرعة والدموع نزلت أكتر:

 قالولي إن أختي… أختي محبوسة في الحمام!

سليمان فهم ان دي اخت الموظفة اللي اتحبست ف الحمام واغمى عليها فقال 

اه انا اسف ع اللي حصل اكيد غلطة مش مقصودة وان شاء الله هتكون بخير وااا

قاطعته وهي بتبكي

هي كويسة؟! انا عايوة اشوفها واطمن عليها قالولي انها اغمى عليها حد حاول يفوقها انا خايفة عليها اوي 

سليمان 

ارجوكي اهدي متعيطيش ...إحنا بنحاول نتصرف.. هتكون كويسة 

مريم برعب  

بتحاولوا؟! يعني اختي لسه مفاقتش؟؟ يعني لسه مغمى عليها طول الوقت دا اكيد اتعرضت لخوف كبير ملوش حد اختي بتخاف من الاماكن الضلمة والمقفولة انا خايفة يكون الوضع اكبر من مجرد اغاءة 

قالتها بصوت مكسور، وبعدين حطت إيدها على صدرها وهي بتحاول تاخد نفسها.

 أنا … أول ما سمعت الخبر قلبي وقع من الخوف. هي بتخاف لوحدها… وإنتوا سايبينها جوه؟! وازاي الباب يتقفل عليها 

سليمان حاول يطمنها

— متقلقيش، إن شاء الله هتكون بخير.

بصتله بعينين مليانين دموع

متقلقش إزاي؟! دي أختي! اكتر من اختي كمان

وسكتت لحظة، ثم قالت برجاء

 لو سمحت… خدي ليها أنا مش عايزة أي حاجة انا عارفة انه مينفعش ادخل الشركة وانا مش موظفة وخاصة بعد ساعات العمل … بس أنا عايزة أشوفها قدامي وأطمن إنها كويسة.

سليمان 

تمام تعالي اتفضلي هندخل جوة اكيد فاقت بإذن الله 

بصت له وهي بتعيط

 لو جرالها حاجة… أنا مش هسامح نفسي إني سيبتها هنا لوحدها.

سليمان

متخافيش مفيش حاجة هتحصل لها. تعالي معايا.

جريت وراه وهي تمسح دموعها بإيد بتترعش وهي بتقول برجلء

 يا رب تكون بخير… يا رب تكون بخير…

سليمان ف نفسه 

ياربي على الرقة هو فيه كدا .. فيه حد بيخاف ع اخته اوي كدا ف الزمن دا.. وكمان شكلها زوق واخلاق .. حقيقي انا من زمان مشوفتش النوع دا من زمان 

ولما جم يدخلوا من البوابة الحارس قال 

حضرة المدير.. نورت الشركة حضرتك اتفضل

سليمان 

شوفت رائد يا محسن تعرف هو ف انهي دور؟ 

محسن 

لا هو مش جوة ف الشركة دا خرج وهو شايل واحدة مغمى عليها تقريبا خدها المستشفى. 

مريم اول ما سمعت كلمة المستشفى انهارت

ايه اختي اخدوها المستشفى اكيد تعبت جامد لا حول ولا قوة الا بالله العلي العظيم انا عايزة اختي.. جرالك ايه يا حبيبتي.. 

سليمان 

اهدي بس والله ان شاء الله هي بخير انا هكلم صاحبي واسأله عليها وهطمنك حالا اتفضلي اقعدي ع الكرسي دا انتي مش قادرة تقفي هتقعي من طولك. 

وبالفعل سليمان اتصل برائد 

اللي كان في الاوضة مع الاء والدكتور بيطمنه عليها 

رائد 

خير يادكتور اخبارها ليه وليه مش بتفوق 

الدكتور .. المريضة اتعرضت لصدمة عصبية علشان كدا فقدت الوعي احنا عملنا اللازم ليها وان شاء الله هتفوق خلال دقايق بس ممكن اعرف ايه اللي حصلها؟؟ 

رائد 

للاسف اتحسبت ف الحمام لفترة باب الحمام قفل عليها ومحدش اخد باله يعني والله غلطة مش مقصودة 

الدكتور 

اه .. تمام عامة هو خير ان شاء الله خلال دقايق هتفوق 

بعدها فضل رائد قاعد ع الكرسي قصادها واول ما بدات تفتح عنيها 

فرح وقام من مكانه بحماس 

حمدا لله ع السلامة انتي كويسة؟؟ 

بصت الاء حواليها مقدرتش تتعرف عل المكان فقامت بفزع 

انا فين وبعمل ايه هنا وانت هنا بتعمل ايه 

رائد 

اهدي بس يا انسة الاء انتي ف المستشفى انتي أغمى عليكي اول ما خرجتك من الحمام وحاولنا نفوقك معرفناش فجبناكي هنا المستشفى نطمن عليكي والحمد لله الدكاترة فوقوكي 

الاء 

اه انت اللي خرجتني شكرا ليك جدا انا مش عارفة اقولك ايه لولا انت كنت زماني بايتة ف الحمام لحد الصبح 

رائد 

الحمد لله ربنا جعلني سبب والله .. المهم انتي كويسة اكلم الدكتور يجي يطمن عليكي؟؟ 

الاء 

لا انا كويسة الحمد لله مجرد دوخة بسيطة وهتروح لحالها ان شاء الله.. هي الساعا كام انا اكيد اتأخرت اوي واختي زمانها قلقانة عليا انا لازم اروح.. انا كان معايا شنطتي انا نسيتها ف الشركة ولا ايه 

الأعمال الأصلية لرواية وحكاية

رائد 

لا اهي الشنطة معايا اتفضلي اا انا اسف موبايل حضرتك رن وانا رديت ع اختك 

الاء بفزع 

رديت عليها وقولتلها اني تعبانة يا نهار ابيض زمانها ميتة من الخوف انا رايحالها حالا 

رائد 

طيب استنى لما تفوقي وممكن نتصل بيها نطمنها 

ر

الاء وهي بتقوم من ع السرير 

انا هكلمها ف الطريق.. شكرا لمساعدة حضرتك دا جميل عمري ما هنساه ليك ع اذنك 

رائد 

لا عن اذنك ايه انتي لسه تعبانة ودايخة ومش قادرة تصلي طولك ع الاقل تعالي اوصلك 

الاء 

لالا شكرا جدا لحضرتك لحد كدا مش عايزة اتعبك اتفضل انت علشان متتأخرش 

رائد 

لا هوصلك مش هتطمن الا لما توصلي بيتك بأمان اا استنى متبصليش كدا مش هركبك عربيتي بحسك هتقتليني لما بقولك كدا هناخد تاكسي يا ستي ها ايه رايك 

الاء مكانتش قادرة تجادل فسابته نزل معاها ووقف لها تاكسي وركبوا 

ف الوقت دا سليمان اتصل 

رائد انت فين والبنت انت اخدتها المستشفى صح هي كويسة؟؟ انت فين انا جايلك حالا 

رائد 

اه الحمد لله كويسة... متجيش خلاص هي فاقت.. احنا برا المستشفى انا بوصلها لحد بيتها وجايلك هترجع ع الشقة ولا رايح فين 

سليمان 

طيب الحمد لله طمنها ان اختها معايا جت تطمن عليها.. هخليها تروح هي كمان 

وقفل سليمان مع رائد وقال لمريم 

الحمد لله اختك بخير كانوا ف المستشفى وفاقت وبقت كويسة وخلاص روحت ع البيت متقلقيش حمدا لله ع سلامة اختك 

اخدت مريم نفس طويل بعمق وراحة وكأن روحها اتدرت ليها 

وسكتت شوية وهي بتمتم الحمد لله الحمد لله 

بعدها بصت لسليمان بصعبية 

فاستغرب سليمان 

فيه حاجة؟؟ 

مريم بحدة مش لايقة عليها لانه باين من طبعها الرقة 

في إيه؟! حضرتك بتسألني في إيه؟! أختي بقالها فترة بتشتكي من اللي بيحصل معاها هنا،.. وكل مرة اقولها معلش استحملي، الشغل كده مفيش حاجة سهلة 

سليمان حاول يهديها 

 معلش لو في مشكلة في الشغل ممكن نتكلم بهدوء... اتفضلي معايا ع المكتب 

قاطعته

 هدوء إيه؟! هو إنتوا أصلًا فارق معاكم الموظفين؟! ولا الموظف عندكم مجرد رقم بيشتغل ويمشي آخر الشهر؟

سليمان سكت لحظة.. وقدر خوفها ع اختها واللي حصلها وان اللي بتقوله دا من فرط خوفها ع اختها بعد اللي حصل

كملت وهي بتتعصب أكتر

 أختي جت هنا تشتغل باحترام وتعمل اللي عليها، مش علشان كل يوم ترجع البيت وهي خايفة من إنها تيجي الشركة تاني يوم!

سليمان 

أنا فاهم إنك متضايقة، بس لازم تعرفي انه حاجة عارضا وغلطة مش مقصودة حقيقي وعامة انا هبحث بنفسي عن المتسبب وهيتعاقب لان حياة الناس من لعبة

مريم 

 المشكلة إنكم سايبين الناس تتعامل معاها بطريقة تضايقها، ولما تشتكي محدش بياخد كلامها بجد

سليمان 

 مين اللي...

رفعت إيدها ف وشه توقفه

لا، اسمعني الأول. أنا مش جاية أعمل مشكلة وخلاص. أنا جاية أفهم... لو الموظف مش لاقي أمان واحترام في مكان شغله...المفروض يروح فين؟

سليمان حاول يمتص غضبها وقال 

حقكم عليا بجد وان شاء الله اختك مش هتشتكي من شغلها ف الشركة تاني ومحدش هيضايقها تاني انا هتابع موضوعها بنفسي .. لان بعد المضايقات اللي بتقولي عليها ممكن يكون قفل الباب دا متعمد.. بس ممكن تطلبي من اختك ان لو اتعرضت للمضايقة تاني تيجي تبلغني بدا وانا اتصرف 

لسه مريم هترد لقت اتصال من الاء 

مريم انا خلاص قربت اوصل ع البيت انتي فين يا حبيبتي.. وليه تخرجي من البيت يا مريم 

مريم 

خلاص انا راجعة ليكي حالا حمدا لله على سلامتك يا قلبي 

الاء بخوف 

مريم انتي ايه اللي خرجك بس هتعملي ايه دلوقتي افرض ااا 

مريم بلعت ريقها 

متفكريش ف حاجة دلوقتي كله هيبقى تمام انا راجعة ليكي حالا وان شاء الله ارجع بأمان حقيقي مكانش ينفع مخرجش واجي اطمن عليكي . 

سليمان لاحظ خوفها فقال 

تعالي اتفضلي انا كمان مروح ممكن اوصلك الوقت دا هيكون زحمة وممكن تتأخري وانتي محتاجة تروحي تطمني ع اختك 

مريم مكانش عندها اي اختيار كانت خايفا تمشي حد من رجالة رائد يشوفوها فوافقت تركب مع سليمان علشان يروحها من غير ما حد يشوفها 

فقالت 

تمام شكرا لحضرتك انا بس علشان مستعجلة وااا 

سليمان 

لا ولا يهمك اتفضلي وتأكدي أن مشكلة اختك هتتحل اكيد 

مريم 

اا طيب انا ممكن حضرتك اركب ف الكرسي الخلفي ميصحش اركب قدام 

سليمان 

ولا يهمك مفيش اي مشكلة 

الأعمال الأصلية لرواية وحكاية

وبالفعل وصلها سليمان ولما نزلت شكرته واتحركت ع العمارة بسرعة 

اما رائد فبعد ما وصل الاء وبالرغم من اللي حصل الا انه كان مبسوط فرحان انه عرف مكان بيتها وانه لاحظ انها بنت مؤدبة الى اقصى حد .. حتى انها اصرت ع انها تدفع الأجرة لكنه طبعا رفض فشكرته بهدوء ونزلت. 

وف الوقت دا جاله اتصال فاتسعت عيونه وقال 

انا جاي حالا ... 

... 

مريم والاء اول ما شافو بعض اترموا ف حضن بعد جامد 

الاء 

أنا كنت خايفة اوي 

مريم 

وانا كنت خايفة عليكي اوي 

الاتنين ف نفس واحد 

بس الحمد لله عدت 

بعدها ضحكوا سوا وقعدوا مع بعض يحكوا عن كل اللي حصل. 

... 

تاني يوم سليمان استدعى العاملين سيد وسعيد 

انا عايز اعرف مين فيكم المسؤل عن قفل باب الحمام عن الموظفة المسكينة اللي كانت هتروح فيها امبارح انا عايز الصراحة وياريت اللي غلط يعترف بنفسه بدل ما افرغ كاميرات المراقبة واشوف بنفسي مين اللي عمل دا 

سعيد 

والله يا سليمان بيه انا جيت اقفل الباب لقيته مقفول هو انا المسؤل عنه بس مقفلتوش فقولت سيد اللي قفله 

سيد 

لا والله يا سليمان بيه انا مقفلتوش انا هقفله ليه وهو مش تبعي انا قفلت الحمامات اللي فوق بس مليش دعوة بدا 

سليمان 

دا يفسر يا سعيد انك انت اللي قفلته يعني انت اللي غلطان بس بتقفله ليه وانت لسه موجود فترة ف الشركة وكمان انت متأكدتش ليه ان فيه حد جوا قبل ما تقفله؟ 

سعيد 

والله يا بيه انا مقفلتوش وزي ما حضرتك بتقول هقفله ليه طالما انا لسه ف المكان انا بقفل الحمام اخر حاجة خالص قبل ما امشي طوالي علشان لو حد من الموظفين لسع محتاج يدخل ولا حاجة مفضلش اقفل وافتح 

سليمان 

يعني انت مصمم تنكر عملتك يا سعيد انا بكدا هتضطر اخد اجراء حازم ضدك 

سعيد 

والله يا باشا انا ما بكدب ولو قفلته هعترف هكدب ولا هخبي ليه.. انا جيت اقفله لقيت موظفة بشوفها هنا ف الشركة بتقولي هو مقفول انا اجيت ادخل لقيت حد قفله وشكلي هطلع الحمام اللي فوق وخلاص 

فأنا سكت وقولت اكيد سيد اللي قفله دا كل اللي حصل؟؟ 

سليمان بتفكير 

اممم معنى كدا ان اللي حصل دا بفعل فاعل يعني الموظفة اللي بتقول عليعا دي هي اللي قفلت الحمام ع زميلتها 

سعيد 

الله اعلم يا بيه انا معرفش انا مشوفتش حاحة والله علشان كدا بخلي زمتي من اي شهادة معرفهاش 

الأعمال الأصلية لرواية وحكاية

سليمان طلع صورة الاء من درج المكتب وقال لسعيد 

هي دي الموظفة اللي قالتلك ان الحمام مقفول؟؟ 

سليمان شك ف الاء لانه مفكر ان طباعها مش كويسة 

سعيد 

لا يا بيه مش هي دي اللي اااا ...

ف الوقت دا الباب خبط وميادة دخلت 

صباح الخير يا سليمان بيه اخبار حضرتك ايه انا عندي ليك خبر مهم جدا بخصوص اللي انت بتدور عليها 

سليمان ارتبك مش عايز حد من الموظفين يعرفوا موضوع مراته اللي هربت فقال 

طيب اتفضلوا روحوا انتوا ونتكلم ف الموضوع دا بعدين 

سليمان ايوا يا ميادة ادخلي عايزة تقولي ايه

ميادة 

انا شوفت الاء هنا ف الشركة مش عارفة حضرتك ازاي مش عارف او مشوفتهاش ومش عارفة هي ازاي جالها الجرأة تشتغل ف شركة حضرتك هنا 

سليمان قال وعيونه كلها غمام 

ببساطة علشان هي متعرفش انه انا المدير .. موظفين كتير وخاصة الجداد ميعرفوش اساسا ان المدير اتغير واني مسكت الادارة بدل المدير السابق وهي منهم لو كانت تعرف مكانتش قعدت ثانية واحدة 

ميادة بدهشة 

معنى كدا انك تعرف انها هنا موجودة وسايبها كدا انا توقعت انك تاخدها لأهلها يغسلوا عارهم بيدهم منها دي فضحتك يوم فرحك وختلك انت وعمي ف نص هدومك هي صحيح بنت عمي لكن طباعها عفشة ومهياش شبهي واصل وميشرفنيش اني اقول انها بنت عمي 

سليمان 

اسمعي يا ميادة مش عايز حد يعرف ولا جنس مخلوق اننا عرفنا مكان الاء انتي فاهمة اما حساب الاء فهيكون معايا انا.. لو حد عرف هعرف انك انتي اللي قولتي وهيكون ليا تصرف تاني معاكي 

ميادة بخوف 

لالا طبعا انا عمري ما اخوف ثقتك فيا ابدا وافشي سرك وطالما حضرتك عايز كدا مش هقول لحد ابدا زي ما تحب انا طوع امرك يا سليمان بيه 

سليمان 

كويس اوي روحي شوفي شغلك علشان اخلص شغلي انا كمان  

ولما نزلت ميادة قررت تنزل لألاء وتقابلها 

ويا ترى الاء لو شافت ميادة هيكون رد فعلها ايه