سليمان قرر انه يتصل برائد 

الواد دا اختفى فين كدا من امبارح حتى تلفونه مغلق مش عارف غطس فين هتقلقني عليك ليه يا بني ادم هو انا ناقص خنقة 

ولما رن عليه فتح رائد عينه بنوم وهو جوة العربية 

الو ايوا يا سليمان خير هو احنا امتا بالظبط انا الظاهر نمت ف العربية ومحستش بنفسي 

سليمان 

نايم ف العربية؟! ليه يا ابني مرجعتش الشقة ليه انت كنت غطسان فين كدا وليه مقولتليش انك اصلا رايح مشوار 

رائد بانزعاج 

بعد موضوع الموظفة اللي اتحبست ف الحمام جالي اتصال يا عم بمكان البنت اياها فطلعت اجري انا والرجالة ع الشارع اللي لمحوها فيه لكنها فص ملح وداب كل اللي هما متأكدين منه انهم لمحوها ف الشارع دا وبعدين اختفت فضلنا نسأل ع بنت بنفس مواصفاتها مش موجودة محدش يعرف.. علشان كدا قررت افضل هنا اراقب الشارع طول اليوم يمكن تخرج تاني بس للاسف الظاهر انها عرفت اننا شوفناها فمخرجتش بس هتروح منا فين خلاص عرفنا مكانها انا هسيب الرجالة ف الشارع اربعة وعشرين ساعة عنيهم على كل حد معدي ومش معقولة هتفضل محبوسة ف البيت يعني مسيرها تخرج حتى لو استمر الموضوع شهر او اتنين حتى 

سليمان 

الله المستعان يارب. ربنا يعينك ع حالك يا زميل.. انا لولا اللي عاناه ابوك وحرقة قلبك عليه كنت قولتلك سيبك بقا من اللي ف دماغك.

رائد 

عمري ما هنسى اللي ابوها عمله ف ابويا ابدا

فلاش بااااك 

والد رائد واسمه حسين كان مع زميله اللي هو والد مريم واسمه سامح 

بيمضوا العقد 

حسين بفرحة 

خلاص كدا يا صاحبي مضينا العقد انا عليا العقل والتفكير وانت عليك التموين وطبعا نسبة الارباح النص بالنص.. الفكرة فكرتي وانت قولتلي هتدخل تمون فقط وملكش دعوة بأي حاجة ف الشركة واي خسارة انا المسؤل عنها 

سامح 

حلو اوي الكلام دا الف مبروك يا شريك اطلب اي فلوس المهم تأسس الشركة وتنفذ فكرتك انا واثق فيك انت طول عمرك ذكي وافكارك كلها خارج الصندوق متأكد ان الشركة دي هتكون حاجة وهتسمع ف السوق كله ف يوم من الايام 

ومرت الايام وحسين بيشتغل بكل طاقته وجهده بيشتغل ليل وانهار علشان ينشأ الشركة ويوصلها للنور اما سامح فكان مقضيها سرمحة وخروجات واخر الشهر يقسم الارباح النص بالنص 

هنا كان رائد بدا يكبر ويفهم 

يا بابا انا ليه حاسس ان القسمة دي مش عادلة انت بتشتغل وبتتعب وهو نايم ف البيت وف الاخر بياخد نص الارباح ع الجاهز ؟ 

حسين 

عادي يا ابني انا مش هنساله وقفته جنبي اول ما اسست الشركة هو اللي جالي وعرض عليا فلوس يشاركني انا مكنش معايا مليم  كانت عندي الفكرة بس مكنتش عارف امولها ازاي وهتفيد بإيه الفكرة من غير المال علشان كدا هو يستحق 

رائد 

ايوا يا بابا مقولناش حاجة بس ع الاقل يجي يشتغل اي حاجة يسد يشارك معاك 

حسين 

سامح مش هيفهم حاجة ولا هيهش ولا هينش طول عمره كسول ومبيحبش الشغل ووجوده هيكون زي عدمه علشان كدا سيبه زي ما هو انا كدا مرتاح 

لكن بعد فترة حسين لقا سامح جاي الشركة 

حسين 

اهلا يا سامح منور الشركة بس ايه اللي جابك اول نرة تيجي هنا من يوم ما كتبنا عقد الشركة وكانت لسه كومة طوب احمر 

سامح 

ايه يا حسين مجيش شركتي ولا ايه 

حسين 

لا انا مقولتش كدا انا بس مستغرب علشان انت اول مرة تيجي بس مش اكتر 

سامح 

لا من النهاردة هتشوفني هنا انا قررت اجي وامسك الشركة معاك واكون المدير زيي زيك عايزك تفهمني كل كبيرة وصغيرة ف الشركة 

وبعد مرور شهر فهم سامح كل حاجة وسير العمل ف الشركة 

وف يوم حسين جه يدخل الشركة لقا الامن بيمنعه 

ايه ف ايه انت مش عارف انا مين ازاي تمنعني ادخل شركتي 

الحارس 

 اسف يا حسين بيه بس دي تعليمات المدير الجديد 

حسين 

مدير جديد ايه مفيش اي مدراء جدد انا المدير هنا وانا صاحب الشركة 

الحارس 

اسف يا فندم بس التعليمات اللي جتلي اني امنع حضرتك من الدخول

الأعمال الأصلية لرواية وحكاية

حسين اتصل بسامح وقال

سامح شوفلي الهبل اللي بيحصل دا ايه الحارس برا  بيخرف دا بيمنعني اني ادخل شركتي وبيقول دي تعليمات المدير الجديد 

سامح 

ايوا فعلا هو صح هو بينفذ التعليمات بتاعة مديره الجديد كويس اوي الحارس دا المفروض ياخد علاوة ع االي عمله

حسين 

انت بتقول ايه يا سامح انت بتهزر صح 

سامح 

دا طبعا وههزر مع واحد زيك ليه انا هنا طاحب الشركة وانا اللي اقول مين يدخلها ومين لا وانا مش عايز اشوفك ف شركتي تاني انا استغنيت عن خدماتك خلاص 

حسين بعصبية 

انت بتقول ايه يا سامح قول انك بتهزر بس مفيش هزار ف الكلام دا دي شركتي ازاي يعني تمنعني من دخولها 

سامح بصوت كله برود 

لا يا حبيبي دي شركتي انا مش شركتك ولو عندك اي عقد بله واشرب ميته لانه ميلزمش ف اي حاجة وخد بالك لو قدمته هتثبت انك مزور وممكن تدخل السجن انا بحذرك وانت حر 

حسين 

سامح انت ناوي ع ايه بالظبط انا عمري ما اذيتك انا كنت بعاملك زي اخويا وصاحبي سامح اوعا اعمل فيا حاجة زي كدا بعدين العقد اللي بينا يشهد 

سامح ضحك باستفزاز اكتر

ههه عقد ايه يا ابو عقد انت العقد اللي معاك تبله وتشرب ميته ميثبتش حاجة العقد اللي معاك ممضي باسم سامح عاشور ودا اسم الشهرة مسميش كدا انا اسمي الحقيقي سامح منير فهمي ابقى دور ع سامح عاشور بتاعك اللي شاركته بقا

حسين بصدمة 

ايه انت خدعتني وغشتني طول السنين اللي فاتت دي ودلوقتي جاي تخوني وتاخد شقايا وتعبي كدا ع الجاهز؟؟ 

سامح 

ايوا بصراحة مش عارف اشكرك ازاي انك كبرتلي شركتي وخليت ليها اسم وصيت مسمع ف كل حتة بس للاسف انا عايز شركتي ومش عايزك فيها اصلي بصراحة انا زي الفريك مبحبش شريك ههههه شاو يا خرونك ابقى شوفلك شركة تانية تفتحها شاو يا حبيبي 

هنا متحملش حسين الصدمة فوقع من طوله وجاله جلطة مبقاش يقدر يمشي ولا يتحرك. 

وفضل مرمي ف المستشفى كل اللي بيعمله انه بيعيط وبيقول ببوء معووج من الجلطة 

شقا عمري راح . شقا عمري راح 

رائد كان مع ابوه وهيموت علشانه 

ربنا ينتقم منه الغشاش الخاين وقسما بالله ما هسيبه لو هروح فيه السجن لازم اجيبلك حقك يا بابا... 

.. نخرج من الفلاش باااك 

ونروح عند مريم 

كانت قاعدة لوحدها سرحانة وبتفتكر اللي حصل زمان 

هنكمل الفلاش باااك مع مريم 

مريم كانت خارجة من اوضتها بالصدفة سمعت ابوها بيقول 

الواد رائد  ابن الراجل الغبي اللي اسمه حسين قال ايه عايز ينتقم مني علشان انا اخدت شركة ابوه وطردته منها شر طردة وخليته مرمي عاجز ف المستشفى ايامه معدودة.. هههه لا واللي يضحك ف الموضوع انه بيدور ع بنتي مريم علشان قال يمسكني من ايدي اللي بتوجعني وكأنها نقطة ضعفي ميعرفش انه لو قالي هاتها هقوله وماله خدها واديك عليها مروحة هدية دي بنت عبيطة طول الوقت ماسكالي لا يا بابا كدا حرام وكدا حلال قرفتني ف عيشيتي بت غبية شبه امها اه لو اخلص منها هي كمان 

هنا مريم دخلت من غير اي اسىتذان

وقالت والدموع ف عينيها 

اه يا بابا عايز تخلص منها ولا تخلص عليا زي ما خلصت ع امها.. انا كنت موجودة وقتها وشوفت كل حاجة شوفتك وانت بتزقها من ع السلم 

الأعمال الأصلية لرواية وحكاية

سامح 

انتي هنا من امتا يا بنت .. انا انا مقتلتش امك احنا كنا بنتخانق ما هي شبهك بومة كل شوية الفلوس دي حرام الفلوس دي حرام مش هأكل بنتي من مال حرام كلمة مني ع كلمة منها زقتها معرفش انها خفيفة وهتقع من السلم تطب ساكتة تموت انا مليش دخل دا قدرها بس بصراحة احسن انها غارت ريحت وريحتني 

مريم انهارت ف البكا وفضلت تصرخ 

انت لا يمكن تكون اب انت لا يمكن تكون بني ادم اصلا حسبنا الله ونعم الوكيل فيك انا بكرهك بكرهك 

قالتها مريم ومشيت من البيت وراحت عند جدتها تعيش معاها 

وفضلت هناك كم سنة ورائد بيدور عليها ودا لانها راحت عند جدتها لأمها واللي رائد مكانش عنده اي معلومة عن مكانها 

بعد فترة مريم لقت اتصال من ابوها 

اسمعي يا بنت ...انتي متهمنيش ف حاجة بس حبيت احذرك اللي اسمه رائد دا بيدور عليكي من زمان والظاهر مش ناويلك ع نية خير واسمعي مهما عمل فيكي لا هحاول انقذك منه ولا اتدخل اصلا علشان كدا لو مش عايزاه ياخدك الحقي اهربي الليلة لاني جالي تعليمات انه عرف مكانك.. اظن انا كدا عملت اللي عليا وخلصت ضميرري

مريم خافت من رائد وظنت انه من نفس عينة ابوها علشان كدا مكانتش حابة تقع ف ايد واحد من النوعية دي ممكن يأذيها او يعتدي عليها علشان كدا هربت ركبت اول قطر وهناك اتقابلت مع الاء ومن يومها وهما عايشين مع بعض. ... 

... 

الاء كانت راجعة مكتبها بعد ما سلمت التقارير فسمعت اللي بينادي عليها

الاء 

لفت وشها علشان تشوف مين اللي بينادي فانصدمت باللي شافته ووقفت مكانها شوية مش عارفة تتحرك ولا تاخد اي رد فعل

قربت منها ميادة وقالت بسماجة 

ازيك يا الاء يا بت عمي ياللي هربتي يوم فرحك وفوتي عريسك وفوتي بلدك كلياتها .... ياللي جبتي العار لعيلتك وعيلة عريسك.. الا قوليلي ايه الاخبار ويا ترى هربتي مع مين وليه.. ايه ديه صح انتي بتشتغلي اهنه؟ ويا ترى بقا اهلك يعرفوا مكانك ديه 

الاء بارتعاش 

ممم ميادة بنت عمي؟؟ اا ااانا ااا 

ميادة ضحكت 

ههه ايه يا بت عمي القطة كلت لسانك ولا ايه هو اني موحشتكيش منتيش عايزة تاخديني بالاحضان ولا اي ديه اني كنت قلقانة عليكي كتير اوي.. هاتي حضن يا بت عمي امووواااه امواااه 

وفضلت ميادة تبوس فيها وهي متستمتعة بأن الاء مصدومة ومتجبسة ومش عارفة ترد

ميادة بمكر 

طيب يا الاء امي مبسوطة اني شوفتك فرصة سعيدة بقا.. همشي اني لاني ورايا مواعيد .. متبقيش تقطعي الاخبار ولو حابة اني ابلغ اهلك بمكانك اني معنديش مانع واصل فوتك بعافية يا حبيبتي 

قالتها ميادة ومشيت واول ما بعدت عن الاء شوية فضلت تضحك جامد وهي متستمتعة 

اما الاء فجريت ع مكتبها واخدت شنطتها وجريت ع برا الشركة بسرعة 

وركبت اول مواصلة تقابلها ورجعت ع البيت وهناك حاولت تهدي نفسها 

اتنهدت براحة لما ملقتش مريم ف وشها ودخلت ع اوضتها وفضلت تاخد نفسها 

ياربي ياربي اعمل ايه دلوقتي ميادة بنت عمي شافتني .. اكيد مش هتسكت اكيد هتقولهم ع مكاني ايه اللي جابها المنصورة هنا ايه اللي جابها اخر البلاد هنا ..المكان دا عمره ما يخطر ع بال حد ايه الحظ دا.. يعني تيجي البلد نفسها وتشتغل ف نفس الشركة .. اعمل ايه انا بس دلوقتي ياربي.. ايوا لقيتها انا مش هروح الشركة تاني انا هدور ع شغل ف مكان تاني استحالة ارجع الشركة تاني ميادة اكيد هتقولهم ع مكاني

ولما مريم دخلت الاوضة اتفاجئت بوجود الاء ودا لأنها كانت سرحانة في ذكرياتها الالايمة

ايه دا الاء انتي رجعتي من امتا اسفة محستش بيكي خالص.. مالك انتي بتنهجي ليه كدا ووشك مخطوف فيه ايه

الاء 

ميادة بنت عمي  يا مريم قابلتها ف الشركة هتروح تقولهم انا مش عارفة اعمل ايه ولا اتصرف ازاي 

مريم بحزن علشانها

انتي عايزة تفضلي طول عمرك بعيدة عنهم يا الاء انتي مسيرك ترجعي لأهلك يا بنتي عدى فترة ارجعي بقا واشرحي ليهم اللي حصل 

الاء 

اشرح؟؟ محدش هيديني فرصة للشرح انا اخترت البعد مقابل حريتي يا مريم انا عارفة ان اللي عملته غلط لكن جوازي من الشخص دا كان حكم بالمؤبد مقدرتش اتحمله.. اخترت البعد واني اتحمل كل اللي هيقولوه عني بس افلت بجلدي من انسان معندوش رحمة.. مش هيسمحوا برجوعي ليهم تاني ولو عرفوا مكاني تاني يوم هتسمعي نعيي يا مريم.. المواضيع دي مفيهاش هزار .. انا لا يمكن ارجع الشركة تاني ابدا 

قعدت مريم جنبها بهم 

لحد امتا هنفضل انا وانتي مستخبيين لحد امتا مش هنعرف نعيش بشكل طبيعي لحد امتا اللي اسمه رائد دا هيفضل مخوفني ومش عارفة اتحرك بسببه ... تعرفي انا فكرت اروح اعمل فيه بلاغ بس معنديش اي معلومات عنه وكمان مفيش اي دليل مادي معايا ايه اللي يثبت واحد زيه هيقدر يخرج منها زي الشعرة من العجينة ووقتها هيكون عرف مكاني  ونفذ انتقامه فيا .. يارب يارب دبرها من عندك يارب. 

... 

وعدى يومين والاء فعلا مراحتش الشركة 

وسليمان اول ما عرف كدا فضل يرمي ف الورق قدامه ازاي يعني مجتش الشركة بقالها يومين ومين سمحلها هي سايبة تيجي وقت ما تحب وتمشي وقت ما تحب... اكيد المتخلفة ميادة بينت لها نفسها علشان كدا هربت ما هي اختفت تزامنا مع معرفة ميادة مكانها.. ماشي يا ميادة هشوف حسابي معاكي بعدين 

قالها وكلم شريف 

شريف تعلالي المكتب حالا 

شريف دخل بسرعا 

افندم يا سليمان بيه 

سليمان 

هاتي رقم الزفتة اللي اسمها الاء حالا ورنلي عليها 

الأعمال الأصلية لرواية وحكاية

نفذ شريف التعليمات واول ما الاء ردت 

الو ايوا مين 

سليمان 

انا مدير الشركة اللي انتي شغالة فيها .. ممكن افهم انتي ليه مجتيش بقالك يومين هي فوضى؟؟ 

الاء بحرج 

اا انا اسفة يا حضرة المدير بس اصل ااا اصل يعني حصل شوية ظروف ولخبطة كدا ومبقتش هقدر اجي الشغل انا اسفة وبالنسبة للراتب بتاعي في الكم يوم اللي اشتغلتهم انا مستغنية عنه .. بعتذر لحضرتك مرة تانية 

سليمان 

يا سلام هو انتي مفكرة الدنيا سهلة ك.دا تيجي الشغل وقت ما تحبي وتمشي منه وقت ما تحبي كانت وكالة ابوكي مثلا 

الاء 

مع احترامي لحضرتك بس والله ظروف خارجة عن ارادتي مش هقدر اكمل 

سليمان 

المواضيع دي مبتتاخدش كدا يا انسة فيه عقد مكتوب وفيه اوراق تعالي بكرة نتكلم ف كل التفاصيل دي وتفسخي العقد لازم تيجي بكرة ضروري 

الاء بقلة حيلة 

حاضر هاجي بكرة وامري لله 

وقفلت المكالمة وهي بتدعي 

ربنا يستر وميادة متشوفنيش تاني 

اما سليمان 

تعالي يا حلوة خلاص وقت الهزار انتهى وجه وقت الجد وقت الحساب