عدى كم يوم ع ابطالنا 

سليمان كلم فيهم أهله ورتب الدنيا معاهم واستعد علشان تمشي معاه ع الصعيد...

اما عند رائد ففضل طول الايام دي متصلش ولا جه يشوف الاء وكان متخبط ف افكاره.

اما الاء فكانت قلقانة على مريم والست الطيبة اللي كانت ساكنة معاهم فقررت تسيب الفندق وتروح تطمن عليهم وتطمنهم عليها.

اخدت قرار جرىء وسابت الفندق من غير ما تقول لرائد وراحت ع البيت 

خبطت اللي فتحت لها الست الطيبة 

واول ما شافتها اخدتها ف حضنها وعيطت 

الاء انتي كنتوا فين انتي ومريم وسبتوني قلبي واكلني عليكم زلا عارفة انام ولا اكل ولا اشرب من غيركم 

الأعمال الأصلية لرواية وحكاية

الاء 

حقك عليا يا خالتي والله بس غصب عني ما انتي عارفة ظروفي وغيابي مش بمزاجي بي قوليلي مريم فين طمنيني عليها 

الحجة 

مريم اليوم اللي اختفيتي فيه نزلت تدور عليكي واختفت هي كمان من يومها مشوفتهاش 

الاء برعب 

يا خبر يبقى اللي ف دماغي صح يبقة اخدوها هي كمان لا حول ولا قوة الا بالله طب الحل ايه دلوقتي هنعمل ايه وهنرجعها ازاي انا كمان مطاردة وممكن ف اي وقت يلاقوني الاقيها فين دلوقتي...

وقعدت بهم ومش عارفة تعمل ايه 

لكنها لاحظت ان الخالة جعانة

 (اقولكم سر وربنا نسيت انا كاتبه اسمها ايه اللي تفتكره تفكرني وانا اعمل تعديل) 

 ومأكلتش الظاهر من زمان ودا لان سمعت أصوات بطنها 

فقالت 

خالتي انا هقوم اعملك الظاهر انك جعانة وكمان هعمل بزيادة واشيله ف الفريزر وانتي تطلعي وتسخني 

الخالة 

لا يا بنتي متتعبيش نفسك انا لما اجوع هجيب واكل 

الاء عرفت انها مش هتوافق تخليها تتعب نفسها فقالت بحيلة 

اا اصل انا كمان جعانة اوي وعايزة اكل ولا انتي عايزة تخليني امشي من غير اكل؟؟ 

الخالة 

يا حبيبتي لا طبعا خلاص ماشي اعملي الاكل وانا هاكل معاكي.. يارب مريم هي كمان ترجع وتشاركنا اكلنا ونرجع ننضمن تاني لسفرة واحدة 

الاء 

يارب يا خالتي يارب ربنا يسمع منك مش بعيدة عن ربنا ابدا يارب خالف توقعاتي وميكونش جرالها حاجة وحشة ابدا... يارب وقفلها ولاد الحلال زي ما وقفتلي يارب.

وبعد ما الاء عملت الاكل واكلت مع الخالة حطت لها بقيت الاكل ف الفريزر علشان لما تحتاجه وهي مش موجودة وبعدها دخلت شطبت المطبخ وبعد كدا قعدت مع الخالة يشربوا شاي 

الاء 

خالتي بقولك ايه انتي معاكي رقم مريم مش كدا؟؟ ممكن تجيبه ليا اسجله عندي واحاول ارن عليها يمكن ترد 

وبالفعل اخدت الرقم ورنت على مريم

مريم ف الوقت دا سليمان كان عندها وبيقولها تجهز نفسها علشان هيسافروا ع الصعيد النهاردة وهو هيعدي عليها كمان ساعا 

فتلفونها رن 

ولما فتحت الخط 

الو السلام عليكم مين معايا؟؟ 

الاء بفرحة 

مريم حبيبتي.. الحمد انك بخير واخيرا سمعت صوتك انا كنت هموت عليكي 

مريم مصدقتش نفسها انها سمعت صوت الاء 

الاء حبيبتي يااه الحمد لله اني اتطمنت عليكي انا كنت هموت من القلق عليكي وكنت جايالك الصعيد بنفسي ادور عليكي انتي فين 

لسه الاء هترد فسمعت صوت خبط ع الباب وجارتهم بتقول 

يا الاء يا بنتي افتحي 

الاء 

لحظة يا مريم فيه حد بيخبط ع الباب هفتح وهكلمك خليكي ع الخط اوعي تقفلي 

واول ما الاء فتحت الباب وهي بتقول 

ايوا يا طنط محروسة انا كنت لسه هجيلك اوصيكي على خالتي ممكن تاخدي بالك منها

فجأة الاء شهقت 

ااا ايه دا اااا انتوا عايزين مني ايه لا لا ابعدوا لااا مريم يا مريم الحقيني مريم ماخليهمش ياخدوني يا مررريم لا ااااااااااه.

والفون وقع من ايديها اتكسر 

مريم كانت هتتجنن 

ايه يا الاء .. الاء ايه اللي بيحصل معاكي الاااااء حصلك ايه مين دول اللي عايزين ياخدوكي الاء ردي عليا .. الووو الووووو .. الوووو الاء قفلتي ليه انا كدا مطمتنش انا كدا قلقت اكتر يا الاء 

قالتها وفضلت مريم تعيط بخوف ع الاء ..

اما الخالة ع ما قامت من مكانها علشان تشوف ايه اللي حصل لقت الفون واقع ع الأرض مكسور والاء مش موجودة فاستغربت 

يا الاء.. الاء يا بنتي انتي روحتي فين

ردت عليها محروسة 

اهلها جم خادوها ومشيوا حالا 

الخالة بفزع 

ايه اهلها ايه ... وعرفوا مكانها منين ومين سمحلهم ياخدوها 

محروسة 

جم سألوني وانا دليتهم ع البيت ايه مياخدوهاش ليه مش بنتهم وهربانة منهم وعاملة عاملة سيبيهم ياخدوها يربوها بدل ما هي جاية مرمية عليا.. ايه انتي عايزاها تعدي بناتنا ؟؟ لااا احنا هنا ف عمارة محترمة وبناتنا ولاد ناس ومتربين احسن تربية مش ناقصين عك .. عقبال البت مريم لما تحصلها ونخلص 

الخالة 

حرام عليكي منك لله انتي عملتي ايه البنات الاء ومريم متربين احسن تربية لا انتي ولا عشرة زيك يعرفوا يربوا بناتهم زي ما البنات دي متربية اخلاق وادب وحياء مفيش بعد كدا .. منك لاه انتي متعرفيش حاجة البنت مظلومة انتي وديتها للنار والموت برجليها منك لله 

محروسة 

ااه هما ضاحكين عليكي وقايلين لك كدا.. قايلين لك انهم مظلومين ويا عيني معملوش حاجة ومثلوا دور السهوكة ما طبعا لازم يقولوا كدا اومال هيقولوا احنا وحشين وفينا كل العبر؟ 

الخالة 

والله محدش فيه كل العبر غيرك.. الناس بتتعرف من طباعها وعشرتها والبنات دي انا عاشرتهم اكتر من شهرين البناات قمة ف الادب عمري ما شوفت منهم حاجة وحشة عمرهم ما تأخروا برا البيت ولا عمرهم كلموا اي شاب غريب ولا شوفت منهم تصرف مريب

قالتها الخالة وسابت محروسة ودخلت بيتها وهي بتكلم نفسها 

لا حول ولاقوة الا بالله العلي العظيم 

لا حول ولا قوة الا بالله العلي العظيم .. ربنا يتولاكي برحمته يا الاء يا بنتي ويجنيكي من شر اهلك ومن شر اي حد عايز يأذيكي .

مريم كانت هتتجنن ومكانتش قادرة تقعد ف مكانها فبسرعة قررت تخرج وتتى اي ظرف بيحصلها

فقابلها سليمان عند الباب 

مريم انتي كنتي رايحة فين ؟؟؟ 

مريم بسرعا ولهفة 

استاذ سليمان من فضلك بالله عليك من فضلك من فضلك ممكن توصلني انا لازم اروح حالا اطمن عليهم دي دي فجأة مرة واحدة كانت بتكلمني وصرخت والخط قطع قالتلي متسيبينيش يا مريم انا لازم اروح لها لازم انقذها .. مش مهم رائد هيشوفني ولا مهتمة لأي حاجة من فضلك وديني ليهم 

الأعمال الأصلية لرواية وحكاية

سليمان لما شاف خوفها وسربعتها قال 

طيب اهدي اهدي تعالي انا هوديكي للمكان اللي انتي عايزاه ومش مشكلة القطر هيفوتنا نروح مواصلات وخلاص ربنا هيسرها بس اهدي ومتقلقيش وكل حاجة هتتحل  ان شاء الله 

وبالفعل وصلها سليمان للمكان اللي هي عايزاه واستناها تحت لحد ما تطلع تطمن وتنزل 

ولما خبطت الباب والخالة سمعت صوتها مصدقتش نفسها وجاهدت علشان تقوم تفتحلها بسرعة 

وفتحت وكلها شوق وفرحة ان مريم رجعت 

مريم بنتي حبيبتي انا مش مصدقة نفسي انتي اخيرا رجعتي اخيرا ظهرتي وطمنتيني عليكي احنا كنا قلقانين عليكي يا بنتي فين اراضيكي واختفيتي فين كدا 

مريم دخلت وقفلت الباب وخدت بإيد الخالة ودخلتها جوة وقعدوا سوا وهي بتقول 

هقولك كل حاجة يا خالتي بس الاول طمنيني على الاء هي كلمتني من التلفون بتاعك معنى كدا انها كانت هنا .. كانت بتكلمني وفجأة شافت حد خوفها وفضلت تصرخ وتستنجد بيا وفجاة الخط قطع طمنيني عليها يا خالتي بالله عليكي حصلها ايه 

الخالة قالت بهم 

منها لله اللي كانت السبب .. للاسف يا مريم يا بنتي أهلها جم اخدوها غصب ومن الواضح انها كانت خايفة منهم ومش عايزة تروح معاهم هناك وكانت مزعورة بس مقدرتش عليهم 

مريم برعب 

اهلها يا خبر؟؟ اخدوها الصعيد؟؟ انا لازم اروحلها حالا لازم اروح وراها واروح لأهلها اقول لهم الحقيقة قبل ما يعملوا فيها حاجة قبل ما يأذوها.. معلش يا خالتي انا لازم اسيبك حالا لازم اسافر الحقها .. انا همشي اشوفك ع خير ادعيلي وادعليها ربنا ينجيها من اللي هي فيه .

ونزلت مريم .. ركبت العربية مع سليمان وطلبت منه يوصلها الصعيد ف اسرع وقت 

...

اما عند ميادة اللي سافرت وراحت الصعيد عند امها 

سماح 

بت يا ميادة انتي سبتي دراستك ومكانك وجيتي ليه يا بت هو ديه معاد زيارتك لينا؟؟؟ انتي نسيتي خطتنا ولا ايه 

ميادة 

لاه ياما بس اني مقدرتش اجعد هناك واتفرج من بعيد لبعيد كان لازمن ارجع واعرف ايه اللي حوصل وانتي عملتي ايه بعد ما قولتيلي ان عمي عامر وابوي بقوا واقفين في صف البت الاء بعد ما كانوا ناوين يغسلوا عارهم منيها... احنا اكده ياما كل خططنا باظت اللي بقالنا سنة بنخطط ليه هيروح ف غمضة عين.. البت الاء لو ابوها قابلها وسمح انه يسمعها ويفهم منيها ايه اللي حوصل هيعرف انها بريئة ومعملتش حاجة شينة وهيبتدوا يحفروا ف الموضوع وندخل احنا في سين وجيم لحد ما يعرفوا اننا السبب وكل حاجة تروح منينا ياما حنى الجوازة.

سماح قالت بخبث وشر 

لاه وداي تاجي بردك وتفوت امك وفكرك يعني اني هسيب حاجة كيف داي تحصل ونروح احنا في خبر كان.. طبعا كان لازمن اتصرف... اول ما عرفت من اختي جنات انها قدرت تقنع جوزها ان الموضوع مهواش مسألة هروب وان دية مهياش اخلاق الاء وفعلا قرر انه يدور ع بنته علشان يعرف منيها ايه اللي حصل صوخ 

لكن اني خلاص.. خلاص يا بت اني اتصرفت قبل ما هما يعتروا فيها واخدت منك المعلومات اللي قولتيلي عليها وبعت الرجالة يعتروا عليها ويجيبوها وهي دلوك ف الطريق معاهم

ميادة بفرحة 

صحيح يا ما لقيتوها وجبتيها لحد اهنه قبليهم.. هي داي الاخبار الصوح.. ديه اني طلعت عيني لحد ما طلعت جبت معلومات عنيها من المكتب.. فضلت اتحايل عليهم داي بت عمي واثبت اكده بصورة البطاقة وقولتلهم انها عايشة اهنه ف مصر من ياما ومتعرفش حاجة عن اهلها ..ودلوك ابوها بيموت وطالب يشوفها قبل ما الروح تطلع لخالقها وفضلت اتمسكن عليهم واعيط واعرض فلوس كمان لحد ما صعبت عليهم وطلعلي عنوانها وجبتهولك ياما كيف ما طلبتي.. بس انتي طلعتي واعرة جوي جوي ياما لما سبقتي الكل بخطوة وعرفتي مكانها وبعتي الرجالة يجيبوها.. بس اللي منيش فاهماه بقا ياما انتي باعتة ليه الرجالة يجيبوها ناوية ع ايه ياما بالظبط منيش فاهمة انتي جايبها لابوها بيدك ولا ايه؟؟

سماح 

انتي يا بت عبيطة ولا ايه اسلمها لابوها وعمها بيدي واحفر قبري بيدي؟؟ انتي جرى لعقلك حاجة اومال؟؟؟ ... انتي ناسية ان خطتنا ف الاول والاخر اننا نسوء سمعتها ونخليها شينة علشان سي سليمان يكرهها ويبعد عنيها وتدخلي انتي ف الموضوع وتحببيه فيكي علشان يتجوزك انتي وتكوني ليه؟؟ كيف يعني ارجعها لابوها وهو دلوك بقا واقف في صفها... احنا اكده لسه خطتنا مكملتش ولازمن نكملوها للاخر... اني جبتها اهنه علشان اثبت للكل واعملها فضيحة انها بت شينة ومستاهلش الا الموت اني ناوية اخدرها واصورها بالصوت والصورة وابعت الصور لاهلها وكمان نجيبهم يشوفوا بعيونهم..  البت الاء لازمن تخرج من البلد داي وكل واحد ف البلد بيلعنها ويتمنالها الموت.. لازمن اهل البلد كلياتها يتكلموا عنيها انها مهياش شريفة ابدا ومتلاقيش حد يلمها الا القبر 

ميادة اتسعت ابتسامتها 

براوة عليكي ياما براوة انتي عقلك ديه وخططك داي توزن بلد انتي عديتي المتعلمين واتخطتيهم ف التخطيط والتكنيك كمان .. اني لازمن اتعلم منك ياما...

..

وصل سليمان ومريم الصعيد وبالتحديد بيت سليمان 

حنان استقبلت مريم بالبوس والاحضان وفرحانة بيها اوي 

يا اهلا وسهلا بضيقة ولدي سليمان بيه ذات نفسه...وطالما ولدي ونور عيني جابك بنفسيه لحد اهنه وموصي عليكي يبقى انتي حد عزيز قوي قوي عنديه .. علشان اكده انتي من اللحظة داي عزيزة علينا اهنه كلياتنا... اهلا بيكي يا حبابة امنورة الدار كلياتها اعتبري اهنه الدار دارك يا غالية اعملي فيها ما بدا لك.

اخت سليمان بعد ايد امها 

شيرين 

بعدي يدك اكده ياما خليني اعرف اسم ع الضيفة اني كمان .. ازيك يا جميلة اخوي سليمان قالي ان اسمك مريم عاشت الاسامي يا قمر ١٤ انتي اني بقا اسمي شيرين اخت سليمان ومتجوزة وعندي ولد بس اوعدك لو حملت ف بنته لاسمها مريم ع اسمك علشان تطلع جميلة زيك يا غالية.. نورتي وانستي اني وصيت اني وامي البناات يجهزوا ليكي اوضتك فوق ترتاحي فيها اتفضلي معايا تعالي اطلعي ارتاحي اكيد انتي تعبتي من السفر وانتي مش واخدة عليه 

حنان 

اطلعي يا غالية اطلعي والبنات هتطلع ليكي الوكل وكل اللي تحتاجيه لحد عندك.

...

الاء فاقت من اغماءتها بعد ما خدروها وراح مفعول البنج وبصت حواليها وقالت بخوف 

انا فين وبعمل ايه هنا انا مش فاكرة حاجة كل اللي فاكراه ان رجالة لابسين جلبيات وعمامة وباينهم من الصعيد اخدوني بالعافية واني قولت اكيد دولن رجالة ابوي وعمي من البلد بيدروا عليا لحد ما لقوني

ولما جت تقوم لقت نفسها مربوطة بأحبال جامدة اوي ولما حاولت تفك نفسها معرفتش وفضلت ع الوضع دا فترة طويلة مقيدة... لحد ما فجأة الباب اتفتح ودخل منه..... 

نقف لحد هنا ونكمل المرة الجاية يا ترى مين فتح الباب ومين جاي لها وهيعمل فيها ايه ويا ترى حد هيلحقها ولا لا