رائد ابتسامة 

عريضة 

صباح الخير يا الاء اتمنى تكوني بخير 

الاء 

شكرا احضرتك يا استاذ رائد بجد مش عارفة اقول لحضرتك ايه.. اظبط بس اموري وهمشي ومش هعمل ازعاج ليك تاني 

راىد 

الاء انا عايزة اساعدك ممكن تفتحي لي قلبك و تقوليلي مين مخوفك؟ انا مستعد اساعدك واخدك القسم كمان نعمل محضر 

الاء 

دي حكاية ملهاش حل صدقني .. كل اللي اقدر اقوله ليك اني اتجوزت واحد ولما اتجوزته اكتشفت انه انسان مش كويس متجوز قبل كدا وعايز يذلني ويخليني خدامة لمراته الاولى .. متحملتش اعيش الحياة دي واكون تحت رحمة واحد معندوش ذرة رحمة اصلا علشان كدا هربت منه وهو بيدور عليا علشان يذلني اكتر واكتر 

رائد 

اتصدم لما عرف انها كانت متجوزة وارتبك لانه كان مفكرها انسة وكان بيفكر انه يطلبها للجواز 

فسكت ومبقاش عارف يرد للحظات 

ف الوقت دا 

سليمان كان جاي لمريم يطمن عليها 

الاء بصت قدامها وووو 

....

في بيت الحج عامر 

قام من نومه لقا مراته جنات قاعدة وحاطة ايديها ع خدها 

فقال 

واه يا ولية مالك اكده كاعدة وشايلة طاجن ستك ليه .. فيه ايه على الصبح هو احنا ناقصين نكد ما احنا فينا اللي مكفينا 

جنات 

البت الاء بتي وحشتني اوي يا حج الله اعلم فين اراضيها دلوك ولا عاملة ايه .. ولا عايشة فين بتاكل ازاي ولا بتشرب امنين زمانها يا حبة عيني اتوحشتني اوي داي مبتقدرش تستغنى عني واصل.. فيه رقم عيرن عليا ادليه فترة وافتح اقول مين محدش عيرد .. بس اني متأكدة وقلبي بيقولي انها الاء بتي بتطمن عليا وبشوقة لسماع صوتي.. اتوحشتها اوي يا حج 

عامر 

جبر يلمها مطرح ما راحت بتفتحي السيرة داي ليه ع الصبح الواحد كان جايم مزاجه زين ليه اتعكريه بالسيرة داي بس 

جنات 

دي بتك يا حج من لحمك ودمك ازاي بس تقول عليها اكده 

عامر 

كانت بتي بس دلوك مبقتش خلاص اني اتبريت منيها من يوم عاملتها .. اني لحد دلوك معارفش ارفع عيني في عيون الناس من الفضيحة والجرسة اللي سببتهالنا 

جنات 

لاه يا حاج متقولش اكده واني قولتهالك كاتير قبل سابق مهياش الاء بتي اللي تعمل شىء عفش . لا تربيتها ولا اخلاقها يخلوها تعمل اكده دي تربيتك يا حج تربية الحج راشد فتكر قبل سابق لما كنت طالع ببتك السما وتقولها امي واثق فيكي يا الاء اني ربيتك وعارف انك مش هتخزليني وفوتها وقتها تروح جامعتها ويا زمايلها من الكفر اهنه؟؟

عامر 

وادي اخرة الدلع ديه ايه اخرته اديها خانت ثقتي فيها وهربت يوم فرحها وجابتلنا العار والله اعلم هربت مع مين دلوك 

جنات 

لاه يا حج متظلمهاش.. الاء بتك لو كانت شينة وكانت تعرف حد او ع علاقة بيه مكانتش هتستنى لما تتخطب تهرب يوم فرحها ايه اللي يخليها تستنى ع الهرب يوم فرحها وبعدين داي وافقت ع الخطوبة والفرح بكامل ارادتها محدش غصبها لو كان ف قلبها حد كانت رفضت ف الاول واحنا غصبنا عليها لكن ديه محصلش... الموضوع فيه ان يا حج اقسملك بالله... اقسملك بالله ومستعدة ادفع حياتي تمن حلفاني ديه ان الاء بتي ضحية مهياش مجرمة زي ما اهل العريس طلعوا عليها وسوقوا سمعتها 

عامر 

وان كان الوضع اكده كيف ما بتقولي .. البت مرجعتش ليه علشان تقولنا الحقيقة ليه مجتش تحسن صورتها قدام الكل وتثبت براءتها 

الأعمال الأصلية لرواية وحكاية

جنات 

اهيه.ظ كنها يعني مهياش عارفاكم وعارفة عوايدكم... لو كانت رجعت ولو كنتوا لمحتوها بس كنت اول حاجة عملتوها انكم طخبتوها عيارين ف نافوخها خلصتوا عليها وعملتو زفة فرح وانتوا فرحانين انكم غسلتم عاركم .. البت يا حبة عيني اكيد خايفة اكيد مرعوبة منكم ... وكمان الله اعلم حصلها ايه الله اعلم البت بصحتها ولا مغلوبة ع امرها الله اعلم عفية ولا مرضانة ربنا يوقفلك ولاد الحلال يا الاء ويرجعك لحضني بالسلامة يابتي.. اني مبتمناش من ربنا غير اني اشوفك واطمن عليكي من تاني .

اخد عامر نفس عميق ومبقاش عارف الحقيقة فين هل بنته مذنبة ولا شريفة والحقيقة فين فاتخبط ف افكاره هو كمان.. فأخد نفس عميق وطلعه بهم وخرج من الدار كلها

...

سماح اتصلت ببنتها 

صباح الخير يا بت يا ميادة عاملة ايه واخبار صحتك ايه وها ايه الاخبار فيه اي جديد يا بت 

ميادة بهم 

لسه ياما لسه .. الراجل ديه حجر صوان.. محاوط نفسه بدرع منيش عارفة اقتحمه ولا حتى اقرب منه شبر واحد حتى.. اكتر من المسافة اللي هو سامح بيها منيش عارفة اعمل ايه ياما.. غلبت معاه ديه جبلة 

سماح 

واه وانتي يا بت حاجة تعصي عليكي بردك منفعتش الطريقة داي يبقى حاولي بطريقة تانية وتالتة هو انتي يعني يا بتاعة المدارس والجامعات هتغلبي اني بردك اللي هعلمك؟؟؟ 

ميادة هنا عرفت ان امها ادتلها الاشارة بأنها تعمل اللي هي عايزاه فابتسمت بمكر وقالت 

ماشي يا ما هعمل اللي قولتي عليه وهتسمعي اخبار زينة قريب .

....

سليمان اول ما شاف رائد ف الفندق وكان ضهر الاء ليه مشافهاش

استخبى بسرعا وقال 

يا خبر رائد هنا بيعمل ايه وكمان معاه حد.. انت بتعمل ايه يا رائد كدا من ورايا وليه مقولتليش انك بتقابل حد.

الاء اول ما لقت رائد ساكت كدا فهمت انه اتصدم وخاصة انها بدات تحس انه مهتم بيها 

فأخدت نفس عميق وقامت وقفت 

شكرا على كل حاجة يا استاذ رائد انا هستأذنك علشان امشي ومعلش بستأذنك هاخد الفون اللي انت جبته محتاجة اعمل بيه مكالمة ضروري 

رائد 

اكيد طبعا انا جايبه ليكي استخدميه هو والهدوم براحتك 

الاء 

هردلك كل دا قريب ان شاء الله.. ممكن استأذن انا 

رائد هز راسه واول ما شافها مشيت 

قام وقف وراح عند عربيته 

سليمان اول ما شاف رائد مشي طلع بسرعا ع اوضة مريم 

رائد ف العربية 

دي طلعت متجوزة يا رائد... لا ومش بس كدا ...دي كمان مش عارفة تتطلق ولا تخلص منه... دي حبالها طويلة لسه يا رائد هتعمل ايه .. انت فكرتها بنت غلبانة كنت هتتجوزها وتعيش حياة هادية وخلاص انما هي لسه وراها بلاوي وانت كمان وراك بلاوي اكتر ومش وقته اي مشاكل تانية.. ياااه يا الاء ليه ظهرتي في حياتي برجلتيلي الدنيا انا مبقتش عارف انا عايز ايه دلوقتي.

اما عند مريم 

سليمان خبط يطمن عليها 

ازيك يا مريم طمنيني عنك دلوقتي على فكرة رائد عرف انك معايا 

مريم برعب 

ايه انت قولتله ع مكاني يا خبر ااا اانا 

سليمان 

اهدي اهدي انا مش قصدي كدا اقصد انه عرف اني اللي هربتك واني اعرف مكانه لكن مقلتلوش انتي فين بالظبط 

مريم هديت شوية فقالت 

حرام عليك وقعت قلبي والله العظيم 

سليمان 

لا متخافيش بعد النهاردة وع فكرة رائد مش وحش وحتى لو مسكك او عرف مكانك عمره ما هيأذيكي رائد مش مجرم ..هو بتاع كلام بوء ف الفاضي يعني

مريم 

لا انت مش متخيل مجرد ذكر اسمه بيحصلي ايه انا بترعب بجد بموت من الخوف .. اا انا فكرت ف كلام حضرتك واا موافقة اني اجي معاك عند اهلك ف الصعيد ااا انا فكرت فيها المكان بعيد وابعد مما يتصور اني ممكن اروحه وكمان عند اهلك عمرها ما هتيجي ع باله 

سليمان ابتسم لانه كان عايز دا عايز يعرفها ع أهله ويعرفوها 

فقال خلاص تمام زي ما تحبي 

مريم 

بس ايه الضمانات اللي تضمنلي انك توديني الصعيد بسلام متغدرش بيا معلش انا اسفة بس مبقاش حد نقدر نثق فيه ثقة كاملة.. حضرتك لا اخويا ولا ابويا علشان اروح معاه لمكان بعيد كدا ولأول مرة 

سليمان ضحك جامد فمريم استغربت 

ايه ف ايه هو انا قولت حاجة تضحك .. ولا انت كنت مفكر علشان انقذتني وخرجتني من مشكلتي اني خلاص اصدقك واركب معاك وتاخدني لمكان معرفوش مجهول بالنسبة ليا.. لا طبعا دا مش مبرر مش يمكن طعم؟! 

سليمان قال ولسه الابتسامة ع وشه 

وعلى فكرة لو قولتي غير كدا كنت هسلمك بتفسي لرائد وهخرج نفسي من الموضوع تماما 

مريم برعب 

ايه؟؟ ااا انا مش فاهماك ..ااا عامة لو مش عايز تساعدني انت حر ايوا كدا اظهر ع حقيقتك بس تعرف انا هروح الصعيد لوحدي ومش عايزة مساعدتك 

سليمان ضحك اكتر 

ههه يا بنتي اهمدي وخدي نفسك.. انا مبسوط انك قولتي كدا انك مش عاطية الامان لحد وخايفة ع نفسك لاقصى درجة.. انتي كدا عليتي ف نظري 

مريم بانزعاج

يا عم عليت ولا نزلت وايه المشكلة انا مش بقول كدا علشان اعجبك ولا الفت انتباهك انا بقول اللي اتربيت عليه وعلى فكرة بقا انا ليا سبب تاني لطلبي اني اروح الصعيد 

سليمان ابتسم لانزعاجها وقال 

خلاص متزعليش حقك عليا مش هتكلم خالص بس عايز اطمنك انك كنتي هتسافري ف القطر عادي وسط الناس والخلق ونروح ع بلدنا وهناك البت اختي هتقابلك وتوديكي لحد الدار ولو مش واثقة ف اختي اوصلي البلد انتي بس واسألي على عيلتي والف مين يدلك وهيقولك مين هي عيلة الحج راشد ومين هو سليمان ولده 

الأعمال الأصلية لرواية وحكاية

مريم 

خلاص اتفقنا ايدك بس ع تمن التذكرة لاني مفلسة وانا هروح هناك بس قولي هو انت من اي مكان ف الصعيد بالظبط اصل انا كنت حابة اروح نجع حمادي 

ضحك 

سليمان 

اشمعنا يعني النجع؟؟ عامة احنا قريبين منيهم ويعتبر من النجع متقلقيش 

مريم 

خلاص تمام كدا اوك هروح بس امتا 

سليمان 

اصبري بس ارتب مع اهلي هناك علشان يستعدوا لاستقبالك واكلم اختي وهقولك 

مريم 

خلاص تمام اتفقنا يلا سلام 

قالتها وقفلت الباب ف وشه وسليمان مش مصدق نفسه 

ضحك من كل قلبه وهو اول مرة يلاقي نفسه فرحان كدا 

البنت دي مشكلة بجد.

...

اما عند الاء فحاولت تفتكر رقم مريم علشان تكلمها من فون رائد لكنها مكانتش فاكراه خالص 

ياربي هو كان ٠١٠١٥ وبعدين ايه انا نسيت خالص .اا كلن اخره ٩٩ ليه ليه يا الاء تنسيه زمانها ميتة من الخوف عليا ومش بعيد خرجت تدور عليا وممكن المجرم اللي اسمه رائد دا يلاقيها ياخبر لو لقاها دا ممكن يأذيها يا نهار ابيض انا لازم افتكر رقمها لازم لازم.

انا هكلم ماما دلوقتي اسمع صوتها زي كل مرة انا حافظة رقمها عن ضهر قلب 

وبعدها هشوف هعمل ايه ف موضوع مريم 

ولما رنت ع رقم امها

امها مسكت الفون بلهفة وكأنها حاسة ان دي بنتها 

فقالت 

الو الو ايوا مين ياللي بتتصل انت مين سمعني صوتك 

الاء عيطت وقالت ف نفسها 

ياااه يا ماما ياااه انتي كنتي واحشاني اوي اوي نفسي اجيلك واترمي ف حضنك اوي اما محتاجاكي اوي يا ماما.

جنات 

بردك مش هترد؟؟ طب قوليلي وريحي قلبي انتي الاء بتي ولا لاه ردي بالله عليكي اني اتوحشتك يا الاء يا بتي 

الاء مقدرتش تمسك نفسها وقالت 

بجد يا ماما انا وحشتك؟ يعني مش زعلانا مني وبتتمنى موتي؟؟ 

جنات مقدرتش تمسك نفسها وقامت وقفت وهي بتصرخ بفرحة 

الاء الاء بتااي الاء حبيبتي ونور عيني اني كنت متأكدة انه انتي يا نور عيني كنت متأكدة انه انتي اللي بتتصلي تسمعي صوتي وتقفلي معندكيش الجرأة انك تتكلمي وحشتيني يا نور عيني طمنيني عنك يا حبابة يا غالية عاملة ايه يا نن عين امك 

الاء 

حبيتي يا ماما انا اسفة اني عملت فيكي كدا انا اسفة اوي بجد مش قصدي.. بس سامحيني ياماما والله غصب عني 

جنات 

قوليلي يا بتي انتي فين وانتي خاطية ولا شريفة ايه اللي خلاكي تفوتي فرحك واهلك وناسك يا بنتي وتجيبي العار لنفسك ولأهلك ليه اكده يا الاء 

الاء 

والله العظيم انا شريفة يا ماما ومعملتش حاجة ارفعي راسك يا امي عمري ما همغرها ف التراب ابدا حتى لو هموت اقسملك بالله 

جنات 

فرحتي قلبي يا بتي وطمنتيني ربنا يريح قلبك وبالك 

ف الوقت دا عامر كان رجع جنات سمعت صوت نحنحته 

طب اقفلي دلوك لابوكي عاود.. وكلميني تاني يا الاء لازمن اعرف منك كل حاجة يا ضنايا واني هساعدك يا بتي خليكي واثقة اني عمري ما هفوتك تعاني لحالك 

وقفت جنات بسرعا قبل ما جوزها يعرف ويخوف الاء والاء تبطل تتصل بيها 

اما الاء ففضلت تعيط بحرقة وشوق لأمها ولأيامها الهادية وسط اهلها ومحبتهم ليها اللي دلوقتي اتحولت للنقيض تماما .

سليمان راح ع الشركة ومكانش عارف يشتغل ولا يركز كانت مريم شاغلة كل تركيزه وتصرفاتها العفوية كانت بتجبره انه يضحك كل لما بفتكرها 

لدرجة انه منتبهش لميادة اللي اتسحبت ودخلت مكتبه من غير استئذان وقربت منه وفضلت تمسح على شعره وهو مش دريان بحاله 

فجأة انتبه ان فيه ايد بتمشي ع شعره 

فلما بص قدامه لقاها ميادة فانصدم 

ميادة؟؟ انتي بتعملي ايه هنا وازاي تقربي مني بالشكل دا انتي اتجننتي؟؟ 

ميادة بتوتر 

ااا انا اسفة يا سليمان بيه حضرتك كويس؟؟ انا من بدري بخبط وبنادي ع حضرتك لكن حضرتك مردتش.. فخوفت عليك وقربت منك اشوفك بخير وبتتنفس ولا لا .. والحمد لله انك بخير قلقتني اوي عليك 

سليمان هدي 

انا بخير يا ميادة شكرت على خوفا وقلقك عليا كنتي عايزة ايه 

ميادة بدلع عملت انها هتعيط 

والله العظيم قلقت عليك اوي وكنت مرعوبة لمجرد فكرة ان يكون جرالك حاجة 

سليمان قام وقف 

اهدي بس يا ميادة انتي قلبك ضعيف ليه انا كويس يا بنتي كنت سرحان شوية ليه ظنيني اني تعبان 

ميادة 

معرفش خوفت عليك وخلاص بصراحة متحملتش انا مبتحملش عليك الهوا الطاير وبتمنى من ربنا انسان شهم ونبيل زيك هو انت مش نفسك تتجوز يا سليمان بيه

سليمان فهم قصدها ونفخ بضيق 

لا مش عايز اتجوز ولا بفكر خلاص نفسي اتسدت من بنت عمك ها كدا ارتحتي يلا اتفضلي ع شغلك او جامعتك 

ميادة نفخت بغيظ 

كلك منك يا الاء ربنا يخدك حتى لما فكرت هلاص اقرب منه طلعتي انتي مقعداه من عيلتنا ياما نفسي اجيبك افعصك بين ايديا واكلك بسناني 

سليمان 

انتي يا بنتي ع شغلك اخلصي 

ميادة 

ها حاضر يا سليمان بيه.

...

سماح شافت اختها فرحانة وطبعا دا اكتر حاجة بتضايقها فقالت 

ايه مالك يا جنات شايفاكي فرحانة غير انتي طالعة عمره ولا ايه 

الأعمال الأصلية لرواية وحكاية

جنات بابتسامة 

ايةا ان شاء الله قريب انا والبت الاء بنتي 

سماح 

قوطعها وقطع سيرتها مطرح ما راحت 

جنات 

لاه بتي شريفة وهي بنفسها قالتلي اكده 

سماح 

قالوا للحرامي احلف بس استني انتي عرفتي منين هي كلمتك؟؟ 

جنات 

ايوا لسه قافلة معايا من هبابة وطمنتني عليها.

سماح بتوتر 

لاه البت داي مينفعش تظهر دلوك البت ميادة لساتها موصلتش لسليمان لازم اقطع خبرها 

وقالت لاختها 

بجد ديه زين اوي اوي وهي فين دلوك 

جنات 

لاه ملحقتش اعرف بس هعرف وهجيبلها حقها من اللي ظلمها قريب.

سماح سابت اختها وجريت ع بنتها 

بت يا ميادة البت الاء ظهرت وليها عين تكلم امها يابت لو رجعت دلوك والناس عرفوا الحقيقة قبل ما تقربي من سليمان وتبقي مرته هيكون بعد اكده من سابع المستحيلات 

ميادة 

عارفة ياما انها رجعت وسليمان كماني عارف مكانها واطمني سليمان بنفسه اللي هيجيبها اهنه لابوها يغسل عارها هو بنفسي اللي قال أكده مهمتك بس ياما تلعبي ف دماغ ابويا وعمي انها مهياش شريفة واني لمحتها مع عشيقها بس مرديتش اقول علشان سمعة العيلة