اتلفت ولاحظت أن انا وإبراهيم وحسن بس اللي كنا مركزين في موضوع الأسلاك إلا مازن كان باصص في اتجاه تاني ومركز في حاجة بعيدة خالص عن اللي بتتكلم عنه....

الأعمال الأصلية لرواية وحكاية

ندهت عليه مردش ...

رحت وراه وخبطت على كتفه اتفزع وكأنه كان سرحان بجد ....

طبعا حاولت أهديه وبعدين سألته / 

- مالك بقى وبتبص الناحية دي ليه ؟؟

بص ليا وعيونه كلها حيرة وقال / 

- حاسس ان في اوضة أو مكتب هنا...

احساسي بيقول أنها وراء الحيطة دي ...

اخواته جم ورايا وسمعوا اول جملة منه وفسألوه / 

- قصدك ايه أنها وراء الحيطة؟

 وايه اللي يخليك متاكد كدة ؟؟

بص لهم مازن وهو بيقول / 

- مش عارف ازاي تبقى وراء الحيطة ولكن حاسس ان المكان اللي واقفين فيه ده يشبه المكان اللي كنزي ورتني منه باب مكتب وكانت بتشاور عليه ...

ساله حسن باستفسار/ 

- قصدك انك حلمت انها نزلت بيك في مبنى صيانة حمام السباحة ووقفت هنا وشاورت لك على باب في المكان ده ؟؟

حرك مازن رأسه بالنفي وقال /

- لا...

هى مأخدتنيش تحت حمام السباحة أنا فجأة في حلم من أحلامها لاقيت نفسي واقف في مكان زي ده ...

وهي جت وشاورت على الاتجاه ده وكان في باب ...

بصيت له وحاولت افسر كلامه / 

- عادي يا مازن اكيد في مكان تاني يشبه المكان ده بس يكون في باب ..

الأعمال الأصلية لرواية وحكاية

اللي خطط للقرية مهندس واحد فأكيد تفكيره واحد وهتلاقي اماكن كتيرة بالقرية متشابهة ..

نطق ابراهيم بعدي وقال /

- أو يكون فعلا هنا في اوضة ولكن بابها من الناحية الثانية ..

يعني في ظهر المبنى ده ...

كلنا افتنعنا برأي ابراهيم وقررنا نطلع نلف وراء المبنى ونشوف ايه وراه إلا مازن وقف مكانه وقال / 

- بس انا حاسس ان الباب من هنا صدقوني ...

شديت أيده وسحبته وانا بقوله/

- مصدقينك بس الرؤية ممكن تختلف من حيث المنظور فخلينا نطلع ندور ونجرب مش هنخسر حاجة...

فعلا كلنا مشينا علشان نطلع وقبل ما نطلع لاقينا مازن بيقول /

- نعم ...

وبعدين اتلفت لورا ...

كلنا وقفنا نشوف مين نده عليه علشان يرد ويقف ...

لإقناه واقف مكانه وكأنه اتسمر وبيكلم نفسه وبيقول / 

- مانا بقولهم أن هنا المكان ...

طب قوليلي فين الباب ...

رحت له وهزيته وانا بسأله / 

- مازن انت بتعمل ايه وبتكلم مين ؟

رد عليا وهو بيشاور لنفس المكان /

- كنزي يا ماما ندهت عليا وواقفة عند الباب ...

صدقوني الباب من هنا ...

أتلفت اشوف كنزي بس ملاقتش حد ...

سألت اخواته / 

- حد فيكم شاف حاجة ولا سمع حاجة ؟؟

كلهم ردوا بالنفي وهما برضه بيحاولوا يشوفوا اللي مازن قال عليه ...

أتلفت له وقولت له / 

- مازن حبيبي عايزين نركز مع بعض ونكتشف كل حاجة مع بعض

 الأعمال الأصلية لرواية وحكاية

لو كنزي فعلا ظهرت لك كنا شفناها لأنها خلاص بقت بتظهر لنا كلنا ...

خلينا نشوف وراء المبنى ونشوف بعدها هنعمل ايه ....

سحبته من أيده تاني ورحنا وراء المبنى كلنا بس للاسف مفيش اي باب أو أي علامة تدل أن في اوضة من الأساس ...

لفينا حوالينا المبنى مرتين كمان بس برضه مفيش فايدة مش لاقين حاجة خالص ...

بس فجأة وبدون سابق انذار ظهر لنا واحد من العدم وسألنا / 

- أنتوا مين وبتعملوا ايه ؟؟

كلنا اتخضينا وطبعا اتبرجلنا ومحدش بقى عارف يرد ولا يقول كلمة ...

الراجل كرر سؤاله تاني بس بطريقة تانية هدتنا شوية /

- انتوا جايين تصيفوا هنا ؟؟

طلعنا طلعنا النفس اللي كان محجوز في صدورنا ورديت عليه/ 

- أيوة جايين نصيف ...

حضرتك الحارس بتاع القرية دي ؟؟

أنا سألت السؤال ده وكأني ضربته بالنار فجأة لاقيت الراجل بيلف ويدور حوالين نفسه وهو بيصوت ويقول / 

- اشتاتا اشتوت .

اعوذ بالله من الشيطان الرجيم...

أنا اشتغل في المخروبة دي ؟؟

دي مسكونة بالجن والعفاريت والاعوذ بالله ...

انتوا مين دلكم على القرية دي ...

بصيت لأولادي علشان محدش ينطق ورديت عليه قولتله / 

- جماعة قريبنا قالولنا عليها حلوة وهادئة ...

بس مكناش فاكرنها هادية اوي كدة ...

ومش لاقين سكان خالص فيها ....

هو سكانها قليلين ؟

رد عليا بخوف ورعب / 

- هي اصلا مفيهاش سكان ومحدش بيجي فيها إلا ضنين...

واللي بيجي بيهرب قبل ما مدته تخلص ..

حاولت استدرجه في الكلام فسألته /

- هو انت هنا من امتى يا ريس ؟؟

بص حواليه وكأنه هيقول سر من الاسرار الحربية وقال بصوت واطي اوي خلاني اقرب منه علشان اسمعه/

- أنا هنا من وقت ما كانت القرية دي جنة وبتاعة حسام بيه المسيري ...

كلنا اتفاجئنا باللي قاله ...

أننا لاقينا حد يعرف حاجة عن تاريخ القرية واللي حصل فيها وشكله ممكن يفيدنا في اي حاجة حتى ولو مجرد معلومة بسيطة ...

الراجل بص لينا وخاف من عيونا المبرقة ومن الخضة اللي على وشنا ...

سأل برعب وهو بيرجع بظهره /

- هو انتوا عملتوا كده ليه ؟؟

هو انتوا عفاريت ولا تبع شادي بيه ؟؟

كان هيمشي خلاص لولا أن أنا اتكلمت وحاولت اطمنه /

- لا ابدا ياريس احنا لا عفاريت ولا تبع شادي بيه ...

احنا بس اتخضينا أن القرية دي كانت ليها مالك تاني غير شادي ابو العزم ...

الراجل وقف ورجع تاني وكأنه كان مشتاق لحد يتكلم معاه وقال /

- اهيييي معلوم القرية دي في الأساس كانت ملك حسام بيه المسيري ...

راجل في منتهى الذوق والأخلاق ...

كان طيب وبيقدر العمال اللي بيشتغلوا معاه ؟؟

سأله حسن وقاله /

- أمال العمال دول راحوا فين ؟؟؟

فجأة الراجل بعد سؤال حسن لاقيناه رجع يتلفت تاني وبعدين بص لينا وقال بهمس / 

- ده موال طويييل يطول شرحه ...

ما تيجوا تأنسوني في القرية اللي بشتغل فيها شوية ونحكي براحتنا ؟؟

بصينا لبعض وإبراهيم سأله/ 

- هي القرية عندك فاضية برضه؟؟

الأعمال الأصلية لرواية وحكاية

لاقناه شوح بايده وقال بزهق / 

- والنعمة القريتين دول كانوا بيشغوا ناس ....

من ساعة اللي حصل والقريتين اتنحسوا...

بس القرية هنا بزيادة علشان اللي حصل عندكم ..

وبما أننا جيران فبينوبنا من الحب جانب بس في رجل بسيطة عندنا ..

بس مش زي عندكم ابدا ...

الاولاد بصولي وكأنهم بياخدوا رأيي يروحوا معاه يسمعوا منه ...

بس انا خوفت ...

حسيت أن الوقت اتاخر وخفت اقول لحد يروح يرغي معاه يكون الراجل نفسه مش مضمون ..

أو يحصل لحد فيهم حاجة...

بصيت للراجل وقولتله /

- الوقت اتاخر يا راجل يا طيب واحنا لسه جايين من السفر وتعبانين ...

أن شاء الله بكره نكون عندك وتعزمنا على كوباية شاي وتحكلنا براحتك ...

الراجل بص حواليه برعب تاني وبعدين قالنا / 

- عندك حق يا هانم الدنيا ليل والعفاريت مش مضمونة ...

وانا بصراحة لو كنتوا جيتوا معايا مكنتش هاجي اوصلكم في اخر السهرة ...

الأعمال الأصلية لرواية وحكاية

خلاص انا هرجع تاني مكاني ونتقايل بكره على خير ...

وخلوها الصبح بقى علشان أنا لسه شاكك فيكوا لتكونوا عفاريت ...

ومن غير سلام عليكم ..

قال اخر جملته وطلع جري من قدامنا وأحنا فطسنا على نفسينا من الضحك .. 

وبعدين قولت للاولاد /

- احنا نرجع الشاليه ونشوف الصور ونرتب تفكيرنا حسب المستجدات اللي حصلت ...

علشان نشوف هنعمل ايه بكره ...

فعلا رجعنا الشاليه وقعدنا كل واحد ساكت وكأن كل واحد في دماغه الف سؤال ...

فجأة كلنا اتكلمنا مع بعض لدرجة محدش سمع حد ...

طبعا ضحكنا شوية وبدأت انظم الكلام فقولت لابراهيم/ 

- كنت بتقول ايه يا ابراهيم ؟؟

بص ابراهيم ليا وقال / 

- كنت هتكلم على الراجل اللي قابلناه ولا عرفنا اسمه ولا عرفنا مكانه ...

هنروح بكره القرية التانية ندور على راجل تاني ومين عارف يمكن يطلع عفريت هو كمان ...

اصل احنا مقسوم لنا يطلع لنا في كل قرية عفريت ....

طبعا ضحكنا كلنا وبعدها قولتله / 

- بكره نعدي الناحية التانية كلنا وندور عليه ولو طلع عفريت يمكن يطفش العفريت اللي معانا ....

كلنا ضحكنا تاني وبعدين بصيت لحسن وسألته / 

- وانت يا حسن كنت هتقول ايه ؟

الأعمال الأصلية لرواية وحكاية

بص ليا حسن بازبهلال وكأنه فوجئ وقالي / 

- مش فاكر كنت بقول ايه ...

لحظة وبعدها قال / 

- اه افتكرت ...

دلوقتي افرضوا ان اللي قطع الاسلاك كان حريص ومسابش بصمات ساعتها الدليل ده ممكن يكون ضدنا مش معانا  ....

احنا محتاجين أدلة تانية على الواقعة ...

فاكرين لما قولتلكوا أن مؤكد في كاميرات مستخبية غير الكاميرات الظاهرة ...

احنا لازم نوصل للكاميرات دي ...

وفي حاجة تانية خايف منها ...

كلنا ركزنا معاه وهو كمل وقال /

- لو الراجل اللي قابلناه ده طلع حقيقي مش عفريت أنا شايف أنه بيترعب من خياله تفتكروا واحد زي ده ممكن يشهد معانا في اي حاجة لو عرفنا منه الحقيقة ؟؟

وليه مشهدش ساعتها؟؟

بصيت له وحاولت افكر في كلامه فرديت على الجزئية الثانية وقولت له / 

- هو تفكير صحيح فعلا وكارثي في نفس الوقت ولكن لو معرفتش تقنعه أنه يشهد ممكن نحاول نوصل من خلال كلامه لمعلومات احنا نقدر نثبتها بطريقة تانية ...

اما بالنسبة لعدم شهادته وقتها فهنعرف سببها ايه ؟؟

وبالنسبه للكاميرات المستخبية فأعتقد ان المكان اللي كنا فيه مكنش فيه كاميرات غير اللي كانت ظاهرة ...

تفتكروا هتكون مدارية فين ؟؟؟

وجهاز الاستقبال بتاعها والتخزين هيكون فين؟؟

نطق مازن ساعتها وقال /

- في الاوضة اللي بابها مش لاقينه ...

كلنا بصينا ناحية مازن وهو عاد تاني جملته / 

- أنا كنت بقول في الزحمة مسالناش الراجل ليه عن إذا كان موجود هنا باب قبل كده ولا لأ ؟؟

واضح أنه كان له زمايل من القرية ويروح ويجي عليهم وحافظ القرية حتة حتة ...

كنا سألناه...

برضه اقتنعت برأيه فقولت له / 

- خلاص لو طلع انسان مش عفريت ليك عليا نسأله ...

راح معلق وقال /

- ولو عفريت كمان نسأله...

ده حتى العفاريت بتعرف اكتر من الإنسان ...

ضحكنا كلنا برضه وقررنا ندخل ننام والصبح هنبدأ من عند الراجل اللي مش عارفين له اسم ...