بعد مرور حوالي ٥ سنين 

امل كانت مع كريم 

بابا هي ماما اتاخرت ليه هي وحشتني اوي انا مبقتش اشوفها خالص.. انا طول الوقت ببقى لوحدي وانت في الشغل وماما مش معايا 

كريم 

ماما في الشغل يا امل ما انتي عارفة انها بتفضل هناك طول الاسبوع وبتيجي ع نهاية الاسبوع وزمانها جايا يا روحي متقلقيش بعدين انتي زهقانة من ايه ما انتي معاكي.. اسمهان بتعملك اللي انتي عايزاه 

ف الوقت دا امل سمعت صوت فتح باب الشقة بالمفتاح فقالت بسرعا وهي بتجري ع الباب 

ماما جت ماما جت 

وحضنتها من رجليها 

وحشتيني اوي يا ماما انا بحبك اوي 

هبة بقرف 

اوف ابعدي يا امل انا مش طايقة نفسي ولا طايقاكي انا راجعة من الشغل تعبانة وعايزا ارتاح ابعدي من وشي دلوقتي مش ناقصة صداع 

امل ببراءة 

حاضر يا ماما انا هسكت مش هعمل دوشة ابدا وهروح اجيبلك مية كمان 

وجريت ع المطبخ وهبة قعدت ع الكنبة فشافت كريم 

كريم انت هنا من امتا مأخدتش بالي منك 

كريم. ايه مالك جايا تعبانة ليه انتي مش كنتي عند نورا!! مالك حاسك متضايقة ومش ف المود 

هبة 

لحد امتا لحد امتا هفضل كدا..

 الكل معتبرني مجرد خدامة هناك رايحة علشان اخدم بنتي هفضل ف الوضع دا لحد امتا يا كريم قولي 

كريم 

امرك عجيب مش انتي اللي طلبتي كدا مش انتي اللي جيتي بعد اربع شهور من الولادة متحملتيش وفضلتي تعيطي وتقوليلي مش قادرة اعيش بعيد عن بنتي يا كريم انا عايزة اشوفها واكون جنبها واخدها ف حضني!! مش انتي اللي فضلتي تترجاني علشان اوديكي بيت لينا وتشتغلي هناك بيبي سيتر لنورا علشان تكوني جنبها طول الوقت .. ونفذتلك دا فعلا وطلبت من لينا تشتغلك رغم ان كان عندنا الدادات بالفعل بس علشان خاطرك عملت المستحيل علشانك وفضلتي جنب بنتك لحد دلوقتي وبتفضلي عندها طول الاسبوع وبتسيبي هنا امل لوحدها من وهي لحمة حمرا مع اسمهان .. حتى البنت لما كبرت بدات تفتقدك بدأت تفتقد الست اللي بتظن انها امها وبتحبها اوي.. ليه جاية دلوقتي تشتكي لو مش حابة تكملي متروحيش مفيش حد غاصبك ع حاجة 

هبة 

لا طبعا انت بتقول ايه ازاي مروحش لبنتي لا انا مش هسيبها وهفضل معاها خطوة بخطوة ف كل لحظات حياتها انا برجع هنا علشانك انت وبس يا كريم 

امل ف الوقت دا حابت المية وجت 

اتفضلي يا ماما جبتلك ماية 

هبة 

ماشي... روحي اعمليلي ساندوتشات لاني جعانة اوي 

امل 

حاضر يا ماما هعملك السندويتشات وارجع حالا 

كريم 

ف ايه يا هبة انتي هتشغلي البنت اللي عندها ٥ سنين عندك ولا ايه.. اطلبي من اسمهان تعملك اللي انتي عايزاه 

هبة 

هي اللي طلبت يا كريم ف ايه .. بعدين خلاص امل كبرت وبقت تعتمد ع نفسها خلاص مش فاهمة بقا ايه لازمة اسمهان.. المفروض خلاص نستغنى عن خدماتها 

كريم 

لا طبعا نمشيها دا ايه البنت لسه صغيرة متعرفش تعتمد ع نفسها وكمان انتي بتسيبي البيت طول الاسبوع وانا مش بكون موجود انا كمان معقولة عايزانا نسيب البنت لوحدها طول الاسبوع ومين هيهتم بيها ويعملها الاكل ويوديها الكيجي ويذاكرلها... لا طبعا امل متستغناش عن اسمهان طالما انتي مش فاضية ليها بعدين دا تاعبك ف ايه طالما انا اللي بدفع 

هبة هزت كتفاها 

طيب خلاص زي ما انت عايز انا الخق عليا كنت عايزة اوفرلك بس مش اكتر 

هنا جت امل ومعاها صينية السندويتشات 

اتفضلي يا ماما احلى ساندوتشات لاحلى ماما ف الدنيا بحبك اوي 

هبة مردتش ع امل وبدات تاكل من غير اهتمام 

فكريم شدها وحضنها وقال 

وانا وماما بنحبك اوي يا روحي انتي.. امل شطورة وعسولة يلا كلي علشان تنامي بدري اسمهان فين 

امل ضحكت 

اسمهان زي القطط بتنام بدري اوي يا بابا وبتصحى الفجر وانا بكون لسه نايمة مش حابة اقوم بدري معاها 

كريم ضحك 

تمام يا حبيبتي انتي خدي الفلوس دي خلي اسمهان تجيبلك اللي نفسك فيه 

امل 

شكرا يا بابا يا حبيبي... انا بحبك اوي انت وماما 

هبة اخدت طبق السندويتشات وقامت ع اوضتها ومهتمتش لأمل 

فكريم شال امل ونيمها ف اوضتها وفضل جنبها لحد ما نامت 

ودخل لهبة وقال 

ممكن يا هبة تاخدي بالك من البنت شوية اكتر من كدا وتعطيها وش .. البنت كل شوية تعبرلك ع حبها ليكي وانتي ولا انتي هنا دا لو حد غريب قلبه هيرق 

هبة 

ايه يا كريم فيه ايه انا مبسأش معاملة امل وانت عارف دا لكن حب مش عارفة احبها مش بنتي اجيب الحب ليها منين ها قولي وانا محرومة من بنتي ومش ف حضني راحي نفسيتي يا كريم اليومين اللي بقضيهم بعيد عنها بكون على اخري مش بحب ابعد عنها ابدا 

كريم 

اعملي اللي تعمليه انا مش هناقشك بعد كدا هي كانت غلطتي من البداية واديني انا اهو وانتي دلوقتي بندفع تمنها لكن بحذرك يا هبة تعاملي البنت وحش كفاية البرود اللي هي شايفاه منك دلوقتي. 

وعدى سنين واصبح عمر البنتين حوالي ١٥ سنة 

هبة كانت راجعة من برا كانت بتعمل شوبنج 

فاستقبلتها أمل وهي بتقول بفرحة 

ماما حمدا لله ع السلامة اتاخرتي اوي انا عملت الاكل من بدري وبرد خلاص هسخنه حالا علشان حضرتك... ياااه كل دي شنط يا ماما جبتي ايه ممكن اتفرج .. اساعدك يا ماما وادخل الحاجات دي اوضتك؟؟ 

هبة 

اه دخليها بس ممنوع تفتحي الشنط دي حاجتي وانتي عارفة محبش حد يفتش في حاجتي مفهوم 

امل 

حاضر يا ماما بس فين شنطتي فيهم!! حضرتك جبتيلي اللي انا كنت عايزاه؟؟ 

هبة كانت فاكرة بس تجاهلت تجيبلها ومهتمتش لكنها ادعت انها نسيت 

اه صح نسيت خالص يا امل معلش المرة الجاية بقا يارب افتكر بس 

امل باحباط 

ياه يا ماما انا كنت منتظراها بفارغ الصبر محتاجاها علشان اروح بيها المدرسة السويت شيرت بتاعي شكله بقا باهت اوي وببقى محرجة وانا ماشية بين زمايلي ف المدرسة 

هبة 

ما خلاص يا امل انا قولت نسيت فيه ايه تعالى اضربيني بقا علشان نسيته !! 

امل 

اسفة يا ماما انا بس كنت محتاجاها ومعتمدة عليه اني هلبسه بكرة خلاص مش هروح المدرسة بكرة وخلاص 

هبة 

لا طبعا تروحي ازاي متروحيش اياكي تغيبي عن المدرسة لاي سبب فاهما 

امل 

بس يا ماما ال.. اا 

هبة قاطعتها 

قولت ممنوع غياب يلا روحي سخني الاكل علشان أكل انا جعانة ودخليلي الاكل ف اوضتي 

امل 

حضرتك مش هتاكلي معايا ع السفرة؟؟ مبحبش اكل لوحدي 

هبة

كلي مع اسمهان متصدعنيش يا امل انا راجعة من برا تعبانة ومش ناقصة يلا اخرجي وخدي الباب ف ايديك يلا امشي 

وتاني يوم 

كان معاد هبة تروح بيت لينا عند بنتها 

نورا جاية من برا بفرحة 

مامي مامي تعالي شوفي الحاجات اللي اشتريتها النهاردة هتعجبك اوي .. لاني اغرمت بيها حاجات مفيش منها اتنين يعني انا وبس اللي هكون لابسة منهم محدش خالص هيلبس زيي 

جت هبة مبسوطة وهي بتقول 

مبروكين عليكي يا نور يا قلبي خليني اساعدك في شيل الشنط ونتفرج عليهم سوا يا حبيبتي 

نورا بحدة 

اوعي كدا حاسبي ايدك القذرة دي عن حاجتي هتلوثيهم مين سمح لك تمسكيهم اصلا وبعدين تتفرجي ع ايه انتي فاكرة نفسك مين علشان افرجك ع حاجتي ها ... انتي مجرد شغالة هنا لا روحتي ولا جيتي واسمعي بطلي بقا كلمة روحي وقلبي اللي كل شوية تقوليلهالي... انا مقبلش ان واحدة زيك تقولها ليا اصلا 

هبة مسكت نفسها علشان دموعها متنزلش وقالت 

ايه مالك يا نورا انا زعلتك ف حاجة؟؟ انا عملتلك حاجة زعلتك يا حبيبتي يمكن وانا مش واخدة بالي علشان كدا انتي قابلة عليا كدا؟؟ دا انا دادة هبة حبيبتك انتي ناسية ولا ايه 

نورا بحدة 

لا مش ناسية بس انا مبقتش صغيرة والكلام دا كان وانا صغيرة وعبيطة مش فاهمة حاجة كنت عاطفية زيادة عن اللزوم مع اي حد والظاهر انتي فهمتي غلط.. اسمعي انا بتخنق بسرعة وانتي خانقاني مفيش حد من الخدم هنا بيعمل زيك كدا بطلي تخنقيني وامشي من قدامي

وراحت عند لينا 

مامي تعالي هفرجك ع الحاجة اللي اشتريتها حتى شوفي ايه رايك ف البراند دا.. واو شوفي اللون دا تحفة 

وقفت هبة دموعها ع خدها 

ليه كدا يا نورا بتعامليني بالاسلوب دا يا بنتي دا انا امك حبيبتك سايباني ورايحة ليها ليه... 

ولما نورا اخدت شنطها ودخلت اوضتها 

دخلت هبة وراها

تحبي اساعدك في ترتيب الشنط ف الدولاب يا نورا؟؟ 

نورا 

اوف انتي ايه .. هو انا طلبت منك حاجة ممكن بقا متدخليش اوضتي الا لما اذنلك ولا مش عايزاكي تلمسي حاجتي انا بقيت بقرف اوي 

هبة 

بتقرفي مني يا نورا والله انا نضيفة ولسه ااا 

قاطعتها نورا 

انتي لسه هتحكيلي قصة حياتك متصدعنيش اطلعي برا يلا اخلصي 

هبة خرجت وهي منهارة وع اخرها 

ومع منع نورا ليها من دخول الاوضة حست هبة بالخنقة والفراغ وان وجودها هنا ملوش لازمة قررت ترجع بيتها وقلبها مكسور 

وهناك استقبلتها امل 

ماما حمدا ع السلامة اول مرة تيجي بدري كدا كويس حضرتك وحشاني اوي ونفسي تقعدي معايا اكتر 

هبة وعلشان هي زعلانة طلعت غضبها كله ف امل 

زقتها جامد وهي بتزعق 

بس اخرسي مش عايزة اسمع صوتك انتي فاهمة ابعدي من وشي 

امل وقعت ع الارض لكنها مهتمتش وقامت بلهفة 

ماما هو حضرتك زعلانة مني هو انا زعلتك ف حاجة؟؟ طب انا اسفة يا حبيبتي اوي والله مش قصدي متزعليش مني يا ماما انا بحبك مليش غيرك والله طب اللي يرضيكي ايه وانا اعمله 

هبة ف نفسها اتمنى تختفي من العالم خالص انتي وامك ربنا ياخدكوا 

وكملت بزعيق 

بتمنى تختفي من حياتي انا مبقتش احبك مش طايقاكي مش طايقاكي غوري من وشي او اطلعي برا وريحيني 

امل بصت لأمها بصدمة 

ايه!!! ماما اا حضرتك بتقولي ايه اا .. حضرتك اكيد اعصابك تعبانة من الشغل انا هسيبك تستريحي تعالي اتفضلي ادخلي اوضتك وهعملك ليمون بالنعناع يروق اعصابك

وبالفعل دخلت هبة اوضتها ولقت امل جايبالها اليمون بالنعناع ومبتسمة 

اتفضلي يا حبيبتي لما تشربي العصير هترتاحي تحبي حضرتك اعملي ايه تاني 

هبة بصت لها شوية واتمنت ان اللي قدامها دي بنتها نورا 

ولما افتكرت اللي قالته ليها نورا اتعصبت تاني ع امل ورمت العصير ف وشها 

ايه القرف دا طعمه مقرف انتي عاملالي ايه عايزة تموتيني غوري من وشي اطلعي برا برااااا 

امل خرجت وهي مش فاهمة ليه انها على الحالة دي وليه هي مش طايقاها وكل شوية تزعقلها 

فخرجت تعيط ف الصالة وتكلم نفسها 

ليه ماما بتعاملني كدا والله انا معملتش اي حاجة انا بحاول ارضيها بكل الطرق ماما عمرها ما عاملاتني كويس لكني بتحمل علشان هي امي ومليش غيرها.. طب هي ليه مش بتحبني وهل معنى كلامها دا يفسر معاملتها ليا؟؟ ماما عمرها ما حضنتني نفسي ف حضنتها اوي.. ليه مش بتحبيني يا ماما معقول انا ممكن اكون مش بنتك وانتي لقياني ف الشارع مثلا ؟؟ 

فضلت امل ف حالة من الكآبة ودماغها تودي تجيب وانتظرت لحد ما باباها جه وقالت 

بابا من فضلك ممكن اسألك سؤال وياريت تجاوبني عليه بصراحة ارجوك

كريم 

خير يا روحي عايزة تسألي ايه قولي كل اللي ف نفسك 

امل 

بابا هو انا مش بنتكم هو انتي لقيتوني عند باب جامع مثلا او ف الشارع او ف مستشفى ؟؟؟ 

كريم وقف مصدوم من سؤالها وقال بتوتر 

ايه السؤال العبيط دا يا امل هو دا كلام بردو يا بنتي انتي الظاهر كدا بتقري روايات كتير ههه مين بس اللي دخل الكلام العبيط دا ف دماغك دلوقتي 

امل 

مفيش بس مش عارفة ليه احساس كبير اوي بيقول ان انا مش بنتكم وانكم بطلتم خلاص تحبوني يمكن حضرتك لسه بتحبني شوية لكن ماما رصيد حبها ليا تقريبا خلص

كريم بهت مكانه 

ليه بتقولي كدا يا امل يا حبيبتي انتي بنتي ولا يمكن حد يقول غير كدا وكمان مش عايزك تفكري التفكير السلبي دا تاني ابدا متخليش حد يلعب ف دماغك ويشكك ف ابوتي ليكي يا روحي.. يلا روحي ارتاحي ف اوضتك الظاهر ان اعصابك تعبانة شوية 

ودخل اوضة هبة بغضب بعد ما امل بنته دخلت اوضتها 

هبة ايه اللي بيحصل بالظبط انتي عملتي ايه ف البنت خلاها تشك انك امها.. قولتليها ايه خلاها تقول ماما مبقتش تحبني انطقي البنت ليه كانت برا بتعيط وعيونها وارمة من البكا عملتي ليها ايه هو دا اللي اتفقنا عليه دا اللي وصيتك بيه 

هبة بغيظ 

عملت لها ايه يعني معملتش حاجة اكيد بنتك اللي بتتدلع ولا بتفتري عليا انا مجتش جنبها ومش ناقصاها اصلا 

كريم 

اهو كلامك دا اللي خلاها تشك كل شوية مش ناقصاها امشي من وشي دلوقتي ومش بتديها ريق كويس ابدا البنت بشر وبتحس واتحملت جفاءك كتير بس كل واحد ليه طاقة ولما بتخلص مش هيقدر يتحمل ليه توصليها للمرحلة دي ف حين ان بنتك عايشة حياتها معززة مكرمة كل اللي بتطلبه بيجيلها علطول كل طلباتها مجابة محدش بيقولها لا مش بتشيل معلقة من ع السفرة مرفهة لأقصى درجة ومحدش يقدر يزعلها ليه بتيجي بقا ع امل ف حين ان اخلاق امل ممتازة.. نورا مجتيش جنبها حاجة نورا دلوقتي بقت حادة الطباع ومغرورة لأقصى درجة مبقاش حد عارف يكلمها شايطة ف الخدم وبتهينهم باستمرار.. اما امل البراءة والادب والاحترام كله. 

هبة اتغاظت من كلامه 

بس يا كريم متقولش كدا ع بنتي ومتقارنهاش بأمل علشان مفيش وجه مقارنة اصلا بنتي احسن من امل مليون مرة انت فاهم؟؟؟ 

هنا دخلت امل وهي مصدومة لانها كان قلبها كله شك فجت عند اوضة امها فسمعت كلامها الاخير بالصدفة فقالت 

بنتك؟؟؟ اومال انا ابقى مين لو انا مش بنتك ؟؟ انا بنت مين يا ماما ارجوكي قوليلي لو انتي مش بتحبيني مين هيحبني انا مليش ام غيرك يا ماما انا بحبك والله العظيم حتى لو انتي مش امي 

انهارت امل فأخدها كريم ف حضنه 

لو كانت هي مش امك يا امل فانتي بنتي حبيبتي ومحدش يقدر ينكر دا.. هي صحيح مش امك بس هي مراتي اللي ربتك وانتي صغيرة يعني ف مقام امك يا امل

امل 

يعني امي الحقيقة ماتت يا بابا ولا لسه عايشة!! 

كريم بص لهبة بلوم وعتاب 

اه للاسف امك مبقتش موجودة بس هبة موجودة وبتحبك يا امل 

امل بدموع 

وانا والله بحبها اوي انا فتحت عيني لقيتها هي ماما مش عايزاها تكرهني والله مش عايزة ابعد عنك يا ماما؟؟ 

كريم

امل يا حبيبتي ماما هبة اعصابها تعبانة شوية فممكن نسيبها تهدى وبعد كدا نتكلم علشان خاطري؟؟ 

وبعد اسبوع من عدم كلام هبة مع امل ولا حتى مرواحها لبيت بنتها 

قررت هبة انها تروح لبنتها بعد ما حاولت تتخطى اللي بتمر بيه 

امل شافتها ونادت عليها 

ماما هبة انا بحبك اوي مش عايزاكي تكرهيني ممكن تحبيني زي بنتك يا ماما هبة ؟؟ 

هبة مدتهاش وش وطلعت ع فيلا لينا 

وهناك كانت نورا بتلعب تنس مع صاحباتها ف الحديقة 

هبة شافتها فراحت عندهم تتفرج عيلهم ولما خلصت نورا قالت

برافو عليكي يا نورا كنتي شطورة اوي يا حبيبتي.. مشوفتش حد في موهبتك دي.. هي دي نورا ولا بلاش 

نورا بغرور 

طبعا طول عمري موهوبة ومغرورة محدش طلب رايك بعدين جيتي ليه مش كنتي مشيتي كنت مرتاحة منك من خنقتك 

هية بتوتر وخنقة

انتي بتتخنقي مني يا نورا ااا طب انا هكون جنبك بس من بعيد لبعيد بس مش هزعلك ها ايه رايك كدا كويس 

نورا 

لا طبعا امشي من هنا ومتجيش تاني .. روحي خدي بقيت حساب الشهر وامشي خلاص وجودك هنا زي عمده مبقتش عايزاكي 

هبة بدموع 

بس انا مقدرش استغنى عنك يا هبة انا حبيتك اوي وعايزة افضل معاكي هنا حتى لو من غير راتب مش عايزة اي فلوس المهم افضل معاكي وبس 

نورا 

تفضلي معايا هنا ايه انتي فاكرة نفسك مين اصلا بقولك ايه انا مش فاضية ليكي انا خارجة مع صاحباتي ارجع ملاقيكيش فاهمة 

هبة فضلت تعيط ع معاملة بنتها ليها وقعدت ف الارض مكانها منتظراها 

واول ما شافتها داخلة من البوابة جريت عليها ومسكت ايديها وفضلت تترجاها 

نورا نورا يا بنتي بالله عليكي اسمعيني انا .. أنا عايزا اتكلم معاكي اقولك كلمتين مهمين 

نورا بزعق 

يووه انتي لسه هنا انتي تبيتة اوي مبتزهقيش امشي والا هنادي الامن بجد انتي ايه مفيش احساس خالص 

هبة 

ليه بتعامليني كدا يا بنتي انا بحبك اوي بالله عليكي اسمعيني 

نورا 

وانا مبحبكيش هو بالعافية.. ها عايزة تقولي ايه اخلصي اه عايزا تشحتي عايزة فلوس امسكي وغوري من هنا 

قالتها ومشيت خطوة خطوة لقدام لكنها وقفت بسرعا لما سمعت هبة بتقول

نورا انتي بنتي... انا امك الحقيقية يا نورا مش لينا 

نورا بصدمة رجعت لهبة 

انتي بتقولي ايه يا مجنونة انتي الظاهر انك كبرتي وخرفتي ومبقتيش عارفة تقولي ايه امشي اطلعي برا واياكي تجيبي اسمي ع لسانك فاهمة 

هبة 

جايز اني مش مصدقاني بس اقسملك بالله العظيم انتي بنتي يا نورا وممكن الفحص والتحاليل تأكدلك كمان يا بنتي ونور عيني 

فضلت هبة منتظرة بنتها تترمى ف حضنها بعد ما عرفت الحقيقة ولما شافتها بتقرب منها فرحت 

لكنها اتصدمت لما لقت نورا بتمسكها من دقنها وبتقول حتى لو اللي بتقوليه دا حقيقي عمري ما هعترف بيكي ابدا انا امي هي لينا الصعيدي وبس ميشرفنيش اكون بنتك ابدا ولا احب ارجعلك ف يوم من الايام اطلعي برااااا 

ونادت ع الامن يخرجوها 

هبة كانت هتتجنن وبالفعل انهارت وفضلت تضرب ف نفسها وتلطم ع وشها انا اللي عملته ف نفسي انا اللي عملته ف نفسي بنتي بتكرهني بنتي مش عايزاني انا اللي جبته لنفسي 

وبقت ماشية ف الشارع زي المجنونة ومش شايفة قدامها 

فجت عربيت معدية خبطتها فوقعت ميتة ف الحال 

كريم اول ما عرف بخبر موتها خاف ولما جه يتكلم 

نورا قربت منه 

اوعى تقول حاجة اياك تتكلم انت فاهم... ماما لينا هي امي ومش هسمح بحد يفرقني بعيد عنها... انت عايز تدخل السجن بتهمة النصب والتزوير والخطف؟؟؟ 

كريم 

انتي جبتي الكلام دا منين .. دا اكبر من سنك؟؟ 

نورا 

انا مش عبيطة ولا صغيرة انا فاهمة كويس اوي اللي بيدور حوليا .. وكويس انها غارت بسرها يندفن معاها واحنا هنكمل بشكل طبيعي ولا اي حاجة حصلت وبس كدا

يتبع

إلى حين نشر الفصل الجديد للكاتبة أسماء عبدالهادي، لا تنسى قراءة روايات و قصص كاملة أخرى تضمن حكايات وقصص جديدة ومشوقة حصرية قبل نشرها على أي منصة أخرى يمكنك تفقد المزيد من قصص وروايات و حكايات مدونتنا رواية وحكاية

رواياتنا الحصرية كاملة‏