تم النشر في: 18 أبريل 2026
قراءة قصة البديلة القصة الثالثة من سكريبتات بقلم أسماء عبد الهادي كاملة
تنشر حصريًا على مدونة رواية وحكاية قبل أي منصة أخرى
قصة البديلة
القصة الثالثة من سكريبتات
بقلم أسماء عبد الهادي
رواية جديدة قيد النشر
من قصص و روايات
الكاتبة أسماء عبد الهادي
الفصل الأول
تم النشر السبت
18/4/2026
كريم كان لابس بدلة عريس ومتشيك وواقف قدام المرايا يظبط نفسه
فقالت هبه مراته
يعني خلاص يا كريم هتتجوز وتسيبني والنهارده ليلة فرحك لا وانا كمان بساعدك علشان تجهز وتروح لها انا عقلي كان فين يوم ما وافقت انك تتجوز عليا يا كريم انا مش قادره اتصور وحاسه اني بحلم معقول جوزي وحبيبي هيكون لوحده ثانيه غيري والنهارده يوم فرحه عليها ..طب وانا .
كريم مسك ايديها وباسها وقال
انتي حبي الاول والاخير يا هبه وانتي اكيد عارفه ومتاكده من ده.. انتي عارفه ليه انا بتجوز النهارده ولازم تباركي لي كمان انا بتجوز علشان خاطرك يا هبه علشان خاطر نأمن مستقبلنا عاجبك اننا عايشين انا وانتي مجرد موظفين عاديين بنقبض يا دوب اربع او 5000 الشهر يعملوا لنا ايه دول ...هنفضل لحد امتى عايشين مديونين هنفضل لحد امتى عايشين تحت خط الصفر نفسنا في حاجات كثير ومش عارفين نعملها ده الحل الوحيد علشان حياتنا تتصلح.. اني اتجوز مديرتي في الشغل وبكده هنتنقل انا وانتي نقله ثانيه خالص ونوصل بقى ونحقق كل اللي بنحلم فيه
هبه
ايوه بس انا خايفه لما تتجوز تحبها وتحب العيش معاها.. تحب جو البهوات والخدم وتنساني يا كريم انت عارف لو ده حصل ونسيتني انا ممكن اعمل فيك ايه وفيها ايه هي كمان
كريم
انساكي ده ايه يا بنتي هو في حد بينسى قلبه وروحه لينا انا عمري ما حبيتها ولا هحبها انتي عارفة انا متجوزها علشان فلوسها وبس... هي هتكون زي البنك لينا لما نحتاج فلوس نسحب منها ونتمتع انا وانتي يا بيبي.. ايه مش دا اتفاقنا يا هبة انتي هترجعي ف كلامك ولا ايه دا انا مش مصدق نفسي انها وافقت بيا... رسمت عليها دور الموظف المحترم المجتهد اللي ملوش لا ف الطور ولا ف الطحين وجاي للشغل وبس لحد ما اعجبك بيا واول ما صرحت بطلبي للجواز وافقت علطول وكأنها ما صدقت .
هبة
طبعا يا روحي انت مين يرفضك بس هو انا حبيتك من شوية .. بس خليك عند وعدك يا كريم انت ليا وبتاعي وبس وهسيبك اسبوع واحد تسافر معاها بعد كدا يوميا تكون عندي انت فاهم
كريم
طبعا يا حبيبتي عمري ما هخلف اتفاقي معاكي.. يلا بينا بقا علشان هتأخر كدة .. انتي جاهزة ولا لسه
هبة
اه خلاص جاهزة يلا بينا
كريم
بصي انتي هتركبي معايا بس هنزلك بعيد شوية عن مكان القاعة علشان محدش يشك ف حاجة.. يلا مش عايز اتأخر عليها وترجع تزعل وتتقمص والخطة كلها تفشل
وبالفعل ركبوا سوا علشان ينفذوا مخططهم الشيطاني ونزلت هبة لما قربوا يوصلوا أما كريم فنزل قدام القاعة واول ما نزل الاضواء كلها جت عليه وعلت أصوات المزامير والأفراح
فدخل كريم وطلع ع السلم بعدين نزل وف ايده لينا وهي عروسة زي القمر فرحانة بليلة فرحها متعرفش باللي بيتحاك من ورا ضهرها.
وعدى ع الفرح حوالي ٥ شهور
وف اليوم دا بالتحديد كريم كان عند هبة بياكلوا سوا فقالت بفرحة
كريم حبيبي انا عندي ليك خبر حلو اوي دلوقتي بدل ما هتطلب من لينا ١٠ الالف هتذودهم ل١٥ الف
كريم
نعم انتي طالبة تزودنا ٥ آلاف جنيه مرة واحدة يا هبة ليه .. طبعا مش هتوافق واكيد هتشك فيا او تقول عليا متجوزها علشان فلوسها مش هينفع يا هبة
هبة
مش بمزاجي ولا بمزاجك يا كريم دا علشان ابننا اللي ف بطني انا حامل يا كريم واكيد من هنا ورايح مصاريفنا هتزيد انا اكيد لازم اهتم بصحتي اكتر وهشتري حاجات للبيبي
كريم شالها ولف بيها بفرحة
ايه انتي حامل يا هبة بجد انا مش مصدق نفسي دا احسن خبر سمعته ف حياتي ياااه واخيرا هبقى اب يا هبة هيكون عندي حتة منك تشاركنا حياتنا الجميلة مع بعض .. الحمد لله يارب.. هبة انا مبسوط اوي
هبة
وانا كمان يا حبيبي عرفت ليه انا بقولك لازم نزود المصاريف .. علشان البيبي يا كريم لازمن نعمل حساب دا من دلوقتي كلم لينا تزودلك مصروفك بأي حجة
كريم
حاضر يا هبة .. متشيليش هم انتي اقعدي ارتاحي وانا هعملك كل اللي نفسك فيه متقلقيش كل اللي بتتمنيه هتلاقيه .
هبة بدلع
كريم انا حاسة ان نفسي غامة عليا وتعبانة اوي كريم ممكن تشيلني تدخلني اوضتي
وبالفعل شالها كريم ووداها اوضتها ونيمها وبعد كدا خرج علشان ميتأخرش ع لينا وتشك ف حاجة
ف العربية جاله اتصال من لينا
الوا ايوا يا روحي بتتصلي بيا فيه حاجة
لينا
كريم انت فين انا عايزاك ضروري
كريم
كنت ف مشوار كدا مع واحد صاحبي حاضر يا روحي مسافة السكة وهكون عندك
ولما وصل الفيلا لقاها ف انتظاره وواقفة متوترة
كريم مسك ايديها بخداع
مالك يا روحي في حاجة ولا ايه شكلك ميطمنش انتي كويسة.. حاسة بإيه طيب اخدك للدكتور؟؟
لينا
كريم انا عندي ليك خبر هيفرحك اوي
زي ما انا فرحت بالظبط.. كريم هيجي فرد جديد لعيلتنا ... استرتنا الصغيرة هتزيد يا كريم انا فرحانة اوي
كريم بصلها بعدم فهم فقالت
كريم انا حامل... حامل يا كريم انا مش مصدقة نفسي
كريم بصدمة
ايه!!! انتوا الاتنين ف نفس الوقت ليه لاااا كفاية
لينا فهمته غلط وقالت
لا يا كريم معرفش اذا كان حملي توأم ولا جنين واحد احنا لسه هنروح للدكتور وهو هيفهمنا كل اللي اعرفه دلوقتي اني حامل يا كريم حامل
كريم حاول يتدارك الموقف والصدمة اللي هو فيها وقال
اها.. اه.. الف الف مبروك يا حبيبتي انا من المفاجئة واقف ملخوم مش عارف اقول ايه ولا اعمل ايه... انتي فاجئتيني بالخبر الجميل دا
لينا بسعادة
عاذراك يا حبيبي دي غلطتي لأني ممهدتش ليك بس كنت حابة اعملها ليك مفاجئة لما اتأكد من الحمل بنفسي والحمد لله اتأكدت... محتاجة اروح للدكتور علشان نتطمن على صحة الجنين
كريم
تمام حاضر من عيوني يا لينا نروح للدكتور ونتابع الحمل ونتطمن ع صحتك كمان وكل اللي انتي عايزاه هعمله يا روحي.
وف شهور الحمل
لينا كانت تعبانة وحملها كان صعب وصحتها كانت مش احسن حاجة فقضت معظم شهور حملها ف السرير
اما الوضع كان مختلف عند هبة حملها كان ماشي كويس ومع كل شهر حمل ليها بيزيد جشعها اكتر واكتر وكل شوية تقول
كريم انا نفسي في جمبري... كريم انا بتوحم ع سوشي... كريم انا زهقانة تعالى نغير جو.. وديني الساحل... كريم البيبي مخنوق محتاج يتفسح برا
لحد ما عدى الوقت والاتنين بقوا ف الشهر التاسع
هبة قالت بتفكير شيطاني
كريم انا جتلي فكرة بم ان انا واللي اسمها لينا دي هنجيب بنات وماشين مع بعض ف شهور الحمل .. انا هولد الاولد
كريم
تولدي الاول دا ايه هو بمزاجك يا هبة لما نروح للدكتور وهو هيحدد معاد الولادة حسب حالتك
هبة
لا انا لازم اولد قبل لينا لازم مهما حصل هروحله يولدني الاول
كريم
مش فاهم ايه العند دا يا هبة هتعاندي قصاد صحتك وصحة البيبي انتي عايزة تخاطري ولا ايه
هبة
لا يا كريم افهم بقا... احنا الاتنين حامل ف بنات... ليه بنت لينا تعيش ف مستوى اعلى من مستوى بنتي هي أحسن منها ف ايه
كريم
ما انا مش حارمك من حاجة يا هبة وكل اللي نفسك فيه بجيبهولك
هبة
لا بس بردو انا لسه عايشة ف شقة عادية مش ف فيلا زيها ولا عندي خدم اشكال والوان زيها .. لا يا كريم الرفاهية مش نفسها ابدا وانا مش حابة بنتي تكون اقل من بنتها في حاجة
كريم
هحاول اي حاجة اجيبها لبنت لينا اجيبها لبنتك متقلقيش... دي بنتي حبيبتي منك اكيد هتبقى مميزة يعني
هبة
لا يا كريم بنتي لازم تعيش في الفيلا وتتهنى هناك وتتدلع كمان
كريم
مش فاهم يا هبة الحمل اثر ع عقلك ولا ايه انتي عايزة تيجي تعيشي ف الفيلا مع لينا!! انتي عايزاها تعرف اني متحوزك؟؟ انتي عايزة تبوظي كل اللي عملناه وبنعمله ولا ايه
هبة وهي بتفكر ف حاجة
ايوا فعلا انا هاجي اسكن ف الفيلا بس مع بنتي ع اني مربيتها والمسؤلة عنها علشان تفضل جمبي وتحت عيني طول الوقت
كريم خبط ايديه الاتنين ف بعض
والله ما فاهم حاجة خالص هبة بصي اقعدي كدا وارتاحي واحلام اليقظة دي هتروح علطول متقلقيش
هبة بجدية
كريم انا بتكلم جد مش بهزر احنا دا اللي لازمن نعمله بنتنا هتعيش ف الفيلا بدل بنت لينا
كريم بحدة زيها
انا مش فاهم حاجه مش فاهم تقصدي ايه يا هبة يعني بنتك تعيش ف الفيلا وازاي لينا هتسمح بدا
هبة
اقعد يا كريم وانا هفهمك ... دلوقتي انا هروح اطلب من الدكتور يولدني بدري انا لسه ف اول التاسع... اما لينا لسه مش عارفين هتولد امتا مهتمك انت بقا وقت الولادة تبدل البنتين وتاخد بنتي تعطيها للينا واهلها ع انها بنت لينا الحقيقية
هنا كريم قام وقف
ايه انتي بتقولي ايه يا هبة انتي عايزة تبدلي البنتين... عايزاني اعطيهم بنتك وانتي تاخدي بنتهم... طب ازاي هتتخلي عن بنتك وحتة منك وهي لسه مكملتش كم يوم
هبة
وفكرك ان دا سهل عليا يا كريم ... الفكرة كلها اني بضحي علشان مصلحتها علشان مصلحة بنتي هضحي دلوقتي وهتعب علشان تعيش حياة افضل برفاهية اكتر ومتقلقش انت هتجيبني الفيلا عندك ع اساس اني رئيسة الخدم والمسؤلة عن البنت علشان اكون جنبها مش هسيبها طبعا بنتي لازم تتربى ع ايدي
كريم قعد ع الكرسي بعدم تصديق
ايه اللي بتقوليه دا يا هبه دا اسمه جنون مش عارف اصدقك
هبة
لا انت لازم تقوم كدا وتفوق معايا البنت هتتولد هنروح الليلة للدكتور وهولد ومش هتتكتب الا لما لينا تولد ونبدل الأطفال
كريم
طيب انتي يا ذكية مفكرتيش انك هتولدي الاول يعني بنتك هتبقى باينة انها مولودة كبيرة مش شكل طفلة لسه مولودة بقالها لحظات
هبة
لينا حالتها هتكون حرجة لأن حملها اصلا حرج محدش هيركز ف دا ولا هيتوقع كله هيكون مشغول معاها ومع صحتها وانت اللي هستلم البنت وهتبدلها وتلبسها الهدوم اللي هما مجهزينها ليها ومحدش هيشك ابدا متقلقش ف الوقت دا بتكون لخمة كبيرة اسمع انت بس وركز وقوي قلبك... اتصل انت بالدكتور وانا هجهز علشان نروحله ليه ونولد
وأثناء ما هما في طريقهم للدكتور علشان هبة تولد
لينا اتصلت بكريم وقالت
كريم الحقني انا تعبانة اوي ومش قادرة حاسة اني بموت والظاهر كدا بولد او مش عارفة فيه ايه انا مش قادرة يا كريم الحقني
كريم كان في حالة لا يحسد عليها ومش عارف يعمل ايه كلام هبة مبرجله مخليه مش على بعضه ابدا فقال
هبة اعمل ايه لينا تعبانة باينها هتولد هي كمان اعمل ايه
هبة بخبث
حلو والفرصة جت لوحدها لحد عندنا وصلني للمركز وانزل انت وروحلهم وانا هرتب لكل حاجة متقلقش
بالفعل كريم رجع للينا اللي حالتها مكانتش تسر حد خالص وشكلها تعبانة اوي
فأخدوها بسرعا للدكتور اللي قال
جهزوهاحالا للعمليات مفيش وقت والا فيه خطورة ع حالة الجنين وحالتها هي كمان
هبة كانت متابعة اللي بيحصل فقالت
دكتور ولدني معاها لينا صاحبتي وحبيبتي ونفسنا من زمان نولد مع بعض ارجوك
وبالفعل الاتنين كانوا بيولدوا ف نفس الوقت وكريم كان معاهم ف غرفة العمليات
هبة ولدت بكل سلاسة وكريم خرجها من باب تاني ع غرفتها علشان اهل لينا ميعرفوش
وانتظر لحد ما لينا ولدت واخد البنت بسرعة حطها في سرير بنت هبة واخد بنت هبة وحطها جنب هدوم لينا
وعلشان حالة لينا مكانتش مستقرة الكل كان واقف ع قد وساق ومركز معاها هي علشان ينقذوا حياتها وميفقدوهاش ومحدش انتبه للي عمله كريم
بعدها كريم زعق
حد يجي يلبس البنت معقول هتسيبوها كدا انا هعلمكم شغلكم ولا ايه
جت الممرضة يا خبر انا كنت مفكرة ان البنت الاولى راحت لأمها
حاضر يا فندم هجهز الاطفال وهخرجهم حالا
وبالفعل لبستهم بعد ما بدل كريم البنتين من غير ما تاخد بالها ابدا
وكريم عطى بنت هبة للممرضة وقال وديها لصاحبة لينا في غرفتها وسيبي بنتي هنا معايا ف حضني " اللي هي ف الاصل بنت هبة"
واتنهد براحة ان خطة هبة مشيت زي ما هو عايز ومحدش اكتشف
اما لينا فكانت حالتها مش مستقرة والدكتور طلب تفضل ف المستشفى لحد ما يطمنوا عليها
كريم عطى بنت هبة واللي بقت دلوقتي بنت لينا لجدتها وقال هروح اجيب حاجة محتاجينها للينا وهرجع علطول
واستغل الفرصة وراح ع اوضة هبة اللي كانت ف انتظاره وقالت
ها يا كريم عملت ايه بدلت البنتين دي بنت مين فينا
كريم
حمدا لله على السلامة يا روح قلبي.. تقوميلي بالسلامة يا روحي
هبة
سيبك من دا دلوقتي وقولي عملت اللي قولتلك عليه
كريم قعد وحط رجل ع رجل
ايه يا هبة مش عارفة تحددي اللي قدامك دي بنتك ولا بنت لينا
هبة بغيظ
لا مش عارفة يا كريم للاسف الاطفال المولودة بتكون شبه بعض وانا خرجوني بسرعة ملحقتش اشوف واعرف بنتي مين
كريم
خرجتك بسرعا قبل ما حد ياخد باله من اي حاجة وعلشان اقدر الخم الممرضات وابدل البنتين بس بم انك مش عارفة تحددي بنتك فكدا اضمن ان خطتنا نجحت اخيرا
هبة بفرحة
بجد يا كريم يعني بنتي دلوقتي معاهم هتتربى ع العز يا كريم والبنت اللي نايمة دي بنت لينا.. ياااخ واخيرا حلمي هيتحقق
كريم
بس اوعي يا هبة متهتميش بيها دي مهما كان بنتي وكمان ضعيفة ومحتاجة رعاية اوعى تأهمليها لأحسن تروح مننا
هبة
يا ابني انت كدا كدا.. كنت هتجيبلها واحدة تاخد بالها منها... انا مش هبوظ جسمي علشان ارضع واسهر واغير بامبرز كل شوية .. لا استحالة ك.ا جسمي يبوظ
كريم
امرك غريب اومال هتكوني مع بنتك ازاي وعايزاني اجيبك رئيسة خدم ف الفيلا
هبة
لا مش دلوقتي بعد سنتين لحد ما صحتي ترجعلي والبنت خلاص متبقاش بترضع تاني دا هيكون الوقت المثالي لدخولي عندك الفيلا علشان اربي بنتي
كريم
يا جبروتك يا هبة هتصبري متشوفيش بنتك سنتين بحالهم؟؟؟
هبة
يا ابني هي بنتي هيجرالها ايه بالعكس دول هيهتموا بيها ويربوها احسن تربية وكمان ابوها معاها هقلق ليه انت هتاخد بالك من بنتنا وتصورها دايما فيديو وتجيبهولي اشوفها
المهم دلوقتي انزل شوف اي واحدة تيجي تهتم بالبنت دي انا مليش علاقا بيها ابدا
كريم
طب ع الاقل رضعيها يا هبة دلوقتي هي محتاجة لبن الام
هبة
استحالة.. واعمل فيها جميلة!! وابقى امها من الرضاعة لا طبعا... طالما مش هرضع بنتي الحقيقية مش هرضع بنت لينا ابدا
وف نفس اليوم خرجت هبة من المستشفى ومعاها بنت لينا
اما لينا ففضلت ف المستشفى لشهر كامل لحد ما اطمنوا عليها وصحتها بقت مستقرة وبعد كدا الدكتور كتبلها ع خروج
لينا اخدت البنت ف حضنها
ياااه واخيرا هقدر اشيل بنتي.. يا حبيبتي يا بنتي شهر كامل اتحرمت فيه منك شهر بحاله مكنتش عارفة اشيلك بين ايديا ولا حتى ارضعك سامحيني يا بنتي تعبي خلاكي تتحرمي من الرضاعة الطبيعية وتشربي صناعي حقك عليا يا نور عيني كان غصب عني مامتك كانت بين الحيا والموت يارب سامحني يارب انت اللي عالم انه مكانش بإيدي .. الدكاترة رفضوا ارضعها بسبب الادوية والعلاج اللي كنت باخده
كريم علشان يخرج لينا من الحالة اللي هي فيها قال
لينا حبيبتي متزعليش نفسك المهم انها في حضنك دلوقتي يلا اختاري لها اسم لانها لسه متسجلش لحد دلوقتي مكنتش عارف اسجلها باسم ايه لازم انتي اللي تختاريه معايا
لينا فكرت شوية وقالت
هسميها نورا علشان هي قلبي ونور عيني يا كريم.
...
اما عند هبة لما كريم راح لها سمع البنت بتعيط وهبة قاعدة بتقلم ضوافرها ولا هي هنا
فجري عليها بسرعة وشالها وهو بيقول
هبة البنت بتعيط ومفلوقة من البكا انتي مش سامعاها ولا ايه!!
هبة ببرود
سامعاها
كريم
طيب ليه سايباها تبكي كدا.. البنت شكلها جعانة هو انتي محضرتيش ليها الرضعة حتى؟؟ وفين البنت المسؤلة عنها
هبة
بعتها مشوار تجيبلي حاجة ومش عارفة اتأخرت ليه وانا معرفش الرضعة بتتعمل ازاي ولا هي بترضع قد ايه
كريم
يعني دا مشكلة عندك النت كنتي ابحثي وشوفي.. او حتى شيلي البنت وحاولي تسكتيها دي وشها احمر وزورها بقا مبحوح يا قلبي من كتر البكا .. دا كلام بردو يا هبة!!
هبة يوووه يا كريم انا والدة وتعبانة ومزاجي وحش ومش قادرة مش كفاية بنتي مش معايا ولسه مش عارفة اشوفها لحد دلوقتي
كريم
مش دي فكرتك!! مش دي شورتك انتي جاية دلوقتي تندمي يا هبة اسمعي.. البنت ملهاش ذنب ف انك بدلتيها او انك مش امها... البنت مينفعش تسبيها تبكي بالشكل دا ولا تسيبيها من غير رضاعة دي طفلة لا حول ليها ولا قوة
ف الوقت دا جت البنت وقالت
انا جيت يا مدام هبة وجبت اللي طلبتيه
كريم
سيبي اللي ف ايدك حالا وخدي البنت اعمليلها رضعة بسرعة وممنوع تروحي اي مكان وتسيبيها لوحدها مدام هبة لو احتاجت حاجة تاني كلميني وانا ابعت اللي يروح يجيبلها كلامي مفهوم
البنت
مفهوم يا اياد بيه
هبة بصت لكريم بصدمة
كريم انت ااا!!
كريم حط ايده ع بوءها
اششش انتي ناسية اننا قايلين قدام البنت ان اسمي اياد.. ف ايه يا هبة غلطاتك كترت ليه.. وبعدين ايه الاسم اللي ملتيهولي للبنت دا وانا رايح اسجلها .. عطيات!! هسمي البنت عطيات يا هبه!! معقول
هبة بتوتر
ااا ما هو ع اسم والدتك ايه يا كريم ماله اسم والدتك بسميها ع اسم جدتها ايه المشكلة
كريم
مش عايزها يا ستي تتسمى ع اسم جدتها انتي عايزاها تتعرض للتنمر لما تكبر قال عطيات قال
هبة
اوف يا كريم مش فاهمة ف ايه مالك النهاردة مودك مش احسن حاجة ونازل لوم فيا من الصبح... تقدر تقولي لو مكنتش سميتها كدا يبقى سميتها ايه!! انت عارف لو كنت سميتها اسم احلى من اسم بنتي نورا هعمل ايه
كريم
سميتها أمل يا هبة.. اسم أمل ونورا الاتنين حلوين ولآخر مرة هقولك أمل بنتي زي ما نورا بنتي بالظبط ياريت تاخدي بالك من النقطة دي .. وكمان دي طفلة لا حول ليها ولا قوة لو مش هتهتمي بيها زي بنتك بالظبط هاتيها ارجعها لأمها
هبة بتوتر
ها لالا خلاص يا كريم مكانتش مرة اا انا بس لسه مش عارفة اتعود عليها بعدين البنت معاها اهي وبتهتم بيها خلاص بقا انت عايز تزعلني منك يا كريم
كريم
انتي عارفة انا بحبك قد ايه بس ياريت انتي اللي متزعلنيش منك ارجوكي
هبة
تؤ كريم انا زعلانة منك ومقموصة وعلشان تصالحني محتاجة ف رصيدي ١٠ الاف جنيه اشتري بيهم شوية حاجات
كريم
ماشي يا هبة حاضر هحولهملك بس دا اخر تحويل لحد اخر الشهر انا هفلس قريب كدا بسببك
يتبع
إلى حين نشر الفصل الجديد للكاتبة أسماء عبد الهادي، لا تنسى قراءة روايات و قصص كاملة أخرى تضمن حكايات وقصص جديدة ومشوقة حصرية قبل نشرها على أي منصة أخرى يمكنك تفقد المزيد من قصص وروايات و حكايات مدونتنا رواية وحكاية
