ميادة سلمت المادة لامها وراحت لبيت سليمان اول ما عرفت انه رجع البلد 

وهناك قابلت واحدة من اللش شغالين هناك 

رايحة فين يا بت يا ميادة ومالك داخلة اكده بحماسة وفاتحة صدرك ومنكشحة اوي اكده.. كنك لساتك فاكرة انك لساتك هتقدري تاكلي بعقل ام سليمان بيه حلاوة كيف زمان لااا انتي تنسي ديه جتالتهم اللي هتحل محلك وتنافسك عليه واظن اكده انهم اختاروها خلاص ونسوكي تماما.

ميادة بحدة 

كلام ايه الماسخ اللي عتقوليه ديه.. كل اللي ف الدار اهنه عارف انه اني ل سليمان بيه وجوازنا مجرد مسألة وقت 

ضحكت 

ههههه يعني مكدباني ومنتيش امصدقة .. طيب انتي حرة طيب ما بدك اني بس حبيت اقولك وانورك علشان متوبقيش تنصدمي ..ادخلي ادخلي ست حنان حزة تقدري تسأليها بنفسك 

وبسرعة ميادة دخلت لجوة ودورت بعنيها على حنان ولما لقيتها قاعدة بتتفرج ع الشاشة قربت منها وباست ايديها 

ستي حنان عاملة ايه يا ستي اني اتوحشتك قوي اوي لو كان عليا مكنتش فوتك وقعدو اهنه جارك اخدم عليكي يا ستي 

حنان بعدت ايد ميادة بانزعاج 

واه بت يا ميادة بعدي عني اني عايزة اشوف المسلسل اللي اني متابعاه 

ميادة 

واه يا خالة مالك اكده هو ديه ترحيبك بيا هو اني زعلتك ف حاجة كفى الله الشر 

حنان 

لا مزعلتنيش ولا تستجري يا بت من اساسه.. قوليلي ايه اللي جابك دلوقتي 

ميادة

لاه وكتاب الله الظاهر اكده ان اللي قالته البت مديحة صحيح وبحق وحقيقي انتي شوفتي لسي سليمان عروسة غيري يا خالة؟؟ 

حنان 

كنك عتعاتبيني يا بت ولا هتملي عايا اللي اعمله... انتي ولا غيرك فيها ايه يعني 

ميادة 

بس انتي وعدتيني يا خالة وقولتي اني الاي هكون لسي سليمان ليه خلفنتي بكلامك 

حنان 

بس يا بت بلاش كلام خايب .. الرأى رأى ولدي والشورة شورته هو اللي اختارها وهو اللي جابها وبعدين البنته مليحة وحلوة بدر منور كيف قمر ١٤ انتي متجيش جنبها حاجة يا بت هي جمال رباني أكده.. لكن انتي جمال مصطنع والبت طيبة ومستكينة وعجينة بيضا لسه.. يعني هشكلها بعدين على مزاجي اني وكمان تتمنالي الرضا ارضى روحي انتي شوفي حال سبيلك مع حد تاني بس مهواش ابني لانه اختار عروسته خلاص يلا بعدي خليني اتابع المسلسل 

مشيت ميادة وهي متحسرة ع حالها وبتحقد ع البنت اللي اختارها سليمان 

وربنا ما سيباها تتهنى بيه وهعمل المستحيل علشان يكون ليا اني و بس

......

الاء حاولت تكلم مسعود وتترجاه يمكن يرجع عن اللي ف دماغه 

الاء 

لالا يا مسعود ارجوك متتهورش وانا انا بعترف اني غلطت والغلط راكبي من ساسي لراسي كمان واني واني مستعدة اصلح كل غلطي واعملك اللي انت عايزه اني مستعدة اتجوزك على سنة الله ورسوله بس متعملش اكده وتتهور وتبوظ مرءتك ورجولتك يا مسعود ديه انت سيد الناس واني ياما كنت برشحك للبنات اهنه ف البلد 

مسعود ضحك 

ههه لاه يا بت عتضحكي عليا وبتاخدي بعقلي حلاوة اياك كني هصدقك مثلا... انتي بسببك اني كرهت البنتة واتعقدت منيهم بقا انتي ترفضيني يا بت الرفضي انتي 

الاء 

لو سمحت متجيبش سيرة ابويا هو ملوش ذنب وانا مقدرة زعلك بس دا ميدكش الحق انك تعمل فيا كدا ... انت راجل شهامة وصعيدي اصيل ازاي يعني عايز تتعدى ع واحدة ضعيفة زيي لاه وكمان مخليهم يحقننوني وشالين حركتي علشان معرفش اقاوم ... هي دي المروءة؟؟ انت اكده كنك جبان وخسيس خايف لافضحك والم عليك الناس 

مسعود ضحك 

لاه متخافيش من ناحية الفضيحة اني اللي هعملك فضيحة بجلاجل دلوك وهخلي سيرة اللي هي اصلا على كل لسان داي.. اهل البلد يفضلوا يتسايروا ويتحدتوا عنها لأجيال وأجيال 

ف الوقت دا خبط سماح ع الباب 

شهل يا واد يا مسعود ابوها زمناته جاي هو واهل البلد 

اول ما الاء سمعت صوت خالتها قالت باستنجاد 

خالتي سماح الحقيني يا خالتي شوفي عملوا فيا ايه بالله عليكي خلصيني منه 

مسعود ضحك 

يا روح خالتك هو انتي متعرفيش ان خالتك هي اللي مسلماكي ليا وقابضة تمنك يا بت .. يااه انتي متعرفيش خالتك داي عتحبك كد ايه.. بس طلعت طماعة خدت مني ياما علشان توافق يعني بالمختصر أكده خالتك باعتك ليا وقبضت تمنك 

الاء مكانتش مصدقا اللي بتسمعه ففضلت تصرخ بهيسترية 

لااااه لاه خالتي متعملش فيا أكده ابدا لاااا .. صح يا خالتي انتي مبعتنيش وقبضتي تمني ديه الخالة والدة اني طول عمري بعتبرك كيف امي .. ازاي تعملي فيا اكده يا خالة قولي انه بيكذب قولي انه مخادع وعايز يكرهني فيكي 

سماح 

لاه يا حبيبتي اكرهيني براحتك لانه هيكون شعور متبادل اني جول عمري لا حبيتك ولا بطيقك طول عمري بكرهك واخيرا جه اليوم يا بت اللي هشفي غليلي فيه منك ومن امك واخلص منكم ف ساها واحدة.. واد يا مسعود اخلص وخلص اللي ناوي عليه خلينا نخلص لو حد جه امي منيش مسؤلة عن اللي هيحصل فوتك بعافية سلام 

فضلت الاء تصرخ 

لااا لاا يا خالتي متسبيبنيش مع الوحش دا يا خالة لااااا 

وفضلت تصرخ لااااه لااه بعد عني لاااا 

ف الوقت دا اقتحمت رجالة العمدة المكان

وبعدوا مسعود عن الاء اللي انهارت تماما حتى صوتها مبقاش قادر يطلع بسبب الرعب اللي اتعرضت ليه 

الأعمال الأصلية لرواية وحكاية

وكبير الرجالة قال 

استروا الحرمة ربنا يستر ولايانا وهاتوها لابوها يشوفله صرفة فيها 

واول ما عامر جه واخوه وشافوا الاء الناس مسندينها وملفوفة ف ملاية ومش قادرة تصلب طولتها ابوها طب ساكت وقع من طوله مقدرش يقف وكأنه صابعه الشلل بعد ما بصلها بصة انكسار وخيبة امل ملهاش حدود وهو بيقول 

ليه اكده يا الاء ليه

ف الوقت دا جت سماح وفضلت تصرخ 

يالهوتاااي يا فضيحتاي يعني يا بت اختي منتيش مكفيكي الفضيحة اللي عملتيها لينا بهروبك يوم فرحك وجرستك لينا وسط اهل البلد جاية تظهري دلوك وانتي بردك بتكرري نفس العملة ويا ترى يا بت عملتيها مع كم واحد قبل اكده ياميلة بختك ف بنتك يا عامر يا ميلة بختك ف بنتك يا جنات 

واحد من الرجالة 

لاه اللي زي داي عار على بنات النجع كلياتها اللي زييها لازمن يترجموا ف ميدان عام ونخلص اهل البلد كلياتها منيها علشان متعديش بناتنا الشريفات 

هنا قالت ميادة 

انت معاك حق يا حج اللي ويها لازم يتقتل ف ميدان عام علشان تكون عبرة لغيرها .. ربنا ينتقم منها ياما وزتني امشي معاها ف الطريق دا لكن انا رفضت علشان انا متربية احسن تربية

الاء مكنتش مهتمة لاي كلمة بيقولوها قد ما كانت عنيها ع ابوها ونظرة الانكسار اللي ف عنيه كانت عايزة تتحرك وتجري عليه وتاخده ف حضنها وتقوله انهم كدابين وكل الكلام دا محصلش وانها عمرها ما فرطت ف شرفها ابدا وانه رباها احسن تربية لكن رجليها خانتها ولسه مش عارفة تحرك جسمها الا بسيط اوي اوي 

ف الوقت دا جت امها وفضلت تندب على حالها وسماح تصرخ وتشغلل النار اكتر ف قلوب الناس علشان يكرهوها اكتر واكتر 

ف الوقت دا قال مسعود وكأنه بطل مغوار 

خلاص يا جماعة نفضنا سيرة من الموضوع ديه واني مستعد اعمل بأصلي واتستر عليها واتجوزها وامري لله واخلي السن الكل يتكتموا ولا ويتحاكوا عنيها بس بشرط واحد .. اني هتجوزها بس مجرد تستر عليها ملهاش عندي اي حقوق ولا مستحقات يعني يوم ما ازهق منها وارميها محدش يطالبني بحاجة .. وكمان اتحوز عليها براحتي اضربها او اعدمها العافية بكيفي كلبة تحت رجلي واني بربيها ايه قولكم ديه شرطي الوحيد علشان اتجوزها. 

الاء بصتله بغل ولسان حالها بيقول 

انا اموت وانا مظلومة قدام الناس كلها اشرف ليا من اني اتجوز واحد دنىء زيك .. 

لكن لسانها خانها ومقدرتش تتكلم من هول الموقف اللي هي فيه 

اما سماح وميادة فبصوا لبعض بشماتة وفرحة باللي بيحصل لها

ميادة 

انت حقيقي كتر الف خيرك انك هتسترها انت مفييش زييك في البلد .. وربنا يكون في عونك من السنة الناس وكلامهم انت هيكون عليك هم ما يتلم بس يلا كلوا بثوابه واهل البلد هيحكوا ويتحاكوا عنك 

كل اهل البلد وافقوا ع القرار دا ان مسعود يتجوز الاء ويتستر عليها بالرغم من انه هو طرف ف الجريمة اللي حصلت من وجهة نظرهم لكن ف رايهم ان الراجل مبيغلطش والغلط كله عند الست 

مسعود لعم الاء 

ها قولت ايه يا حج.. انوافق على الكلام ديه؟

عم الاء 

موافق وامري لله هنقول ايه لله الامر من قبل ومن بعد . 

ف الوقت دا جه سليمان وقال بصوت حاد وقوي 

عايز تتجوز واحدة متجوزة وجوزها لساته على قيد الحياة ممتاتش اطيا جرأتك يا اخي 

بهت مسعود مكانه وقال 

اا سليمان ااا اانت هي هي لساتها على زمتك ااا اني معارفش بالموضوع ديه انا فكرتك طلقتها من وقت ما هربت وسابتك لساتك باقي عليها ليه .. سيبهالي واني اربيهالك كيف الكلب متقلقشي

الأعمال الأصلية لرواية وحكاية

سليمان بص لألاء وحس ان فيها حاجة غلط فقال 

مراتي اني اللي هربيها بمعرفتي .. لكن قبل ما اعمل اكده انت اللي هتتربى الاول علشان تتجرأ على مرتي 

مسعود برعب من نظرات سليمان 

ااا اني معملتش حاجة داي داي هي اللي غوتني هي اللي طلبت مني اقابلها اهنه ف الشقة دي واني راجل اعذب مع كل الاغراء بتاعها اني مقدرتش اقاوم ومع ذلك اني راجل ميعبنيش شىء وقولت هتجوزها يعني هصلح غلطي 

سليمان بصله بحده اكتر خوفته اكتر واكتر 

اممم يعني هي اللي اغوتك مش انت اللي خطفتها من البيت اللي ساكنة فيه وجبتها اهنه بالغصب وانتي ايه قولك يا الاء 

الاء كانت بتبص لسليمان بنظرات كلها خوف وتيه ولسان حالها بيقول 

انا اخلص من شيطان يطلعلي شيطان افظع منه 

رجليها مقدرتش تشيلها ووقعت ع الارض وانهارت ف البكا وهي بتقول 

سيبوني ف حالي بقا منكم لله منكم لله يارب اموت وارتاح سيبوني بقا .. انا معملتش حاجة معملتش 

سليمان 

الاء لاخر مرة هكلمك بهدوء انتي ليكي علاقة باللي اسمه مسعود دا ولا هو اللي اعتدى عليكي 

الاء ببكا 

وهتفرق في ايه اقول ولا مقولش هتفرق في ايه.. ما كلكم حكمتوا وحددتوا العقوبة كمان من غير ما تسألوا ولا تعرفوا الحقيقة... كلكم بقيتوا الجلاد والعشماوي كلكم بتنهشوا ف لحمي من غير وجه حق بس انا هقتص منكم كلكم يوم القيامة 

سليمان 

الاء قومي اقفي وردي عليا من فضلك 

الاء 

مش عارفة اقف ولا اتحرك منه لله اللي كان السبب .. موتني وريحني بالله عليك دمرني ودمر اهلي وسمعتي وشرفي 

ف الوقت دا ابو الاء متحملش وكب ساكت المرة دي واغمى عليه 

فجري بيه اخوه للمستشفى 

والاء بتصرخ 

لااااا ابوياااااا لااااااا 

واغمى عليها هي كمان 

ولما فاقت لقت نفسها ف اوضة مريحة ومريم معاها 

مريم بخوف عليها 

الاء حبيبتي اخيرا فوقتي انتي كويسة يا حبيبتي؟؟؟ 

الاء اول ما شافت مريم اترمت ف حضنها وبدأت تعيط جامد 

مريم الحقيني .. شوفتي اللي حصل لاختك يا مريم انا اتدمرت يا مريم.. انتهيت انا وسمعتي وسمعة عيلتي وشرفي.. دبروا ليا مؤامرة.. خدروني يا مريم وشلوا حركتي علشان يعتدي عليا وانا واقفة اتفرج مش قادرة اقاوم 

مريم شهقت بصدمة 

ايه؟؟ معقولة كل دا حصلك منه لله ربنا ينتقم منه.. الاء عمل فيكي حاجة انتي كويسة؟؟ طمنيني عنك 

الاء 

الحمد لله ملحقش اهل البلد جم ولحقوني.. بس انا كنت ف موقف وحش يا مريم لمساته ليا ونظراته كانت وحشة اوي يا مريم مش قادرة اتخطاها انا كدا انتهيت يا مريم مش هقدر انسى اللي حصل.. وابويا ابويا طب ساكت خايفة يروح فيها هو وامي بحسرتهم عليا .. مريم اما انتهيت حياتي انتهت وكل دا بسبب مين بسبب خالتي يا مريم اقرب الناس ليا دمرتني يا ريتها موتتني وارتاحت من كل اللي بيحصل 

مريم اخدتها ف حضنها 

يا حبيبتي اهدي ومتزعليش كل حاجة هتتحل والحمد لله على سلامتك سليمان مش هسيبهم مش هيسيب حقك ابدا . 

الاء بمرارة 

سليمان؟؟ دا اول واحد عايز ينتقم مني .. انتي ناسية اني ف نظره جبتله العار مرتين .. يارب خدي وريحني بقا 

هنا دخل سليمان وقال 

بعيد الشر عنك يا الاء انا عرفت الحقيقة وعرفت انك ضحية خطة دنيئة شيطانية دبرتها خالتك وبنتها وكل دا بدافع الحقد والغيرة منك انتي ووالدتك .. انا مسكت مسعود وقررته لحد ما اعترف ليا بكل خاحة وانه عطى لخالتك فلوس وانها عطت لواحدة غريبة حقنة تحقنك بيها تشل حركتك.. وكمان عرفت انها السبب ف هروبك يوم الفرح 

الاء مكانتش مصدقة ازاي سليمان واقف ف صفها بعد ما كانت بتهرب منه.. ازاي بيدافع عنها وعايز يجيب لها حقها 

مريم 

الاء سليمان مش وحش زي ما انتي مفكرة سليمان مش متجوز اصلا وانتي كنتي اول حد ف حياته واول زوجة .. كل دا خدعتدة من خالتك علشان تطفشى 

الاء 

لا انا سمعت امه حنان بتكلمه بغضمة لسانها وهو بيقولها انه عايز يتجوزني علشان يستعبدني متخليهوش يخدعك يا مريم 

مريم 

دا مش حقيقي يا الاء .. خالتك حبت تكره حماتك فيكي ومن كتر اللي قالته خالتك عنك لحماتك.. بقت تكرهك وخايفة منك وعايزة تطفشك وتبعدك عن ابنها علشان كدا اوهمتك هي كمان ان ابنها وحش 

الاء 

يعني ايه .. يعني انا عشت حياتي دي كلها ف خدعة... طب مطلبوش مني اسيبه مقابل راحتي وسعادتي وقعاي وسط اهلي وانا والله كنت هوافق.. مين يقبل المرمطة اللي انا اتمرمطها مين يقبل يواجه العذاب دا والله كنت هبيع الدنيا واختار اهلي بس يبعدوا عني ليه يعملوا فيا كل دا ليه حرام عليهم انا بقيت بتمنى الموت انا مبقتش قادرة اتحمل مش مسامحاهم ليوم الدين 

مريم اخدتها ف حضنها تاني 

متقوليش كدا يا حبيبتي انا مقدرش استغنى عنك دا انتي اللي ربنا بعتك ليا اختي اللي مخلفتهاش امي 

سليمان بأسى 

حقك عليا يا الاء انا كمان غلطت ف حقك وجيت عليكي وصدقتهم ومسمعتكيش وكنت السبب ف معاناتك بس انا كمان مظلوم مكنتش اعرف بالمؤامرة دي بس كوني ع يقين اني مش هسيب اي حد اتسبب ف آذاكي الا لما اعاقبه على كل اللي عمله. 

ف الوقت دا وصل رائد وكلم سليمان وهو بيقول بحدة 

انت يا زفت مجتش تستقبلني ليه دا انا لفيت لفة ام العريس علشان اعرف مكان بيتك .. اتنيل بقا افتحلي الباب علشان ادخل ارتاح كن المشوار السخن دا. 

سليمان 

طيب عن اذنكم رائد جه هفتحله 

مريم برعب 

ايه رائد هنا.. لا ارجوك متقولوش اني انا هنا. 

الأعمال الأصلية لرواية وحكاية

سليمان 

متخافيش قولتلك مش هيعملك حاجة وكمان رائد عمره ما هيأذيكي. 

ولما خرج سليمان مريم حكت لالاء اللي حصل كله من اول مرة تشوف فيها سليمان لحد ما وصلت للبيت لما كانت بتدور ع الاء بعد اخر مكالمة 

فلاش بااك 

سليمان وصل مريم لبيت الست قريدة وانتظر هو ف العربية ولما نزلت مريم قال 

مريم هو انتي تعرفي واحدة اسمها الاء هي ساكنة هنا ف نفس المنطقة

مريم 

ما هي الاء دي اختي وصاحبتي اللي بتكلم عنها ودلوقتي جاية اشوفها واطمن عليها واللي عرفته ان اهلها جم اخدوها الصعيد بسرعا الله يكرمك خدني ع هناك 

سليمان 

لحظة اللاء اللي بتتكلمي عنها صاحبتك؟؟ دي مراتي اللي هربت مني يوم فرحي انا متأكد انها ساكنة هنا انا جايبها من البيت دا اخر مرة

مريم بشهقة 

معقول انت جوزها اللي كنت عايز تستغلها تتحوزها وتستعبدها وتخليها خدامة لمراتك الاولى معقولة؟؟ 

سليمان 

ايه الكلام الفارغ اللي بتقوله دا انا مش متجوز اصلا واستعبد مين واستغل مين هي ضحكت عليكب وقالتلك كدا دي مخادعة 

مريم 

الاء مفيش ف طيبتها ولا اخلاقها.. الاء هربت يوم الفرخ علشان تهرب منك ومن ظلمك وقسوتك زي ما قالت لها امك والكل كانوا بيحذروها منك 

سليمان 

ها انتي شايفة مني دا

مربم

بصراحة لا خالص ودا اللي انا مستغربة ليه علشان كدا عمري ما توقعت انه يكون انت جوزها اللي هربت منه 

سليمان 

يبقى الموضوع دا فيه ان .. فيه حد حاول يطفش الاء ويخليها تهرب يوم الفرح حد حب يسوء سمعتها 

مريم 

وعلشان نعرف دا لازم نوصل لألاء نفسها يا سليمان قبل ما اهلها يعملوا فيها حاجة هما جم اخدوها حسب اقوال الحاجة فريدة اللي كنا ساكنين عندها لازم نلحقها ارجوك ساعدني دي صحبتي والله العظيم هي كويسة واخلاقها مش هتلاقي زيها

سليمان 

ماشي انا هوديكي لاهلها وهناك هنلاقيها ونسمع منها كل الحقيقة بس لما توصلي عند اهلي متجبيش سيرة الاء ولا كأنك تعرفيها انتي ضيفني انا وبس 

هزت مريم راسها وساق سليمان العربية 

باااك 

مريم 

وبس دا كل اللي حصل يا الاء من ساعة ما سبتيني . 

... 

اما عند رائد وسليمان 

رائد قعد بانزعاج 

ايه مالك كدا واقف ليه ما تقوم تفز تجيب لصاحبك حاجة يشربها وتعملي صينية اكل كدا تصبيرة ايه انت شكلك بخيل اوي وانا معرفش عنك كدا 

سليمان 

اصلك جيت ف وقت مش وقتك خالص بصراحة الدنيا هنا مقلوبة وانت جاي همك ع بطنك 

ف الوقت دا جت مريم تجري 

سليمان سليمان الحق الاء سخنة اوي وبتتنفض مني وعمالة تهلفط بالكلام ومش فايقة خالص انا خايفة يجرالها حاجة

جري سليمان للاوضة اللي فيها الاء ووراه مريم ورائد 

سليمان قرب من الاء لقاها مولعة 

فقال 

دي داخلة ع حمى لازم تروح المستشفى فورا 

هنا رائد قال بزهول 

لخظة واحدة ايه اللي جاب مريم هنا وبعدين تعرف الاء مين .. وكمان ايه اللي جاب الاء عندك هو فيه ايه وايه اللي بيحصل بالظبط 

سليمان شال الاء وهو بيقول 

مش وقته نلحق الاء الاول وناخدها المستشفى نطمن عليها لان حرارتها عالية اوي 

رائد كان حاسس بالغيرة من سليمان لانه شال الاء 

وكان متغاظ منه اوي وراح معاهم وهو مش فاهم حاجة 

وبعد شوية خرج الدكتور 

للاسف حالتها مش مستقرة ودا لان حالتها النفسية سيئة جدا جدا الظاهر ان المريضة اتعرضت لصدمة نفسية كبيرة ودا اللي مخلي حرارتها متنزلش احنا هنسيبها ف العناية المركزة النهاردة لحد ما الحرارة تنزل 

مريم ببكا ربنا يعافيكي يا الاء ويطنما عليكي وتقومي لينا بالسلامة يا حبيبتي 

رائد 

انا مش فاهم حاجة ايه اللي بيحصل ايه اللي حصل لألاء 

سليمان 

وانت تعرف الاء مين يا رائد انت .. يبقى انت اللي خرجتها من المخزن يعني انت السبب ف كل اللي حصل لو مكنتش خرجتها مكانتش شافت كل دا 

رائد 

نعم؟؟ انت عايز تفهمني ان انت جوز الاء؟! وانها البنت اللي هربت منك يوم فرحكم ؟! 

سليمان 

الظاهر كدا ان فيه لبس ف الموضوع 

رائد مسكه من هدومه 

لا لبس ولا غيره منك لله انا مكنتش اعرف انك كدا انت كنت مربي رعب لالاء سابت بلدها وسابت كل حاجة علشان تهرب منك انت ليه كدا وليه خطفتها وسبب لها الزعر وخليها تمشي تكلم نفسها ف الشارع ليه 

سليمان متكلمش ولا رد لكن مريم اللي ردت 

انت محسسني انك معملتش دا اما انت انسان غريب بشكل يعني بتلومه وانت كم سنة مخليني عايشة ف رعب حاسة بعدم الامان خايفة رجالتك يمسكوني ف اي لحظة بقيت بخاف امشي ف الشارع ولا اطل حنى من شباك اوضتي بسببك عيشتني سنين ف سجن لما كرهت نفسي وكرهت الحياة وفقدت الثقة ف اي حد انت بأي حق بتتكلم وبتلومه ع الاقل هو مظلوم معملش حاجة وكل دا كانت خدعة علشان يطفشوا الاء انهم يخوفوها من جوزها ويخلوها تطفش منه بدل ما تعيش طول عمرها ف عذاب وطبعا سليمان مش كدا ومعملش فيها حاجة لكن انت .. انت حجتك ايه ممكن اعرف.. بتنتقم من ابويا فيا ليه انا ذنبي ايه ادفع تمن حاجة معملتهاش انت خلتني اتمنى الموت يا اخي منك لله 

رائد هنا حس بالذنب من اللي عمله وادرك اخيرا انه كان غلطان ف انتقامه منها هي مش من ابوها 

فنزل راسه وقال 

انا اسف يا انسة مريم حقيقي اسف 

الأعمال الأصلية لرواية وحكاية

مريم 

اعمل باسفك دا ايه .. السنين اللي عيشتني فيها ف خوف ورعب اعوضها ازاي انت قتلت فيا زهرة شبابي لا بقيت عارفا اكمل دراستي ولا اشتغل واحقق ذاتي انت قتلت مني روحي 

رائد مقدرش يتكلم وهيبرر بإيه فسليمان قال 

خلاص يا مريم صدقيني راىد مش وحش انتقامه كان عامية وهو دلوقتي عرف انه غلطان ومعترف بغلطه حطي نفسك مكانه هتعذريه انا نغسي ف لخظة من اللخظات مع انفعالي للي حصل لوالده اتفقت معاه ع اللي هيعمله ووافقته عليه وشجعته .. مين فينا مبيغلطش بس الاهم اللي يعرف غلطه ويعترف بيه ويحاول يصلحه.. خلينا نقفل الموضوع دا واؤكد ليكي من اللحظة دي رائد مش هيجي جنبك ولا هيسبب ليكي اي خوف ابدا.. بس خلونا الاول نطمن ع الاء 

وبعد حوالي اسبوعين حالة الاء بقت مستقرة وتم نقلها لغرفة عادية 

وهناك لما فاقت لقت كل عيلتها حواليها حتى ابوها كان جنبها بس قاعد ع كرسي ودا لانه الصدمة اللي حصلت ليه عملتله شلل ف رجليه ومبقاش يقدر يحرك رجل منهم 

لقت الكل بيبص ليها وبيبتسم 

الكل 

واخيرا فوقتي يا الاء 

الاء بحزن 

بتعالجوني ليه بتنقذوني ليه سيبوني اموت 

جنات 

الاء يا بنتي كلنا عرفنا الحقيقة سليمان كشف الحقيقة كلها لاهل البلد وعرفنا مين السبب ربنا ينتقم منيهم كلياتهم .. عمك طلقها بعد ما عطاها علقة معتبرة هي وبنتها ودلوقتي هما مرمين ف السجن بتهمة انهم حاولوا يأذوكي ويشهروا بيكي ياااه تهم كتير وعمايل ومصايب كتير عملوها فيكي لا تحصى ربنا ينتقم منهم شر انتقام

حنان بلوم نفسها 

حقك عليا يا بتي الزن ع الودان امر من السحر كرهوني فيكي وعملت اللي عملته علشان متتحوزيش ابني الحيلة باخلاقك اللي قالولي عليها واني صدقتهم ما هي خالتك هتكدب ليه حقك عليا بنتي وادي راسك ابوسها وان كنتي لساتك رايدة جوزك مفيش مانع نعملك احسن فرح 

رائد بص لسليمان وقال 

هو ايه اللي رايدة جوزك واد يا سليمان طلقها حالا وفورا علشان انا هتجوزها .

الكل شهق حتى الاء بصتله بصدمة فقال 

ايه ف ايه.. الاء متعرفش سليمان اصلا ولا سليمان يعرفها.. جوازهم كان مجرد ترتيب من العيلتين.. ودلوقتي سليمان عايز يتجوز مريم .. يبقة نصحح الامور وهو يتجوز مريم وانا اتجوز الاء اهي سهلة اهي 

سليمان 

منك لله يا ريتك ما اتكلمت يا شيخ انت جيت تكحلها عورتها 

الأعمال الأصلية لرواية وحكاية

رائد هرش ف دماغه 

ايه ليه فيه ايه انا قولت ايه غلط... الاء اوعي تكوني عايزة سليمان اوعي ... اتكلمي يا الاء انا قعدت اسبوع بحاله اعاني لما عرفت انك متجوزة انا فضلت فترة احاول اتخطى الموضوع دا.

سليمان زعق 

ما خلاص يا عم الصريح مش وقته صراحتك دلوقتي المكان فيه ستات 

الأعمال الأصلية لرواية وحكايةرواية أحفاد إلياس للكاتبة زينب سعيد القاضي تنشر بشكل حصري فقط على موقع رواية وحكاية وجميع حقوق النشر للموقع والملكية الفكرية للكاتبة محفوظة

وبعد حوالي شهر 

كان البلد كلها بتحتفل بأكتر فرح شهدته البلد كلها... البلد كلها بتحتفل برراءة بنت اتظلمت واتبهدلت كتير من غير سبب علشان كدا كله مان بيعبر عن اسفه للي حصلها وفرحته بحوازها فكان كبير وصغير فرحان وسعيد وجاي من اخر الدنيا علشان يشاركها فرحتها 

الليلة كانت ليلة من اسعد الليالي ع الابطال ودا لانه كان فرح ثنائي فرح رائد والاء وسليمان ومريم .. فرح فضل اهل البلد يحكوا ويتحاكوا عليه لشهور وسنين قدام

وهنا فقط أدركا أن الحياة لا تمنحنا دائمًا ما نبحث عنه، بل أحيانًا تمنحنا ما لم نكن نعرف أننا نحتاج إليه.

فكم من شخص خرج يبحث عن حقٍ ضائع، فعاد بقلبٍ وجد صاحبه… وكم من إنسان ظن أن بعض اللقاءات جاءت لتؤلمه، فإذا بها تأتي لتغيّر حياته كلها.

ربما كان الانتقام هو السبب الذي جعله يبحث عنها… لكن الحب كان هو النهاية التي لم تخطر له على بال.

وربما كان هروبها من رجل، هو الطريق الذي قادها إلى رجل آخر… وربما كان بحث رجلٍ عن زوجته الضائعة، هو الطريق الذي انتهى به إلى امرأة لم يكن يعرف أنها ستصبح زوجته.

وفي النهاية، لم يكن أحد منهم يملك الخريطة كاملة… كانوا فقط يمشون في طرق متقاطعة، حتى أخذ القدر بيد كل واحد منهم إلى المكان الذي كُتب له أن يكون فيه.

لذلك لا تحكم على بداية الحكاية من أول سطر… فبعض النهايات الجميلة تبدأ من أكثر الطرق تعقيدًا، وبعض الأشخاص الذين نظن أننا نلتقيهم صدفة، يكونون في الحقيقة… موعدًا كتبه الله لنا قبل أن نعرف حتى أسماءهم.

ودمتم ف رعاية الله 

أسماء عبد الهادي