الاء رجعت الشقة وهي متضايقة ومتغاظة وعلى آخرها 

نريم خرجت من المطبخ وف ايديها المعلقة الخشب 

انتي جيتي يا لولو حمدا لله عل السلامة غيري هدومك وانا هغرف الاكل يلا د... ايه دا مالك انتي مبوزة لسه كدا حد زعلك .. انتي لحقتي يا بنتي ترجعي منزعجة من الشغل؟! عامة يا الاء لازم تفهمي انك محتاجة وقت علشان تتأقلمي ع الوضع وع المكان وكل حاجة

الاء 

عارفة والله يا مريم وبحاول اصبر علشان ظروفنا بس للاسف المدير فظيع اوي تصوري من كتر غروره بيكلمني وعاطيني ضهره ولافف الكرسي ولا مرة قابلني بوشه ولا مرة شوفت صورته وكمان المكان اللي بشتغل فيه صعب اوي بجد. 

مريم 

ممم ولا مرة قابلك بوشه غريبة دي . ممكن عنده مشكلة ف وشه طالعله اي شامة او حرق مثلا مش حابب حد يشوفه وهو ف مكتبه بيكون ع راحته ومبيحطش قناعه مثلا ومبيحبش حد يشوف نقطة ضعفه .. يمكن .. بس بلاش نظن ف الناس ظن وحش.. لو مغرور مكانش وافق انه يوظف واحدة مش تبعه ومش بالوسطة 

الاء 

معرفش انسان غريب اوي وسمج كدا مش طايقاه وحاططني ف مكان والله غير ادمي يا مريم 

مريم 

يمكن بيختبر صبرك وقوة تحملك وشغلك تحت الضغط ممكن تكوني ف فترة اختبار حاولي تتحملي شهر كمان يا الاء لو حسيتي بعدها انك مش قادرة فعلا سيبي الشغل بس اعطي لنفسك فرصة مش من يوم ولا اتنين فتهاني يا لولو

الاء اخدت نفس عميق 

حاضر يا مريم متحرمش منك ابدا انتي بجد عاقلة ورزينة اوي انا مشوفتش كدا قبل كدا 

❈-❈-❈

رائد كان ف أوضته ف الفندق فجاله اتصال

واحد من رجالته 

باشا الاخبار بتقول ان اخر مرة شافوها فيها كانت ف المنصورة يا باشا بس من وقتها اختفت ممكن تكون قاعدة عند ناس قرايبها هناك لسه التحريات شغالة.. هننقل سكنا هناك علشان نعرف نتابع الجديد 

رائد 

ف المنصورة؟؟ .. سليمان صاحبي هناك حلو اوي كدا هضرب عصفورين بحجر واحد منها اقابل صاحب عمري ومنها انتقم من البنت دي يااه واخيرا قلبي هيرتاح ياااه .. تمام ماشي انقلوا سكنكم هناك وانا كمان جايلكم ع هناك علشان اتابع اي جديد بنفسي. 

الأعمال الأصلية لرواية وحكاية

قالها واتصل بسليمان 

الباشا الكبير.. باشا مصر وكبير الصعايدة كلهم. 

سليمان كان قاعد ع السفرة بياكل فضحك 

لا الظاهر ان مزاجنا عنب ايه يا عمهم احكيلي ايه الجديد اللي خلا مزاجك حلو كدا .. ها لقيت عروسا مليحة تملي العين والقلب 

رائد 

يا شيخ متبشرش ف وشي عروسة ايه الوقتي انا عايز انتقم وارتاح الاول .. اسمع عندي ليك اخبار حلوة انا جاي عندك المنصورة فيه مكان ليا ف شقتك ولا اشوف شقة لوحدي

سليمان 

لا يا عم الشقة كبيرة وتساع من الحبايب الف تعالى يا حبيب اخوك انت تنور وتآنس بس قولي هتيجي امتا علشان اكون ف انتظارك 

رائد 

لا متشغلش بالك انت هاجي ف اي وقت وممكن اعدي عليك ف الشركة ربنا يسهل... 

سليمان 

تمام يا صاحبي منتظرك ف اي وقت سلام. 

اما ميادة فنفذت مخططها وحولت للمنصورة وكانت بتستعد علشان تنقل بس منتظرة باباها يشوفلها شقة هناك هي وكم بنت صاحباتها معاها. 

تاني يوم

نزلت الاء علشان تروح ع شغلها واول ما نزلت لقت مريم بتتصل بيها 

معلش يا لولو انا عارفة انك هتتأخري انا اسفة بس انتي عارفة انه مينفعش انزل برا الشقة لاي سبب .. بس انا عندي مغص شديد مش قادرة اتحمله.. ممكن معلش يا حبيبتي تجيبلي اي مسكن من الصيديلة وانا هنزل اخده منك ع السلم علشان متتاخريش 

الاء 

يا خبر الف سلامة عليكي حاضر هجيبلك المسكن وهطلعلك علطول لا متنزليش ولا حاجة خليكي انتي تعبانة 

وبالفعل الاء جابت المسكن وطلعت عطته لمريم اللي شكرتها 

متحرمش منك ابدا يا آلاء. 

الاء ابتسمت لها وقالت 

يلا سلام هنزل علشان الحق شغلي هبقى استغل البريك واروح ف مكان فيه شبكة وهطمن عليكي

وبالفعل نزلت وراحت عند موقف الاتوبيس تستنى اي مواصلة تاخدها لمكان الشركة 

وهناك كانت فيه ست ماشية وف ايديها بنتها فجأة الست وقعت ع الارض واغمى عليها 

الاء بسرعا جريت عليها تلحقها 

وكذلك رائد اللي كان سايق عربيته وشاف المنظر فنزل بسرعا 

الاء حاولت تعمل اسعافات اولية لكن الناس اتلمت حواليها والمكان بقا زحمة وصعب التنفس 

رائد 

يا جماعة ابعدوا علشان النفس مش هينفع كدا الست ممكن تروح مننا بسبب الزحمة دي... انتي يا انسة بتعرفي ف الاسعافات الاولية؟؟ 

الاء 

ايوا .. انا شوفت نفسها هو كويس بس ضعيف اوي تقريبا كدا ضغطها وطى من الحر او التعب 

البنت الصغيرة كانت بتعيط 

ماما انا عايزة ماما هي ليه نايمة ومش بترد ماما تعبانة ليه يا ماما 

رائد حاول يهدى البنت الصغيرة ويسكتها 

اهدي يا حبيبتي مامتك هتكون كويسة هي بس تعبت شوية وهتبقى عال العال متعيطيش يا قمر علشان اجيبلك بونبوني 

وبعد محاولات من الاء قدرت تفوقها بعد ما استعملت البرفيوم بتاع سليمان اللي كان لسه معاها ف شنطتها ومش عارفة مين صاحبه 

البنت فرحت 

هاي هاي ماما فاقت اهي 

الاء 

حمدا لله على سلامة حضرتك بس انتي محتاجة تروحي اقرب صيدلية علشان تشوفي ضغطك لانه تقريبا واطي ولو ملحقتيهوش ممكن تقعي تاني 

الأعمال الأصلية لرواية وحكاية

الست كانت مرتبكة وخايفة لان مكانش معاها فلوس تكفي يا دوب المواصلات فرائد فهم قال 

تعالي اتفضلي هوديكي لأقرب صيديلية ومتشيليش هم اي مصاريف.. وحضرتك يا استاذة ممكن تيجي معاها تسنديها علشان مش هتكون قادرة تتحرك لوحدها. 

الاء مع انها كانت متأخرة بس مقدرتش ترفض فأخدتها الصيديلة 

الصيدلي قاسلها الضغط وبالفعل كان منخفض وكتب لها ع علاج وشكرتهم واخدت بنتها ومشيت 

رائد 

شكرا ليكي يا استاذة ع وقوفك جنب الست اللي الظاهر انها غلبانة اوي 

الاء بهدوء وهي بتمشي بسرعا علشان تلحق الاوتييس 

العفو 

رائد 

غريبة البنت .. ف المواقف اللي زي دي ما بتصدق تفتح كلام وتبتدي تمجد ف نفسها وف اللي عملته بس البنت دي ولا اهتمت لوجودي ولا كأنها شايفاني اصلا ومشيت وسابتني 

شافها راحت ناحية موقف الاتوبيس وهو رايح يجيب عربيته فعرف من حركة رجليها انها مستعجلة عمالة تروحي وتيجي وتبص ف الموبايل 

فقرب منها وقال 

من الواضح انك اتأخرتي وانا السبب انا اللي عرضت عليكي تيجي مع الست وبنتها الصيديلة انا اسف .. علشان كدا ايه رايك تركبي اوصلك 

الاء بصتله بصدمة من سؤاله لكنها اتحلت بالهدوء وقالت 

لا شكرا يا استاذ. 

واتحركت من مكانها بعدت عنه 

رائد قرب تاني 

على فكرة انا مش بهزر ولا بعزم عزومة مراكبية اتفضلي اوصلك انا كنت 

السبب ف ان الاتوبيس يفوتك خليكي تلحقي معادك يلا 

الاء نفخت بغيظ 

لو سمحت من فضلك بقا سيبني ف حالى 

واول ما جه الاوتوبيس ركبت فيه بسرعا وكأنها بتهرب منه 

رائد بصلها باعجاب 

يا سلام هو لسه فيه بنات بأخلاق زمان دي ياااه .. حقيقي ونعم التربية تسلم الايدين اللي ربت دي فعلا. 

وركب العربية وراح ع شركة سليمان والبسمة مفارقتش وشه

ولما وصل الشركة طلع ع مكتب سليمان 

وسلم ع صاحبه وحضنه 

سليمان 

ليك وحشة يا قلب اخوك 

رائد 

وانت كمان يا كبير يا كبارة ها اخبارك ايه يا باشا اخبار الشغل ايه 

سليمان 

لاااا انسى الشغل دا تماما واقعد كدا نحكي شوية عندي ليك اخبار مهمة بس الاول هطلب فطار تفطر اكيد لسه مأكلتش 

رائد 

اه والله لسه ع لحم بطني من امبارح.. 

وبالفعل قعدوا سوا يفطروا وسليمان حكي لرائد انه شاف مراته اللي هربت منه 

رائد 

لا بتهزر اخيرا عرفت مكانها طب وايه عرفت السبب اللي خلاها تهرب منك يوم فرحك قالتلك ايه اتكلم يلا قول 

سليمان سرح شوية وبعدها قال 

انا صحيح عرفت مكانها ويعتبر بشوفها يوميا لكن لسه مواجهتهاش

رائد 

وليه بقا ان شاء الله.. انت لازم ترتاح وتطمن قلبك انا عارف انك لا يمكن ترجعلها تاني الا اذا عندها سبب وحجة قوية تخليها تهرب منك يوم فرحها. 

سليمان بغضب

مفيش اي سبب ممكن يشفع لها هروبها يوم فرحها وفضيحتي وفضيحة ابوها احنا صحيح قولنا للناس وقتها انها تعبانة والفرح اتفض بس مقدرناش نمسك السنة الناس والكلام اتمطور ومش عارف الناس عرفت منين انها هربت وفيه اللي قال هربت مع عشيقها وابوها بقا ف نص هدومه ومش عارف يرفع راسه تاني وسط الناس.. وانا خلتني شكلي عرة وسط الناس علشان كدا انا حلفت ما ارجع البلد تاني ويوم ما ارجع هرجع وهي ف ايدي وهسلمها لابوها بايدي يغسل عارها بنفسه 

رائد 

كلام ايه دا يا سليمان هي سابتك يوم فرحك تغور بقا ف ستين داهية وانت ملكش دعوة بيهل واهلها هما احرار معاها لكن انت خرجها من دماغك اصلا مكانش فيه بينكم اي قصة حب ولا حاجة انت ابوك كان جابرك عليها وهي اكيد اهلها جابرينها وجت منها وطفشت سيبك منها وخلاص 

سليمان بغضب 

اسيبني منها كدا بسهولة بعد اللي عملته فيا وفضيحتي ومكانتي بين الناس اللي اتهزت.. لا يا رائد انا مش هيسيبها ابدا لازم اعاقبها كويس اوي ع اللي عملته .. وزي ما قولتلك هسلمها بنفسي لأبوها يغسل عاره وديني وما اعبد ما هسيبها. 

رائد 

انت دماغك ناشفة اوي انت صعيدي يا عمنا ولا ايه... بس قولي بالرغم من كلامك دا ليه لسه مواجهتهاش انت شوفتها وقابلتها وسبتها تمشي كدا طب ما هي ممكن تهرب تاني 

سليمان 

لا متخافش مش هتهرب لانها ببساطة لسه مشافتنين الحلوة جت تقدم ع شغل هنا بس حظها العكر اني كنت لسه شاري الشركة دي جديد وانا المدير فيها ومعظم اللي شغالين مفكرين انه صاحبها القديم لسه بيديرها لحد دلوقتي والاء كانت منهم متعرفش ان سليمان البكري هو مدير الشركة.. وانا بقا قررت استغل الفرصة دي واسويها ع نار هادية قبل ما افجر قنبلتي ف وشها واوريها وش عمرها ما شافته قبل كدا 

رائد 

مم تفكيرك غريب عارف انا لو منك لا هكون حابب اشوفها ولا ابص ف وشها هبعد عنها وكأنها صفحة كن حياتي وانطوت وعقابها اني اتجاهلها تماما وكأن ليها وجود واكمل حياتي عادي خالص 

سليمان 

ودا اللي هعمله بس بطريقتي لكن مش هبعدها هخليها تشوف الذل قدام عنيها مينفعش تفلت بعملتها بسهولة كدا.. 

.. 

وبعد شوية وقت قضاهم رائد مع سليمان اتأذن ونزل يشوف اللي وراه فاتقابل تحت مع الاء اللي بالمناسبة مكانش يعرف اسمها حتى 

فقال لا مش معقول شوف الصدف الغريبة والجميلة فعلا.. انتي طلعتي بتشتغلي هنا ف الشركة؟؟ 

الاء انتبهت ليه وبصتله وهي بتحاول تفتكر هي شافته فيه 

فضحك 

لالا انتي الظاهر ذاكرتك ذاكرتك سمك فعلا ما احنا لسه متقابلين الصبح ولا نسيتي دول يا دوب ساعتين لحقتي تنسيبي .. ايه موصلتيش؟؟ الست وبنتها اللي اغمى عليها وروحنا الصيدلية ها افتكرتي . 

الاء 

اه صح افتكرت حضرتك فرصة سعيدة عن اذنك 

رائد 

هو ايه اللي فرصة سعيدة عن اذنك استنى قوليلي انتي بتشتغلي هنا واسمك ايه عرفيني 

الاء بانزعاج 

يا استاذ من فضلك انا مش هينفع اقف اتكلم معاك... بأي أساس اقف اتكلم مع واحد غريب معرفوش لمجرد انه موظف معايا ف الشركة... انا اسفة مش هينفع انت ترضاها لأختك؟؟ 

ارتبك رائد فبعدت الاء ومشيت وسابته 

رائد هرش ف راسه 

لا بجد بنت متربية عشر مرات شابو ع اللي رباها بجد وكمان بنت شخصيتها قوية جدا عجبني شخصيتها اوي

وفجأة ضحك وبدا يكلم نفسه

ايه دا يا واد يا رائد انا شكلك وقعت ولا ايه ... وليه لا هو انا مش من حقي احب واتجوز؟! .. لا لا حب ايه دلوقتي انت وراك انتقام لازم تنهيه وتخلص بقا ووقتها تقرر تحب وتتحب وتشوف حياتك بقا .. واهي فرصة تعرف احساسك الحقيقي مش مجرد اعجاب باخلاق البنت وشخصيتها. 

سليمان كان ف مكتبه فخبطت الاء 

مستر انا جبت لحضرتك الملفات اللي طلبتها 

سليمان بانزعاج 

ادخلي 

ولما دخلت لف هو الكرسي وزعق 

هل انا طلبت منك تطلعي تجيبيهم؟؟ هل قولت لشريف يبلغك بدا .. بتطلعي هنا من نفسك ليه حد طلب منك دا ولا انتي بتمشي بدماغك ولا كأن الشركة دي بتاعتك لوحدك؟! 

الاء حاولت تمتص غضبها 

اسفة يا فندم بس علطول مستر شريف يقولي اطلعهم لحضرتك علشان كدا اول ما خلصت طلعت لحضرتك علطول.. انا اسفة مرة تانية بعد كدا مش هطلع الا لما مستر شريف يقولي 

سليمان 

حطيهم ع المكتب وامشي 

ولما الاء حطتهم وجت تمشي راح قال 

استنى عندك 

الأعمال الأصلية لرواية وحكايةالاء 

افندم حضرتك 

سليمان 

انتي اسمك ايه وعندك كم سنة ومرتبطة ولا لا وساكنة فين 

الاء 

اظن اي معلومات عايز تعرفها عني .. الملف بتاعي موجود عندكم تقدر تشوف اي معلومات فيه عايز تعرفها 

سليمان زعق

انتي ازاي ترد عليا كدا .. انتي نسيتي نفسك ولا ايه .. اظن انا مدير الشغل وبسألك تردي مش تديني محاضرة انا عارف ان ملفك موجود عندي.. لكن وقتي ميسمحش ادور عليه او حتى اطلع عليه علشان كدا بسألك ولما اسألك تردي من غير ولا كلمة زيادة فاهمة . 

الاء 

ممكن اعرف حضرتك بتعامل حل موظفينك كدا ولا انا بس 

وقبل ما يرد سليمان جاها الرد عن طريق 

موظفة خبطت ودخلت وهي بتقول 

مستر اتفضل حضرتك التقاير اللي طلبتها .. وكمان بفكر حضرتك بأنك محتاج تروح المصنع علشان تباشر العمل بنفسك زي ما قولت . 

سليمان 

تمام يا مدام اسماء متحرمش منك تعبتك معايا.. بس مكانش له لزوم تتعبي نفسك وتيجي هنا بنفسك... كنتي بعتي اي عامل من الشركة وخلاص 

اسماء 

انا حبيت اوصل التقاير بنفسي لحضرتك علشان اضمن انها وصلتك وعلشان اكد ع حضرتك ان سير العمل ماشي تمام جدا زي ما طلبت 

سليمان 

شكرا جدا يا مدام اسماء انتي من اكفأ العمال عندنا ف الشركة هشوف التقاير ولو فيه اي تعليق هتصل بيكي ابلغك شرفتينا . 

بعدها استاذنت اسماء ومشيت 

الاء قالت بغيظ

ما حضرتك بتتكلم بالراحة ومن غير ما تزعق اهو.. اشمعنى معايا بتكلمني بحدة كدا مع اني معملتش حاجة غلط وموظفة جديدة ولسه بتعلم .. 

بعدها قالت بصوت اشبه بالبكا 

هو انا ضايقت حضرتك ف ايه ولو حضرتك مش عايزني عندك ف الشركة انا ممكن امشي عادي وربنا يعوض عليا ف مكان تاني اكيد هلاقي فرصة تانية ان شاء الله 

سليمان بنفس الحدة 

اتفضلي يا استاذة ع مكتبك وبعد كدا نفذي التعليمات كويس 

مشيت الاء وهي بتمسح دموعها 

فشافها شريف وقال 

ايه مالك انتي كنتي بتعيطي؟؟ حصل حاجة جوة ولا ايه 

الاء 

مستر شريف 

هو المدير علطول بيزعق للموظفين كدا وبيهينهم؟؟؟ 

شريف 

انا اسف يا استاذة الاء بس هو فعلا المدير مش كدا خالص بالعكس كل الموظفين بيحبوه وبيحبوا معاملته جدا والكل بيشتغل بجد لانهم بيحبوه بس حقيقي مش عارف هو ليه معاكي بيعاملك بالحدة دي هو انتي تعرفيه قبل كدا؟؟ 

الاء 

هو انا شوفته قبل كدا اصلا دا بيقابلني وهو لافف وشه للحيط ولا مرة شوفته 

شريف 

غريبة اوي علطول بيقابلنا كلنا وجها لوجه ممم 

الاء 

يبقى مستصدني بقا حاططني ف دماغه .. انا بفكر اسيب الشغل دا وارتاح انا مبحبش كدا 

شريف 

لالا اوعي دي فرصة وجتلك تشتغلي ف الشركة الكبيرة دي ومش هتتعوض تاني ومش هتلاقي زيها تاني . حاولي تصبري وان شاء الله هنفهم سبب معاملته دي 

... 

اتصلت سماح ببنتها 

بت يا ميادة اني عملتك كل حاجة عملت المستحيل زي ما بيقولوا علشان تكوني جار سليمان البكري .. امسكي ف الفرصة بإيدك واسنانك انتي متعرفيش اني عملت ايه علشان اخلي ابوكي يوافق تروحي المنصورة... مترجعيش بعد اكده ان معرفتيش تلاقي قلبه تعيطيلي... متنسيش اللي عملناه ف البت آلاء يوم فرحها علشان اكده هربت وطفشت ودلوك البلد كلياتها بتلعتها وابوها لو شافها هيقتلها ناهيكي عن سليمان نفسه