تاني يوم 

امل كانت رايحة الجامعة الصبح فشافتها نورا فقالت 

انتي سايبة شغلك ورايحة على فين يا بتاعة انتي انتي فاكراها وكالة من غير بواب ولا ايه علشان تخرجي وتدخلي وقت ما تحبي ها تعالي هنا وادخلي انجري اعمليلي فنجان فهوة دماغي هتنفجر 

بصت لها امل من فوق لتحت وقالت 

روقي اعصابك يا نورا هانم .. العصبية اللي انتي فيها دي هي السبب حاولي تهدي نفسك وانتي مش هتصدعي بس هتجيبي هدوء الاعصاب منين وانتي يا عيني دماغك فيها مليون حاجة وخاصة الحوار الاخير دا شاغل دماغك ع الاخر مش كدا 

نورا بعصبية 

انتي بتخرفي تقولي ايه وازاي تكلميني بالاسلوب ده انتي نسيتي نفسك ولا ايه 

امل انا ما نسيتش نفسي انا عارفه انا مين وبعمل ايه هنا وعارفه حدودي كويس قوي الدور والباقي على اللي مش عارف حدود كويس وخان ثقه أهله فيه 

نورا مكانتش فاهمة تلميحات امل لانها ببساطة متخيلتش انها تعرف حاجة 

فمدت ايديها علشان تضربها 

لا انتي الظاهر قليلة الأدب ومحتاجة تتعلمي الادب كويس علشان تعرفي ازاي تكلمي أسيادك بعد كدا لكن امل مادت ايديها ومسكت ايد نورا بحده وهي بتقول 

اوعي تفكري ان ممكن اسمح لك او اسمح لاي حد انه يتجرا ويمد ايده عليا لاي سبب من اسباب اوعي تنسي نفسك انك علشان بنت صاحبه البيت بانك تتجبري وتلطشي لاي حد كده لان ده ما يديكيش ابدا وان كان حد بيسمح بده فانا هسمحش ابدا ....وهرد لك الصاع صاعين لو فكرتي بس تعلمليها اوعي كدا حاسبي انا مش فاضية لواحدة فاضية زيك 

وزقت ايديها ومشيت وسابتها 

اما نورت فاتغاظت اوي من اللي اما عملته وفضلت تزعق وتصرخ فيها وتشتم بأفظع الألفاظ

لكن امل معبرتهاش وكملت ف طريقها لبرا 

كريم كان خارج ع شغله فسمع زعيق نورا فقال باستغراب 

فيه ايه بتزعقي لمين كدا ولا بتكلمي نفسك في ايه يا نورا 

نورا 

فيه ان البنت اللي اسمها امل اللي انت جايبها دي لازم تمشي من هنا فورا دي بنت وقحة ولا يمكن تقعد هنا مرة واحدة مش فاهمة جايبها منين دي 

كريم بزهق 

انتي كل لما تتعصبي تفضلس تزعقي كدا وتطردي في الشغالين انتي عايزة ايه.. جاية من برا متعصبة ليه وانتي اصلا مش بتقعدي ف البيت خمس دقايق ع بعض .. اطلعي نامي يا نورا اول مرة تصحي بدري ولا فكرتي تروحي الجامعا اخيرا 

نورا 

بابي انا بروح الجامعة يومين ف الاسبوع انت مش واخد بالك ولا ايه وكنت هروح النهاردة عندي امتحان بس الحقيرة دي عكرت مزاجي ع الصبح مبقتش ليا مزاج اروح بس مش هي اللي هتمنعني انا هروح بس ارجع ملاقيهاش يا بابي اوك؟؟  

كريم بصلها برخامة ومشي وراح ع عربيته 

وهي نفحت وركبت عربيتها وساقتها وهي بتقول 

يانا يا انتي يا حشرة انتي والله لأوريكي ان مكنتش انا نورا ان علمتك تحترميني ... وتحترمي اسيادك. 

وراحت نورا ع الجامعة وقابلت صحابها وسألت ع فادي لكنها ملقتوش ففضلت تتصل بيه لكنه مش بيرد 

فاتضايقت وقررت تخرج من الجامعة

واثناء ما كانت خارجة شافت امل وهي ماشية ف ساحة الجامعة مع زميلة ليها 

فقربت منهم بعربيتها ورمت على امل منديل مستعمل وهي بتقول

 اوبس وقع عليكي معلش اصل دا اصلك الحقيقي مجرد زبالة ماشية ع الارض او حشرة اسحقها برجلي.

وضحكت ومشيت اما امل فضمت قبضة ايديها بانزعاج وقالت 

لا انتي زودتيها اوي وقسما بالله ما هسكتلك ابدا 

صاحبة امل حاولت تهديها 

معلش يا امل متزعليش من كلامها سيبك منها.. وبعدين انتي تعرفي البنت دي منين اصلا ولا ليكي علاقا بيها... دا كل الناس عارفة ان البنت دي محدش بيقدر يكلمها لانها متكبرة ولو حطت حد ف دماغها بتنسفه 

امل 

ع نفسها مش عليا وقسما بالله لو كررتها تاني لأجيبها من شعرها المتخلفة دي.. دي بجد بجد متربتش والله خسارة فيها امها اقسم بالله حتة كتكوتة بموت فيها 

ياسمين 

هي مين انتي اتحولتي ولا ايه 

امل 

يا غبية بتكلم عن امها طنط لينا عسل اوي بموت فيها والله خسارة تبقة امها 

ياسمين 

اه دي تبقى بنت مرات ابوكي .. اه علشان كدا هي حاطاكي ف دماغها بس غريبة وهي متعرفش انتي مين 

امل 

لا هي بنت متكبرة علشان انا بقفلها هي متغاظة ازاي خدامة عندها وبترفع عنيها ف وشها وبترد عليها .. انما لازم اسيبها تلطش فيا واسكت.. علشان كدا هي هتموت مني..

ياسمين ضحكت 

ههه بس انتي طلعتي عسل يا امل ايوا كدا يا حبيبتي خليكي قوية وجيبي حقك بنفسك الطيب ملوش مكان ف البلد دي لازم تباني قوية علشان محدش يجي عليكي.

ولما امل رجعت البيت راحت لأبوها المكتب

بابا شوفلك حل للبنت اللي اسمها نورا دي مش سايباني ف حالي كل لما تشوفني تزعقلي وتهيني وف الجامعة كمان مش سايباني نازلة اهانة فيا وتصور بترمي عليا الزبالة وتقولي دا اصلك... تصور يا بابا سامح لبنتك الحقيقية تتعرض لدا من بنت غريبة؟! 

كريم بزهق 

تجاهلي اي حاجة تعملها وكبري دماغك هنعملها ايه يعني مهما تقول انتي هتمشي فانتي مش هتمشي وخلاص انتهينا يلا روحي شوفي بتعملي ايه انا مش فاضي 

امل اخدت نفس عميق بانزعاج لانها كانت متوقعة ردة الفعل دي وخرجت بهدوء لكنها اتقابلت مع نورا قدام المكتب 

نورا 

انتي لسه هنا يا خدامة انتي ممشتيش الظاهر انك مبتحسيش بقا يعني الإهانة دي كلها ولسه مصرة تفضلي يبقى متزعليش بقا من اللي هيحصلك 

امل 

لا يا حلوة متفرحيش كدا لاني مش هسكتلك اصلا ومش هسمحلك ما انا قولتلك قبل كدا اني هردلك الصاع صاعين بس اصبري وبقولهالك خافي مني يا نورا 

نورا ضحكت بحدة 

هههه اخاف منك انتي يا حشرة ههههه ... مش عارفة ليه دا مش كلام شغالين كلام اكبر منك بس هحاول ابلع الموضوع.

امل سابتها وراحت ع المطبخ تعمل اكل للينا 

اما نورا فجت ف دماغها فكرة راحت ع اوضة امل وقررت تقطع ليها كل حاجة خاصة بيها 

فاتسحبت وراحت اوضة امل ومسكت مذكراتها ودفاترها وكل حاجة وقطعتها وأثناء ما هي بتقطع قرأت الاسم 

أمل كريم عبد المولى الالفي 

فبرقت مكانها وهي بتقول 

بنت بابا!! يا لهوي دي بنت لينا الحقيقية ازاي بابا بجيبها هنا هو اتجنن ولا ايه علشان يعمل كدا 

اما عند امل ف المطبخ تسنيم اتسحبت وقالت 

امل الحقي انا شايفا نورا هانم اتسحبت ودخلت ع اوضتك خايفة تعملك حاجة او تتهمك بحاجة والله تعملها ياأمل دي لو حطت حد ف دماغه مش بترتاح ولا يجيلها نوم الا لما تمشيه انا خايفة عليكي يا بنتي انتي بنت غلبانة وملكيش حد ولا مكان تروحيه روحي كدا شوفي.

امل سابت اللي ف ايديها وبسرعة جريت ع اوضتها وبالفعل اللي كانوا خايفين منه حصل

لقت نورا ف اوضتها والاوراق والمذكرات كلها متقطعة ومرمية ع الارض 

امل 

انتي بتعملي ايه هنا واوراقي ومذكراتي ليه قطعتيها حرام عليكي ليه بتعملي معايا كدا ليه ليه 

نورا كانت لسه ف حالة صدمة فمتكلمتش 

اما امل همست لتسنيم 

روحي بسرعة قولي لطنط لينا 

لينا كانت قريبة منهم فجت ف الوقت اللي نورا بتخرج فيه من الاوضة من غير ما نطقت بحرف واحد 

امل اول ما شافت لينا قالت 

طنط لينا عاجبك كدا نورا بنتك قطعت ليا كل حاجتي بتاعة الكلية هذاكر ازاي انا دلوقتي واجيب فلوس الاوراق اللي اتقطعت دي منين اهىء اهىء اهىء 

لينا لما شافت اللي حصل اتصدمت 

نورا؟! معقول تعملي كدا مع امل طب ليه.. ليه تعملي كدا فيها هي عملت ليكي ايه علشان تعملي فيها كدا 

نورا 

انا مجتش جنبها هي اللي قطعت حاجتها وبتتبلى عليا انا مليش دعوة 

امل 

نورا انا شايفاكي وانتي بتخرجي من اوضتها وتسنيم كمان شايفاكي بعدين امل مش هتطقع اوراقها هتستفاد ايه يعني 

نورا بصت لتسنيم بشر 

حسابك معايا بعدين والله لأوريكي 

وقالت لامها 

ماما البنت دي قليلة الادب ووقحة وقلت ادبها عليا وبجد مش متربية ولازم تمشي من هنا 

لينا 

بالعكس البنت طيبة جدا وف حالها ولا مرة اتحكت بيكي يا نورا انتي اللي اول ما شوفتيها ومش حاباها مش عارفة ليه نورا ممكن تيجي معايا لحظة 

وانتي يا امل حقك عليا متزعليش امسحيها فيا يا حبيبتي وحق الاوراق دي كلها متشيليش هم هتشتري غيرهم بإذن الله متقلقيش .

واخدت نورا ومشيت ووقفوا بعيد وهي بتقول 

نورا التصرف اللي حصل دا مش مقبول منك ابدا واتمنى ميتكررش علشان لو اتكرر هيكون ليا تصرف تاني خالص معاكي مفهوم؟؟! 

نورا 

مامي يعني انتي بتيجي عليا علشان خاطر الخدامة الجربوعة دي انا بنتك يا ماما 

لينا 

البنت انسانة وليها مشاعر قبل ما تكون خدامة يا نورا... انتي من امتا بقيتي كدا تيجي ع البنت الغلبانة اليتيمة دي ملهاش حد حرام عليكي علشان خاطري متكرريش اللي عملتيه دا تاني من فضلك علشان متزعلنيش منك يا حبيبتي 

نورا بلا مبالاة 

اوك مامي انا هطلع ارتاح ف اوضتي سلام 

اما لينا فدخلت تاني لأمل تطيب بخاطرها وتعطيها فلوس تشتري بيهم اوراق ومذكرات من تاني 

استغلت نورا انشغال امها بأمل ودخلت لابوها المكتب من غير استئذان وكان بيكلم واحدة فاتضخ اول ما دخلت وقفل الفون بسرعا بتوتر 

نورا بسخرية 

متخافش دي انا متقفشتش يعني ما انا عارفة كل حاجة

كريم بانزعاج 

نورا!؛ انتي ازاي تدخلي كدا من غير ما تخبطي انتي نسيتي نفسك ولا ايه 

نورا 

الظاهر انك اللي نسيت كل حاجة يا كريم باشا بقا دي عاملا تعملها انت جاي تجيب النار برجليك لحد هنا فين كان عقلك لما فكرت تعمل دا وليه مقولتليش قبلها 

كريم 

بنت انتي بتتكلمي معايا ليه كدا وبتتكلمي عن ايه اثلا 

نورا 

بتكلم عن الزفتة اللي اسمها امل جايبها ليه هنا مغورتهاش ف اي داهية ليه دي انت عايز تفتح ف القديم وكل حاجة اخفيناها تتكشف انت جرا لعقلك ايه 

كريم بتوتر 

ااا انتي عرفتي منين ان امل هي اااا 

نورا 

مش محتاجة فقاقة يعني علشان اعرف لينا لو قريت اسم امل هتعرف كل حاجة فين كان عقلك يوم ما جبتها هنا البنت دي لازم تمشي حالا 

كريم 

جبتها بس حرجت عليها متقولش لحد ابدا هي بنت مين اما بخصوص الاسم فيه تشابه اسماء كتير ولينا عمرها ما هتتوقع انتي بس علشان عارفة فتوقعتي دا 

نورا 

بردو البنت دي مش لازم تقعد هنا انا مش حاباها ومش عايزاها ف بيتي 

كريم 

هتروح فين مينفعش اسيب بنت ف سنها لوحدها ف شقة غلط 

نورا 

اتصرف ووديها اي مكان مش حابة تقعد معايا ف نفس المكان... وكمان وجودها غلط هيفتح دفاتر مش لازم تظهر 

كريم 

دي بنتي يا نورا زي ما انتي بنتي مينفعش اتخلى عنها ومش همشيها من هنا

نورا بصت لكريم بغيظ وحست انه مش فارق معاه 

فخرجت وطلعت ع اوضتها 

وهناك فضلت تفكر بصوت مسموع 

لو الحقيقة اكتشفت محدش هيكون مضرور غير ... امل بنته وبنتها يعني هيعيشوا أسرة مع بعض وهيرموني انا وينسوني انا اللي هعاني .. امل لو موضوعها اتعرف هتاخد مكاني هتاخد العزة والرفاهية اللي انا فيها هتاخد الحب والاهتمام من لينا وكريم وانا لا... لا مش هسمح لأمل تاخد كل دا مني... مش هسمح لها تحل مكاني ابدا حتى لو حصلت اني اقتلها...

وفضلت طول الوقت تفكر ازاي تتخلص من امل 

اما امل فقررت تاخد لينا لصفها وتكون دعم ليها من مكر نورا فقالت 

صدقيني يا طنط لينا انا مش زعلانة ع ورقي قد ما انا زعلانة من الموقف نفسه كدا نورا هانم مش عايزاني هنا وانا مش عايزة اكون ف مكان صاحبه مش عايزني بس اعنل ايه معنديش اي مكان اروحه وكمان حبيت حضرتك اوي وبصراحة صعب الاقي مكان اكون مطمنة فيه ع نفسي ومع حد طيب زي حضرتك كدا بس نورا مش عارفة اعمل لها ايه والله العظيم ما جيت جنبها خالص والله من اول مقابلة وهي عداء معايا وهجوم غير مبرر دي حتى ف الكلية رمت عليا المناديل واهانتني وسط اصحابي 

لينا بحزن 

حقك عليا يا امل انا وصيتها متجيش جنبك تاني وموضوع مشيك من هنا مش هيحصل متقلقيش انا قولتلك اهم حاجة عندي الامانة وعايزاكي تنسي اللي حصل وتتجاهلي اي حاجة تعملها معلش اتحملي انتي قدها 

وعدى شهر ع الاحداث ونورا مجتش جنب امل تماما 

فأمل استغربت 

غريبة نورا محتكتش بيا خالص طول الفترة دي معقولة ربنا هداها وسمعت كلام امها ؟؟ 

لكنها مكانتش تعرف انها بتحضر لها مكيدة.

امل كانت بتذاكر ف الحديقة 

 فجت نورا ومعاها كوباية عصير 

خدي اشربي دي تسنيم عملتهالي بس حاسة اني تعبانة مش قادرة اشرب

امل استغربت لحظة… لكنها فكرت ف ان نورا ممكن بتحاول تصلح الامور ما بينهم فابتسمت واخدتها شربتها 

شكرا ليكي بجد واسفة لو كنت زعلتك مني 

نورا ابتسمت بخبث لانها حاطة ليها مادة مسممة

بعد شوية…

امل كانت بتتمشى، فجأة حست بدوخة.

مسكت راسها:

إيه ده... انا حاسة اني هقع اااااه بطني بطنيي ااااه مش قادرة اتحمل ااااه 

وصرخت صرخة دبت اركان الفيلا والكل جه ع الصوت

فلقوها واقعة ع الارض

لينا 

فيه ايه امل كانت بتصرخ ليه ايه دا يا خبر امل مغمى عليها ليه يا نورا 

نورا 

مش عارفة! كانت كويسة دلوقتي وبتذاكر

كريم 

هاتوا دكتور حالًا 

بعد وقت قصير…

امل بدأت تفوق ببطء…

الدكتور واقف ملامحه متحفظة

الدكتور

في حاجة دخلت جسمها مش طبيعية… واضح إنها اتاخدت عن طريق حاجة شربتها... البنت اتعرضت لحالة تسمم بس الحمد لله اتلحقت ف الوقت المناسب واتعملها غسيل معدة قبل ما المفعول يسري ف الجسم كله 

الكل سكت وبص لبعضه

امل بدأت تفتح عينيها ولقت نفسها ف أوضتها 

كريم 

شربتي إيه عمل فيكي كدا 

امل بصت لنورا بلوم وقالت 

عصير نورا عطته ليا 

نورا بتوتر

وأنا مالي؟! أنا شربت زيها عادي!

لينا بشك ف بنتها 

"

طب فين كبايتك وريهالي 

لحظة سكون…

نورا بدات تهتز 

وقعت مني في المطبخ 

امل 

انتي قولتي ان تسنيم اللي عملتلها ليكي ومش عايزة تشربيها وجبتهالي ودي اول مرة تحصل وانتي اصلا مش بتطيقيني

نورا 

وانا هاجي جنبك ليه انتي عايزة تتبلي عليا انتي نسيتي نفسك ولا ايه 

تسنيم جت وقالت 

لا يا هانم… أنا لقيت كباية واحدة بس ف الحوض وانا معملتش اي عصير لنورا هانم هي كانت ف المطبخ وطلبت مني اخرج معرفش عملت ايه 

كريم بص لنورا

يعني إيه

نورا ضحكت

بجد؟ هتصدقوا إني هأذيها؟ ليه يعني؟ 

امل حبت تضرب ع الحديد وهو سخن فقالت 

علشان أنا مش خدامة… صح مش كدا بتحقدي عليا للسبب دا 

الكل اتجمد.

نورا بلعت ريقها وحاولت تضحك بسخرية

ايه الهبل والكلام الفارغ اللي بتقوليه دا

امل بثبات 

انتي عارفة انا مين… من قبل ما أنا أعرف.. صح 

نورا بارتباك 

البنت دي بتهلوس! عايزة تاخد مكاني وخلاص

أمل قررت تقول الحقيقة 

أنا مش بكدب انا أمل كريم عبد المولى الالفي 

الكل اتسمر مكانه واولهم لينا 

جت تسنيم وهي بتقول 

لقيت الكيس دا ف اوضة نورا هانم 

الدكتور 

دا مادة مسممة على فكرة… والمادة اللي خدتها امل بسيطة… بس الغريب إنها نفس المادة اللي كانت موجودة في درج أوضة الآنسة نورا 

الكل بص لنورا فقالت بارتباك 

صصصدفة

كريم 

كل ده صدفة

امل علشان تحسم الوضع 

أنا مش عايزة آخد مكان حد… أنا بس عايزة أعرف أنا هعيش فين استحالة اقعد ف مكان مع واحدة حاولت تقتلني... استحالة اقعد ف بيت بابايا مشغلني خدامة فيه.

لينا 

بس لحظة 

امل انتي بتقولي بابا؟؟ كريم انت تبقى ابو امل؟؟ انت كنت متجوز طول السنين دي كلها ومن غير ما اعرف وعندك بنت قد نورا ؟؟

نورا 

انتي جاية هنا ليه جاية تحلي مكاني جاية تاخدي كل حاجة ليكي انتي وانا لا 

لينا 

كريم رد عليا امل تبقة بنتك بجد؟! ومشغلها خدامة ف بيت ابوها وكمان من ورايا يا كريم وواضح انه من سنين طويلة اوي ويا ترى مخبي عني ايه تاني 

كريم بص لنورا بغيظ وقال بنرفزة واضحة

منك لله بوظتي كل حاجة امل كانت ساكتة ومتحملة ومتكملتش انتي مش وش نعمة ابدا انتي غبية غبية زي امك 

لينا 

كريم انت بتقول ايه انت بتشتمني كدا قدام البنت 

نورا نسيت نفسها 

امي اللي غبية؟ لما فكرت تخليك غني وتعيش مرتاح وضحكت هي وعاشت ف الفقر بدالك؟؟ 

كريم وكأنه نسي نفسه هو ونورا 

انا محرمتهاش من حاجة هي اللي غبية وطماعة وانتي طالعة زيها بالظبط حقودة وغلاوية وغيورة وعايزا تاخدي ف اللي ف ايد غيرك رغم ان معاكي كتير.. كنت متجوز وعايشين هادين ومحدش هيعرف بحاجة فجأة كدا نبدل البنتين علشان بنتي تعيش مرتاحة لكنها جنت ع نفسها وبنتها لما عرفت طردتها شر طردة خلتها تتجنن وتموت.. وانتي نفسها بالظبط كانت حياتك هادية وعايشة ملكة اول ما شوفتي امل اتجننتي اكتر وحاولتي تطرديها وحصلت تقتليها كمان واهو جلبتي لنفسك يا متخلفة 

لينا 

لحظة انتوا بتقولوا ايه!! 

كريم انتبه لنفسه وبص لنورا 

ايه؟! 

لينا قربت من كريم 

انطق هي مين اللي بدلت البنتين ومين اللي زي امها وقصدك ايه مش فاهمة يعني ايه يعني نورا مش بنتي؟؟ بنتي اتبدلت قصدك امل انا مش فاهمة حاجة فين بنتي يا كريم انت عملت ايه بالظبط وانا نايمة ومعرفش ايه اللي بيحصل من ورا ضهري 

نورا قالت بسرعة وبمسكنة 

ماما انا مليش ذنب اما ضحية انا كمان هما اللي عملوا التبديل انا فتحت عيني لقيتك امي عشرين سنة اتربيت معاكي معرفش ومبحبش غيرك انتي اللي ربتيني معقولة هتتخلى عني يا ماما 

لينا كانت بتنهار ومش فاهمة حاجة فاتصلت بالمحامي وطلبته 

ولما جت طلبت تحليل عينات وراثية دي ان ايه 

وقالت لكريم 

بعد التحليل هتتكلم ف كل حاجة قدام المحامي

كريم 

لينا اسمعيني انا مليش دخل مراتي اللي عملت كدا وانا اتفاجئت باللي حصل بعد سنين اا ايوا وهي بتموت اعترفت بس وقتها انتي اتعودتي ع نورا معرفتش اقولك علشان علشان كدا جبت بعدها امل جنبك سامحيني انا مليش دخل يمكن غلطتي اني معترفتش اول ما عرفت 

امل بسخرية 

كداب ونطقت بلسانك كلام غير دا من شوية تحب اسمعهولك.. انت لسه قايل انها طلبت التبديل يعني كنت عارف بالمؤامرة الحقيرة دس من زمان ومنفذها وشريك معاها مش زي ما بتقول دلوقتي 

كريم بلع ريقه وعرف ان لسانه زل ووداه ف داهية فقال 

امل ااا انا 

امل ببكا 

دلوقتي عرفت ليه ماما مكانتش طليقاني علطول بتزعقني عمري ما حسيت بحبها ليا ولا مرة اخدتني ف حضنها وطبطت عليا ولا مرة اهتمت لأمري ولا مرة حتى ابتسمت ف وشي وانا اللي كنت بحاول ارضيها باي شكل وابرر تصرفاتها معايا دلوقتي فهمت لانها مش امي الحقيقية 

لينا مكانتش مصدقة اللي بتسمعه ولا اللي بنتها عانته بسببهم فقالا ببكا وهي بتحضن امل 

اقسم بالله لو نتيجة التحليل طلعت واكدت اللي بسمعه دا لهندمك يا كريم هتندم ع كل لحظة امل عاشتها امل بنتي بعيد عني 

كريم حس انه كدا خلاص راح ف داهية فاستغل انشغالها بأمل وتهديتها 

وانسحب وطلع ع الاوضة جمع كل ورقه وفتح الخزنة وطلع فلوس كتير منها وهرب من الباب الخلفي واتوجه للمطار 

وساعتين والنتيجة طلعت وامل طلعت بنت لينا 

فأخدتها لينا ف حضنها وبكوا هما الاتنين 

لينا 

حقك عليا يا امل هعوضك هعوضك عن كل الالم اللي عشتيه هعوضك عن كل اللي فات وهنتقم من اللي كان السبب ربنا ينتقم منه 

نورا بدموع تماسبح 

طب وانا يا ماما انتي امي معرفش غيرك 

لينا 

انتي كنتي تعرفي وسكتي علشان تحلي محل امل والدليل انك حاولتي تمشيها من هنا وتقتليها كمان تقتلي بنتي بنت الست اللي كانت بتعاملك كأنك بنتها بالظبط ... هو دا اخرة المعروف... انتي عرق نجس لازم يتقطع من عروقه وانا اللي كنت مستغربة ليه ليه انتي بشعة كدا وتصرفاتك وقحة اتاريكي زي انك الحقيقية دمها بيجري ف عروقك متعرفيش الا الغدر والخيانة ... بس علشان العشرة متهونش مش هعمل فيكي حاجة بس مش عايزة اشوفك تاني روحي اسكني ف البيت اللي كنتوا مسكنين فيه امل لوحدها طول السنين دي اشربي من نفس الكاس 

نورا بصت لأمل ولينا بغل فسحبت كوباية المية وكسرتها وهي بتقول 

لو مشيت مش همشب بإيدي فاضية لازم احسرك ع بنتك ومدت ايديها علشان تعور امل 

لكن الشغالين مسكوها وكتفوها واخدوا منها الكوباية 

هنا لينا خرجت عن هدوءها وطيبيتها وقالت 

بلغوا عنها وعن ابوها البوليس فورا اللي زي دول لازم يترموا ف السجن 

كريم كان وصل المطار وخلص إجراءات السفر ف طيارة خاصة 

لكنه اتفاجىء بالبوليس جاي يقبض عليه 

وتم حبس نورا اللي تبين انها حامل من غير جواز 

وأبوها كريم اللي اخد ١٥ سنة سجن مع الاشغال الشاقة 

ورجعت امل لحضن امها بعد سنين طويلة وتعب ومشقة 

امل بعد ما انها حضنتها 

 متعيطيش يا امي كفاية حضنك الدافي دا نساني سنين تعب وحزن طويلة وكأنها مكانتش ف يوم من الايام الحمد لله ان ربنا ظهر الحق ورجعت لحضنك يا حبيبتي ..يمكن ضاع مننا سنين كتير…

بس الإحساس اللي جوايا دلوقتي… يستاهل العمر كله.... بحبك يا امي

يتبع

إلى حين نشر الفصل الجديد للكاتبة أسماء عبدالهادي، لا تنسى قراءة روايات و قصص كاملة أخرى تضمن حكايات وقصص جديدة ومشوقة حصرية قبل نشرها على أي منصة أخرى يمكنك تفقد المزيد من قصص وروايات و حكايات مدونتنا رواية وحكاية

رواياتنا الحصرية كاملة‏