قراءة قصة هو ولا مش هو القصة الثانية من سكريبتات بقلم أسماء عبد الهادي كاملة

تنشر حصريًا على مدونة رواية وحكاية قبل أي منصة أخرى

قصة هو ولا مش هو 

القصة الثانية من سكريبتات 

بقلم أسماء عبد الهادي 

 رواية جديدة قيد النشر

من قصص و روايات 

الكاتبة أسماء عبد الهادي 

الفصل الأخير

في البيت ووقت الأكل اتفاجىء مروان بجده بيقول 

مروان يا ابني ها تحب نجيب المأذون امتا يا ابني 

مروان 

مأذون ليه خير يا جدي هو فيه حاجة 

الطاف 

 المأذون مش بيجي الا للخير يا ابني ربنا يجعل ايامك الجاية كلها خير ان شاء الله 

مروان 

ايوا مش فاهم عايزين المأذون ليه بردو مين هيتجوز يا تيتا 

الطاف بمكر

ميار بنت عمك أحمد 

مروان 

بجد وليه محدش قالي علشان ابارك لعمي احمد ربنا يبارك لها وينفع بيها زوجة صالحة يارب ها العريس مين علشان اسأل عليه واتأكد بردو انه كويس عمي احمد جمايله مغرقاني 

عرفات 

انت العريس يا مروان ما تركز يا ابني اومال انت دكتور ف الجامعا ازاي 

مروان 

انا العريس ازاي دا بس وانا لسه مشوفتش العروسة ولا قعدت معاها ولا عرفت دماغها ايه

ألطاف 

كل دا ومشوفتهاش قصدك يعني عايز تعمل رؤية شرعية الاول طيب وماله الاصول متزعلش 

مروان

بالظبط كدا مش يمكن منكونش مناسبين لبعض 

ألطاف

 لا اطمن متأكدة انكم مناسبين هقوم اتكلم مع سهام واشوف لو مناسبهم تقعدوا مع بعض الليلة 

وراحت ألطاف لشقة سهام ولما خبطت 

فتحت لها ميار 

ايه دا تيتا لطيفة اتفضلي ادخلي يا حبيبتي 

الطاف ابتسمت 

بتناديني زي ما مروان بيعمل بالظبط هو كمان متعود يقولي تيتا لطيفة الظاهر انكم منسجمين مع بعض ومتأكدة انكم هتكونوا مناسبين جدا 

ميار في نفسها 

انا ارتبط بمروان الفافي بتاع امريكا دا لا مأظنش 

الطاف 

هي ماما فين يا حبيبتي 

ميار

في المطبخ اكيد مكانها المفضل هروح اناديها حالا 

ولما ندت عليها ميار راحت اوضتها وسهام جت لألطاف 

ازيك يا حجة ألطاف والحج عرفات كويس 

ألطاف بخير يا حبيبتي والله الحمد لله اقعدي عايزة اتكلم معاكي ف كلمتين جد .. دلوقتي انا والحج عرفات عايزين نخطب ميار لمروان وعايزينه يجي يقعد معاها الليلة رؤية شرعية ايه رأيك

سهام 

والله تشرفوا وتنورا اكيد .. ان شاء الله يا حبيبتي هبلغ ميار بالخبر دا وربنا يقدم اللي فيه الخير 

وف اوضة ميار بالليل 

سهام 

ها يا ميار ملبستيش ليه

ميار 

بصراحة يا ماما انا مش متحمسة اوي للموضوع دا ممكن نلغيه علشان خاطري مش عايزة اقابله مش دا اللي في طموحي يا ماما 

سهام 

صدقيني يا ميار مروان انسان كويس جدا ولما تقعدي معاه وتتكلموا هتعرفي دا يلا يا ميار قومي البسي هما هيصلوا العشا وجايين علطول يلا علشان خاطري علشان ميزعلوش مننا 

ميار 

حاضر يا ماما علشان خاطرك بس... لكن لو مرتحتش بعد كدا ليا الحق اني ارفض اوك؟؟ 

سهام 

اكيد طبعا يا بنتي يلا البسي ربنا يهديكي 

وبالفعل لبست ميار ومروان صلى مع جده وأحمد أبو ميار وجم على بيت احمد 

قدمت ليهم سهام الحاجة الساقعة وقالت انا هروح انادي ميار 

فعرفات قال 

قوم بينا يا حج أحمد نقعد ف الفراندا ف الهوا ونسيب الأولاد يتكلموا على راحتهم 

ولما جت ميار مع سهام كانت مكسوفة ومتضايقة ف نفس الوقت فقعدت من سكات من غير ما تبص عليه ومروان كان غاضض بصره ومنزل وشه هو كمان 

ألطاف 

بقولك ايه يا سهام تعالي لما نعمل فنجانين قهوة كدا يظبطوا الدماغ 

ومشيوا وسابوهم لوحدهم 

مروان لاحظ ان الكل مشي وسابهم فقرر يحاول يبص على ميار ويتكلم معاها 

فاتنحنح ااا احم اا احنا دلوقتي في رؤية شرعية فإيه رايك نتكلم شوية ؟؟

ميار حست ان الصوت دا مش غريب عليها فرفعت وشها ف نفس الوقت اللي مروان هو كمان رفع وشه ليها 

وحلت الصدمة ع وشهم هما الاتنين

ميار 

ايه دا دكتور مروان هو حضرتك حفيد تيتا لطيفة اللي جاي من امريكا ؟؟ 

مروان بلع ريقه وقال ف نفسه 

 معقولة هي دي ميار طول الوقت.. دي ميار بنت عمي أحمد بنت مش محجبة حتى... بتمشي بشعرها ودا لبسها لا انا مش مصدق نفسي 

حاول يتمالك اعصابك ويداري دهشته واستياءه وقال 

اا ازيك يا انسة ميار

ميار بحرج 

ازي حضرتك يا دكتور ااا انا اسفة مكنتش اعرف انه حضرتك 

مروان 

الظاهر ان احنا الاتنين اتفاجئنا بس مش مشكلة ... بس ممكن اسألك سؤال يا ميار 

ميار 

اتفضل يا دكتور 

مروان 

انسي اني الدكتور بتاعك تماما انا دلوقتي عريس وجاي يتقدملك خلينا نتكلم على الأساس دا... ميار انتي مش المفروض بنت مسلمة 

ميار

ايوا طبعا انا مسلمة الحمد لله ليه السؤال الغريب دا حضرتك عندك شك في دا 

مروان 

يا ميار انا عارف ومعنديش شك في دا بس ليه انتي مش لابسة الحجاب على الأقل 

ميار 

عادي يعني وايه المشكلة ... الحجاب عادي نلبسه او متلبسوش براحتنا وبعدين دي الموضة الأيام دي... كل البنات كدا بيمشوا بشعرهم الحجاب مبقاش موضة خالص ومش استايل 

مروان 

يا خبر يا ميار هو دا تفكيرك عن الحجاب هو دا كل اللي تعرفيه عنه موضة واستايل وحتة قماش بيتحط على الراس وخلاص... انتي تعرفي ان لبسك للحجاب لمجرد الزينة حرام؟؟ 

ميار 

حرام ليه مش فاهمة اللي اعرفه ان الحجاب دا حرية شخصية البسه او ملبسوش عادي يعني مش هتفرق وانا اخترت اني ملبسوش واعمل زي بقيت البناات 

مروان 

مش معنى أن كل الناس بتعمل كدا ان دا الصح يا ميار مش معنى ان الناس ماشية ف طريق ات الطريق دا هو الطريق الحق بالعكس دايما طريق الحق بيكون قلة اللي بيمشوا فيه .. ميار اسمعي الحجاب فرض .. ربنا فرضه علينا زي الصلاة والصوم بالظبط وهيحاسبنا عليه لو ملبسناهوش مش حرية شخصية ابدا ولا شىء اختياري ربنا قال ف كتابه العزيز 

"وقل للمؤمنات يغضضن من أبصارهن ويحفظن فروجهن ولا يبدين زينتهن إلا ما ظهر منها وليضربن بخمرهن على جيوبهن ولا يبدين زينتهن إلا لبعولتهن أو آبائهن أو آباء بعولتهن أو أبنائهن أو أبناء بعولتهن أو إخوانهن أو بني أخواتهن أو نساءهن أو ما ملكت أيمانهن أو التابعين غير أولي الإربة من الرجال أو الطفل الذين لم يظهروا على عورات النساء"

يعني مينفعش البناات تظهر اي جمال فيها يعني تغطي شعرها الا لأبوها وجدها و جوزها وأبو جوزها واخوها وابنها واولاد اخواتها ... مينفعش تمشي في الشارع كدا وجزء من شعرها باين حتى لو ابن عمها فهمتيني يا ميار 

ميار بصتله بدهشة 

انا اول مرة اسمع الكلام دا منك .. يعني انت متأكد ان ربنا أمرنا بالحجاب مش اختيار مننا طيب يعني انا طول الفترة دي مش محجبة كدا ربنا هيعاقبني انا خايفة اوي يا دكتور 

مروان ابتسم وفرح انها خايفة من غضب ربنا 

بصي يا ميار من الواضح من كلامك وخوفك انك مكنتيش تعرفي ان الحجاب فرض... وانك عملتي دا بجهل منك وعدم علم يعني مكنتيش تعرفي وتكبرتي وقولتي لا انا حرة انا اعمل اللي اعمله محدش له دخل في حياتي زي بنات كتير ما بتعمل... وطالما انك مكنتيش تعرفي قبل كدا فربنا مش هيحاسبك على حاجة مكنتيش تعرفيها لكن من اللحظة اللي عرفتي فيها فإنتي مطالبة بلبس الحجاب واوعي تقلعيه تاني ابدا 

ميار 

حاضر والله ان شاء الله هلبسه بس ااا انا تقريبا شكلي مش حلو فيه يعني من غير الحجاب أحسن انا لما بلبس الحجاب وانا بصلي بحس ان شكلي مش حلو 

مروان 

ودا الغرض من الحجاب يا ميار انه يداري الزينة والجمال.. معروف طبعا مليون في المية ان شكلك من غير الحجاب هيكون اجمل بكتير علشان كدا ربنا امرنا بالتستر بالحجاب وامر الرجال بغض البصر حفظ للنفس.. لكن مجرد لبس الحجاب دا ليه نور في القلب بيزيد البنت عفة وطهارة ويحيطها بهالة من نور وبيزود من حسناتها ومنزلتها في الجنة انتي مش بتحبي الجنة يا ميار!! 

ميار 

اكيد طبعا ومين مبيحبش الجنة ونفسه يدخلها يارب ارزقنا الجنة يارب 

مروان 

يارب اللهم امين وعلشان ننال الجنة يا ميار لازم نتعب علشانها نعافر ونقاوم الشيطان ونطيع ربنا نلبس الحجاب ونلتزم بيه ومنقلعوش ابدا الا قدام اللي قلتلك عليهم .. انتي بتصلي يا ميار؟؟ 

ميار 

حاضر ان شاء الله... ايوا طبعا انا بصلي الحمد لله كل الصلوات وف وقتها كمان بس بصراحة ما عدا الفجر اليوم الوحيد اللي صليته النهاردة لما انت خبطت علينا الباب الفجر وبسببه انا منمتش بعدها وكنت هموت وانام علشان كدا نمت ف المحاضرة 

مروان 

اكيد انتي بتنامي متأخر مش كدا لو كنتي بتنامي بدري يعني صليتي العشا وخلصتي اللي وراكي ونمتي ع الساعا ١٠ ١١ بالكتير كنتي هتقدري تقومي تصلي الفجر بسهولة وممكن متناميش بعدها كمان لان وقت الفجر دا أعظم وقت وصدقيني لما تتعودي تنامي بدري وتصحي بدري كدا اصح لجسمك ولصحتك.. اوعي تفوتي صلاة الفجر يا ميار ... رسولنا الكريم قال فيما معناه ان اللي بيصلي الفجر فهو في ذمة الله 

ميار كانت بتسمع لكلامه بانبهار لانها لاول مرة تسمع كلام زي دا فقالت 

يعني ايه في ذمة الله 

مروان كان مبسوط جدا انها بتسمع كلامه ومتقبلاه وانها عندها استعداد تعمل كل حاجة ترضي ربنا ودا شجعه انه يكلمها اكتر واكتر عن دينها اللي واضح انها متعرفش عنه غير القليل اوي 

في ذمة الله يا ميار يعني في حفظه ورعايته وعهده وأمانه وحفظه شوفتي ربنا بيحبنا ازاي وعايز يحفظنا ويحمينا ربنا كريم اوي يا ميار انتي بس ابدئي الجأي ليه وهتشوفي الخير كله بإذن الله 

ميار كانت مبسوطة باللي بتسمعه وبكلامها مع مروان 

شكرا لحضرتك يا دكتور على المعلومات القيمه دي والله مش عارفة اقول لحضرتك ايه

مروان 

انا تحت امرك في اي حاجة تحبي تعرفيها واكيد مش هبخل عليكي بأي معلومة او اطلب منك مقابل يعني ههه 

ميار ضحكت وبعدها افتكرت انها قاعدة من غير حجاب فاتحجرت وقالت 

ااا يا خبر اا عن اذنك يا دكتور 

اما برا ألطاف قالت بفرحة 

الولاد طولوا اوي في الكلام انا متفائلة خير اوي يا سهام انا كنت مفكرة مروان حفيدي هيتكسف ولا يعرفش يقول كلمتين على بعض بس الظاهر طلع جدع وعرف يتكلم ويتعرفوا علر بعض ربنا يقدم اللي فيه الخير يارب.

سهام 

يارب يا حجة ألطاف ربنا يسمع منك يارب مروان الشاب اللي اتمناه لبنتي 

ولما خرجلهم مروان ورجعوا ع شقتهم مروان كان ساكت ومتكلمش ابدا لحد ما جده استغربه وقال

ايه يا مروان ساكت ليه يا ابني مش هتقول رايك ف العروسة ولا انت حكيت معاها بما فيه الكفاية فتعبت من الكلام انا سامعكم طول الوقت بتتكلموا 

مروان بعتاب 

بقا ميار بنت عمي احمد مش محجبة يا جدي ومحدش يقولي ازاي عايزني اتجوز بنت مش محجبة حتى مش بقول ملتزمة زي ما كنت عايز 

ألطاف 

هو دا اللي مضايقك يا مروان .. اسمع يا مروان ميار بنت كويسة وبتسمع الكلام وانا لما شوفتها قولت هسيبها لمروان هو ليه طريقته اللينه واسلوبه السلس هو اللي هيقدر يشرح لها ويعرفها امور دينها كويس ويفهمها الصح من الغلط واكيد انت عملت دا صح ولا انا غلطانة 

مروان 

ايوا يا جدتي والبنت كانت متفهمة جدا ومن الواضح انها صفحة بيضا متعرفش اي حاجة ويارب تستجيب بس 

ألطاف 

البنت صفحة بيضا زي ما بتقول تشكلها على مزاجك يا مروان 

مروان 

بس انا كان نفسي في بنت ملتزمة تعيني على الطاعة ميار لسه ف البدايات هتاخد وقت جامد 

عرفات

وانت وراك ايه اللي اعرفه عنك ان بالك طويل جدا وحتى تنوب فيها ثواب وانت بتعلمها كل حاجة من البداية 

تاني يوم الصبح نزل مروان كالعادة لشغله فقابل ميار اللي لبست الحجاب لأول مرة 

اول ما شافته قالت بحرج 

اا ازيك يا دكتور ها ايه رايك في الحجاب اا انا اول ما حضرتك قولتلي روحت جبت كل حجابات ماما ولبستها وحاولت اتعلم لفة الطرحة لكن ولا واحدة عجبني فلبست اي حاجة متاحة وخلاص وقررت ان شاء الله اروح بعد الجامعة اشتري حجاب ع زوقي 

مروان بص للطرحة اللي ف نص شعرها وشعرها كله باين ورقبتها كمان وقال باستتياء 

وهو دا اسمه حجاب يا ميار الحجاب انك تبيني شعرك ورقبتك؟؟ الحجاب لازم يكون ساتر لكامل شعرك ولا حتى شعرة واحدة منه تبان وكمان الرقبة مينفعش تبان ابدا 

ميار 

بس انا بشوف البناات بتعمله كدا معقولة كدا غلط يعني كل البنات دلوقتي ماشية غلط ومش لابسة الحجاب صح 

مروان 

ايوا للاسف يا ميار البناات بتتبع موضة الغرب اللي أبعد ما يكون عن دينا وعايزينا احنا كمان نبعد عن ربنا لحد ما يتبقاش من الإسلام حاجة الا اسمه 

ميار حطت ايدها ع بوؤها وقالت 

يا خبر لا طبعا انا مش عايزة كدا الغرب دول ملهمش دعوة بينا وميعرفوش دينا اصلا ازاي نقلدهم حاضر انا مش هيبين شعري ابدا ولا رقبتي 

ابتسم مروان وقال سيبي موضوع الحجاب واللبس دا عليا انا هتصرف 

ميار 

لحظة هو اللبس كمان فيه مشكلة يا دكتور يعني انا مش لابسة حاجة مبينة جسمي لابسة بنطلون وشميز طويل الى حد ما اظن دا كويس جدا 

مروان 

لا طبعا مش كويس... لازم لما نلبس نلبس لبس ساتر لكل الجسم مش محدد تفاصيل ولا لازق زي البنطلون دا ولا يشف ولا بيوصف الجسم لازم اللي يشوفك ميعرفش يحدد معالم جسمك ودا بيخليكي اكتر عفة وبيصونك من العيون الوحشة وبيحفظ جمالك للي يستحقه.. ميار البنت زي قطعة الشوكلاتة الجميلة المتغلفة تغليف جميل يحفظها من التلوث ومن الحشرات فهمتي قصدي 

ميار

 فهمت يا دكتور شكرا لحضرتك انا كل يوم بتعلم منك حاجة جديدة انا مننونة لحضرتك اوي 

مروان ابتسم وقال 

طب حضري نفسك بالليل فيه مفاجأة كبيرة اوي ليكي 

ميار 

ايه هي المفاجئة دي قولها بالله عليك 

مروان 

طبعا مينفعش اقولها اومال هي اسمها مفاجىة ليه في الواقع هتكون مفاجئتين يا ميار بإذن الله هكون عندكم بعد صلاة العشا صلي وانتظريني

بعد الجامعة قرر مروان يروح لمحل نسائي قسم محجبات علشان يشتري حجاب لميار ولبس زي ما هو عايز وعلى الطريقة الشرعية اللي ربنا امرنا بيه 

فضل يبص ع الهدوم وهو واقف محتار 

ياربي اجيب ايه ولا اعمل ايه انا ليه لخمة كدا انا كنت مفكر ان الموضوع سهل هروح اشد اي خمار واي عباية بس مكنتش اعرف ان الموضوع متعب كدا 

البنت اللي ف المحل 

اا تحت اساعد حضرتك قولي حضرتك محتاج ايه وانا اجيبه ليك 

مروان

اه ياريت من فضلك ساعديني انا كنت محتاج خمار كويس ع الطريقة الحديثة وف نفس الوقت يكون محتشم وساتر 

البنت 

تمام طلب حضرتك موجود حضرتك تقدر تشوف الخمار الماليزي دا البناات بتلبسه دلوقتي جميل وساتر وفيه منه ألوان كتير حضرتك تحب لون اي 

مروان 

هاتي كل الألوان اللي مش فاقعة ولا ملفتة زي الزيتي الكافيه الكحلي ومتنسيش الاسود والبنفسجي 

البنت حاضر يا فندم وتحبر حضرتك تاخد عبايات ايه هي سنها قد ايه بنوتة صغيرة ولا ام حضرتك ولا بنت ف الجامعا 

مروان

لا بنت ف الجامعة وفيه حاجة كنت اسمع عنها اسمها الادناء دا موجود 

البنت 

اه طبعا يا فندم الادناء موجود بكل استايلاته الجديدة المحتشمة تحب حضرتك تختار اي من التشكيلات دول 

فضل مروان يختار لحد ما اختار حاجات حسها مناسبة لسن ميار وف نفس الوقت محتشمة 

البنت 

تمام يا فندم ممكن تقولي المقاس ايه علشان اجيبه لحضرتك 

مروان 

طيب دي بقا المشكلة وانا هعرف المقاس ازاي هو انا اصلا بصيت عليها الا تخاطيف كدا انا تقريبا ممكن اكون نسيت شكلها يا بنتي

البنت ضحكت 

اا واضح ان دا مشروع خطوبة جديد ربنا يسعدكم يارب ااا طيب يعني هي اكيد بين البنين يعني لا رفيعة اوي ولا تخينة اوي مش كدا 

مروان.

والله مش متأكد اوي بس تقريبا اه هي كدا ااه احم ايوا تقريبا 

البنت 

تمام المقاس دا هيناسبها بإذن الله لا هيكون كبير اوي عليها ولا ضيق مجسم اتفضل حضرتك وتقدر تاخدهم وتروح للكاشير تحاسب هناك 

مروان تمام جزاكي الله خيرا 

وراح حاسب ع الحاجات وهو مبسوط وحاسس ان قلبه مرتاح 

انا صليت استخارة واستخرت ربنا اذا كنت اكمل ف مشروع الخطوبة دي ولا لا والحمد لله حاسس براحة نفسية رهيبة في اني اكمل مع ميار ربنا يقدم اللي فيه الخير ويجعلها زوجة صالحة يارب وعلشان كدا قررت ان أكتب كتابي علطول علشان اقدر اتكلم معاها براحتي 

وبالليل اتفاجئت ميار بمروان وجاي معاه المأذون فقالت 

ااا ايه دا المأذون ليه دلوقتي هو احنا لسه اتخطبنا ولا اتعرفنا على بعض ولا حتى اتعودنا ع بعض لسه فيه حاجات كتير عايزة اعملها وكنت بخطط ليها لما اتخطب اني اخرج مع خطيبي ونتكلم في الفون طول الوقت ونتفسح ونقضي وقتنا كله سوا 

مروان ابتسم 

لا طبعا كل اللي قولتيه دا مينفعش شرعا 

ميار

نعم ازاي يعني مينفعش اومال ايه اللي ينفع وكمان لو مينفعش يبقة انا بتخطب ليه مش فاهمة 

ابتسم مروان 

اقعدي وانا هقولك ع كل حاجة 

بصي يا ستي الخطوبة دي مجرد وعد بالجواز وبس يعني حتى لو اتخطبت انا لسه اجنبي غريب عنك مينفعش نتكلم ف الفون انتي ينفع تكلمي راجل غريب ف التلفون؟؟ ولا ينفع نخرج سوا لوحدنا ولا نضحك ولا نهزر ولا حتى امسك ايدك كل دا حرام 

ميار 

يا خبر انا بشوف بنات اصحابي كتير لما بيتخطبوا بينزلوا صور ليهم وهما ماسكين بعض وحاضنين بعض وبيتكلموا ف الفون ف الساعات 

مروان 

كل دا غلط يا ميار لما يعملوا كل دا ف الخطوبة سابوا ايه لفترة الجواز بعدين قوليلي مش حالات كتير منهم مش بتكمل وبتفشكل اكيد اه.. يعني ينفع اسمح لراجل غريب انه يلمسني وبعد بما ميحصلش نصيب كل واحد يروح في حاله!! لا طبعا لازم كل دا يكون بالحلال علشان كدا قررت نكتب كتابنا علشان اكون حلالك وتكوني حلالي ونعيش اللحظات اللي بتقولي عليها دي كلها مع بعض بس بالحلال 

ميار فرحت 

بجد يعني لما نكتب كتابنا هنخرج سوا ونتكلم ف الفون ونتعرف ع بعض ونعمل كل الحاجات دي زي المخطوبين بالظبط 

مروان

بالظبط كدا ي ميار انتي كدا بدأتي تفهمي للاسف الناس مفكرة ان الخطوبة يعني يجوز فيها كل دا بس دا غلط وميرضيش ربنا 

ميار

لالا يبقى نكتب الكتاب علشان نقدر نتعرف ع بعض أكتر

مروان 

ودا اللي فكرت فيه المأذون مستني برا وقرب يخلل ها اطلع ليه ونبدأ كتب الكتاب ولا عروستنا عندها اي اعتراض 

هزت ميار راسها بالنفي 

لا مفيش عندي اعتراض بس ممكن اجي اتفرج عليكم 

ابتسم مروان لروحها الطفولية وقال 

طفلتي الصغيرة تقدر تقف ورا الستارة وتبص علينا وبس كدا اوعي تخرجي فيه هيكون برا رجالة كتير وانا مش حابب ألماستي الصغيرة حد يشوفها غيري 

ميار وشها جاب الوان واتكسفت وكانت مبسوطة اوي 

وبعد كتب الكتاب 

الكل بدا يهنيهم

بارك الله لكما وبارك عليكما وجمع بينكما في خير 

وبعدها رجع مروان لميار وهو بيقول بسعادة 

الف مبروك يا زوجتي المصونة.. اتفضلي دي هدية ليكي اتمنى تعجبك وكل يوم هتلاقي هدايا هتعجبك اكتر واكتر.. كل لما تقومي بفرض امره ربنا هتلاقي هدية مني ايه رايك 

ميار بسرعا 

طيب انا صليت العشا النهاردة في وقتها فيه هدية ليا بقا 

مروان طلع من جيبه علبة قطيفة وقال وهو بيفتحها 

احلى هدية لأحلى ميار في الكون كله 

ميار فرحت 

الله الخاتم دا جميل اوي ورقيق زوقك حلو اوي اوي يا مروان بجد شكرا جدا 

مروان 

الشكر لله يا حبيبتي بس ممكن نستبدل كلمة شكرا بكلمة جزاك الله خيرا علشان تاخدي عليها ثواب اكتر خليكي ذكية واطمعي ف الحسنات اكتر واكتر 

ميار 

حاضر جزاك الله خيرا يا مروان دا جميل اوي ممكن البسه دلوقتي ولا ايه 

مروان 

لا طبعا مش ممكن تلبسيه دا ايه 

ميار

ايه اومال انت جايبه ليه زينه علشان اتفرج عليه وبس كدا 

مروان ضحك واخده منها وقال 

علشان انا اللي البسه ليكي بنفسي انا انتظرت لحد ما كتبنا الكتاب وبعدين جبته علشان اقدر امسك ايدك والبسه ليكي بنفسي انتي عايزاني اضيع الفرصة دي من ايدي ايدك يا قمر يلا 

ميار بصتله بكسوف وفرحة ف نفس الوقت وحمدت ربنا انه انعم عليها بزوج طيب وحنين ويعرف ربنا ويتقيه فيها 

تمت

إلى حين نشر القصة الجديدة للكاتبة  أسماء عبد الهادي، لا تنسى قراءة روايات و قصص كاملة أخرى تضمن حكايات وقصص جديدة ومشوقة حصرية قبل نشرها على أي منصة أخرى يمكنك تفقد المزيد من قصص وروايات و حكايات مدونتنا رواية وحكاية

رواياتنا الحصرية كاملة‏