قراءة قصة هو ولا مش هو القصة الثانية من سكريبتات بقلم أسماء عبد الهادي كاملة
تنشر حصريًا على مدونة رواية وحكاية قبل أي منصة أخرى
قصة هو ولا مش هو
القصة الثانية من سكريبتات
بقلم أسماء عبد الهادي
رواية جديدة قيد النشر
من قصص و روايات
الكاتبة أسماء عبد الهادي
الفصل الأول
تم النشر الخميس
8/1/2026
سهام نادت ع بنتها ميار من المطبخ
ميااار .. يا ميار .. ميااار ..البنت دي مبتردش ليه اكيد كالعادة سرحت مع الروايات اللي اكلت عقلها كالعادة اعمل ايه بس يا ربي ربنا يهديها .. يا ميار
جت ميار من اوضتها
نعم يا ماما انتي بتنادي عليا معلش اصلي كنت بقرأ رواية ومندمجة فيها شوية وسرحت انتي بتنادي عليا من زمان
سهام
انا اتوقعت كدا بردو المهم سيبي اللي في ايدك وافضيلي خالص يا ميار وتعالي ساعديني ف المطبخ شايفة الحوسة اللي انا فيها دي
ميار
ايه دا كله يا ماما انتي عاملة وليمة ولا ايه الظاهر كدا انتي عازمة ضيوف النهاردة
سهام
بالظبط كدا فيه ضيوف جايلنا ع المغرب كدا ان شاء الله علشان كدا ايدك معايا علشان نخلص كل حاجة في الوقت المناسب
ميار
حاضر يا ماما بس قوليلي مين الضيوف دول ناس قرايبنا!!
سهام
ايوا يعني مش قرايبنا اوي عارفة الشقة اللي قصادنا اللي كان فيه ناس مأجرينها ومشيوا
ميار
ايوا طنط مرفت وجوزها الحج سمير وسافروا لابنهم ف السعودية والله هيوحشوني اوي
سهام
فعلا الله يسعدهم يارب.. المهم دلوقتي الشقة بقت فاضية وابن صاحب باباكي راجع من السفر فبابا اقترح عليه يجي يقعد ف الشقة
ميار
اها طيب اكيد الشقة مش نضيفة وعايزة تتنضف يا ماما
سهام
ودي فاتتني بردو انا كلمت حد ونضفوها امبارح وبقت زي الفل
ميار
امتا دا ومن غير ما انا اعرف
سهام
وانتي في الجامعة جم الصبح بدري ومشيوا قبل ما تيجي
ميار
اه انا فعلا بأجي متأخر يوم الاربع المهم ابن صاحب بابا دا كان مسافر فين
سهام
كان ف أميركا بيدرس هناك
ميار في نفسها
اه أميريكا يعني هيكون واحد فافي ومتدلع اشباه رجال هناك
وبعد شغل طويل ف المطبخ اخيرا خلصوا
ميار قعدت ع الكرسي بتعب
ياااه يا ماما اخيرت خلصنا انا تعبت اوي دا انا يوم المحاضرات مش بتعب كدا بقا كدا يا ماما يوم راحتي تتعبيني كدا وكل الأكل دا علشان فرد واحد بس اومال لو اهله جايين معاه
سهام
ما هو جدو مخلصوش ابن بنته يجي ويقعد لوحده فهيجي ويقعد معاه هو وجدته بس ممكن ميعرفوش يجوا الا بكرة الصبح او بالليل مش متأكدة علشان كدا عملت حسابي وكترت الأكل وخلاص
ميار
اه يعني الشاب وجدته وجدته هيجوا يسكنوا جنبنا
سهام ايوا بالظبط كدا وخدي يلا اكياس الزبالة دي حطيها قدام الباب لحد العامل ما يجي ياخدهم بكرة الصبح
ميار
حاضر يا ماما
وعلشان ميار بنت مش محجبة خرجت عادي ببجامة البيت وبشعرها برا الشقة
فقابلها شاب وهي في طريقها لصندوق الزبالة لكنه اول ما شافها بشعرها غض بصره ونزل وشه ف الارض
ااا لو سمحتي اا انا اسف بس ممكن اسألك عن بيت استاذ احمد عبد الحميد
ميار بصت على اللي بيسألها فلقته شاب صغير في السن وليه لحية صغيرة فقالت ف نفسها
دا بلحية ولبسه كويس مش زي شباب اليومين دول يعني استحالة يكون دا الضيف اللي ماما وبابا ف انتظاره وجاي من امريكا
مروان كرر كلامه تاني
يا انسة انتي سامعاني انا اسف لو كنت بكلمك بس انا فعلا مش عارف انا ف الدور الصح ولا ايه طيب خلاص انا هطلع اسأل فوق
انتبهت ليه ميار
ها لالا هو ف الدور دا .. الشقة اللي ع ايدك الشمال دي خبطت الباب وهما هيفتحوا ليك
مروان
جزاك الله خيرا
وسابته ميار وراحت لصندوق الزبالة وحطت الأكياس ورجعت راحت لأمها المطبخ ملقتهاش فقالت
اروح انا اخد شاور وارتاح لاني تعبت طول اليوم بس كنت عايزة اشوف الضيف الفافي دا قبل ما انام هو هيتأخر ولا ايه
اما عند مروان رحبت بيه سهام اول ما فتحت الباب عرفته علطول من مواصفات جوزها واخدته ع شقته وفتحتها بالمفتاح اللي معاها
وهناك
اهلا وسهلا يا مروان يا ابني نورت مصر كلها والله.. معلش الحج احمد اتأخر النهاردة في الشغل بس زمانه راجع وصاني اقوم بالواجب معاك على ما يجي
مروان
كتر خيرك يا خالتي والله انا ممنون لحضرتك جدا .. واجب حضرتك وصل اكيد
سهام
الله يصلح حالك يا ابني.. ادخل انت ارتاح وغير هدومك لحد ما الحج احمد يرجع واجيبلكم الأكل تتعشوا سوا زمانك على لحم بطنك من الصبح
مروان
مش عايز اتعبك والله
سهام
تعبك راحة يا ابني انت زي اولادي اعتبر نفسك في بيتك اي حاجة تطلبها تيجي تخبط ع الباب علطول والعنوان ميتوهش احنا الباب في الباب علطول
مروان
حاضر ان شاء الله جزاك الله خيرا يا خالتي
ولما احمد جه راح سلم على مروان
حمدا لله على السلامة يا مروان يا ابني ليك وحشة والله كل دي غيبة انت العيشة ف امريكا عجبتك ولا ايه
مروان
الله يسلمك يا عمي...والله الوضع مش كدا خالص بس هي الظروف اللي اجبرتني اني اكمل هناك والحمد لله يفعل الله ما يشاء
احمد
ايوا يا ابني لعله خير حمدا لله على السلامة .. انت اكيد زمانك جعت مش كدا
مروان
مش هخبي عليك يا عمي انا محطتش حاجة في بوءي من الصبح ياريتني نويت الصيام بس مش هينفع علشان السفر
هنا جت سهام
يا حبيبي اتأخرت عليكم حقك عليا
مروان
لا والله مش قصدي خالص
ابتسمت سهام لأدب واخلاق مروان الواضحة
ولا يهمك يا ابني تعالى اتفضل انا رصيت الأكل ع السفرة تعالوا يلا اتفضلوا
مروان
خالتي قولي ان الريحة الجميلة اللي قابلة العمارة دي جاية من الأكل بتاع حضرتك ... اه هو يا فرج الله دا انا من كتر ما الريحة جميلة كنت هدور ع أصحاب البيت واستأذنهم اكل عندهم
سهام ضحكت
ههه دمك خفيف يا مروان الأكل والريحة الجميلة دي كلها معمولة علشان خاطرك يلا بالهنا والشفا
مروان قعد بسرعا وبدأ ياكل
بسم الله ... الأكل تحفة اوي والله العظيم انا مأكلتش اكل حلو كدا من وانا صغير ياااه حضرتك رجعتيني بالزمن لأيام جميلة اوي
سهام
ان شاء الله من هنا ورايح اكلك كله هيكون من دا بالهنا والشفا ع قلبكم .. ابو ميار انا ف الشقة لو احتاجتم لحاجة ناديني علطول
مروان
متحرمش منك يا طنط
خرجت ميار من الحمام بعد ما اخدت شاور وغيرت هدومها ولما راحت المطبخ لقت انها بترص السفرة وبتقول
يلا يا ميار علشان ناكل احنا كمان
ميار
احنا كمان؟؟ معنى كدا ان ابن صاحب بابا جه
سهام
اه جه وبيغدوا في الشقة التانية يا حبيبتي اقعدي يلا انتي تعبتي معايا طول اليوم
ميار
يا خسارة اكيد جه وانا باخد شاور كنت عايزة اشوفه يا ماما
سهام
بكرة تشوفيه هو هيروح فين ما هو هيسكن هنا يعني هتشوفيه علطول
ميار
ع رايك يا امي.. بسم الله .. الله الأكل بجد يجنن انتي نفسك فى الأكل حلو اوي يا ماما والنهاردة بالذات حلاوته بزيادة حبتين
سهام
كلي يا حبيبتي بالهنا والشفا
...
وتاني يوم الصبح صحيت ميار ولبست واستعدت علشان تنزل ع الجامعة
ماما ... ماما يا مامتي انتي فين ... هي ماما راحت فين ..معقول تكون عند الضيف الجديد!! اهله جم وراحت تستقبلهم؟؟
هنا جت سهام
ايوا يا ميار كنتي بتدوري عليا ؟
ميار
كنتي فين يا ماما
سهام
كنت عند مروان كنت بودي ليه الفطار
ميار
وكمان اسمه مروان بجد لايق عليه هشوفه امتا الواد دا بقا .. طيب يا ماما انا كنت بنادي عليكي علشان اقولك اني ماشية
سهام
طب مش هتفطري يا ميرو
ميار
لالا هبقا أفطر في الجامعا مع البنات
سهام
طيب معاكي فلوس ولا اجيبلك
ميار
لسه بابا عاطيني امبارح تسلميلي يا ماما يلا مع السلامة
سهام
مع السلامة يا حبيبة قلبي
وخرجت ميار من الشقة ولسه بتتجه ناحية السلم
شافت نفس الشاب اللي سألها امبارح وطبعا كل دا متعرفش انه مروان لان توقعها عنه مختلف تاني
مروان كان نازل السلم واول ما شافها وسعلها الطريق ونزل وشه في الارض
ميار في نفسها
غريبة ماله دا كل ما يشوفني يحط وشه ف الارض هو بيتكسف من البنات ولا ايه
ونزلت ولما جت تركب الباص لقته بيركب بردو
الباص كان زحمة اوي وكان فيه شباب كتير لدرجة ان الشاب كان هيقرب من ميار بدون قصد
لكن مروان زقه ناحيته وقال
خد بالك يا اخ فيه بنات قاعدة ميصحش تيجي عندهم
الشاب
لامؤاخدة مأخدتش بالي والله انا اسف
ميار ابتسمت لموقف مروان وعجبها اللي عملته
ولما نزلت على الجامعة لقته نازل وراها
فقالت ايه دا هو ماشي ورايا ولا ايه معقول رايح الجامعا هو كمان بس شكله كبير على شاب ف الجامعا ربنا يستر انت بدأت تخوفني ليه انا كنت لسه معجبة بالموقف اللي عملته في الباص
وكملت ف طريقها عادي وقابلت صاحباتها ولما بصت عليه لقته مكمل في طريقها ومهتمش بيها ولا بص عليها
فاتنهدت براحة
الحمد لله انا شكلي ظلمته طلع رايح في حاله مش ماشي ورايا ولا حاجة
وعدى اليوم بالكامل
ولما رجعت البيت قالت بتعب
ياااه كان يوم طويل بجد هو فيه كدا امتا الدراسة دي تخلص وانام براحتي بقا
سهام سمعتها وضحكت
ياااه تعالى يا احمد اسمع بنتك اللي مزهقانا جامعتي وحياتي وكريري ومستقبلي عايزة الدراسة تخلص وتنام براحتها
ميار ضحكت
هو فيه ف الدنيا دي راحة يا ماما دي احلام وردية بس من التعب المهم طابخالنا ايه انا هموت من الجوع
سهام
حاضر هحطلك الأكل حالا
لكن جرس الباب رن فراحت سهام تفتح
وسمعتها ميار وهي بترحب بحد
سهام
ايه النور دا نورتونا وانستونا والله يا حج عرفات وانتي يا حجة ألطاف منورنا والله
الطاف
النور نورك يا سهام يا بنتي حقك عليا يا بنتي اتأخرنا على مروان وتعبناكي معانا مروان حكالنا ع كل اللي عملتوه معاه كتر خيركم يا حبيبتي ونعم الجيرة والله
سهام
يا خبر يا حجة ألطاف مروان دا زي ابننا بالظبط يعني عنينا ليه
الطاف
دا العشم والله يا حبيبتي
هزا جت ميار
مين يا ماما اللي ع الباب
الطاف
ودي مين الكتكوتة الأمورة دي يا سهام
سهام
دي ميار بنتي الوحيدة يا حجة ألطاف سلمي يا ميار ع الحجة ألطاف جدة مروان ابن صاحب بابا
ميار
اها اهلا وسهلا بحضرتك يا طنط نورتي البيت والله
الطاف سلمت عليها وباستها بفرحة
بسم الله ما شاء الله اللهم صلي على النبي عروسة حلوة وطعمة يا ناس والله
ميار
شكرا لحضرتك يا طنط.. تعالي اتفضلي ادخلي واقفة ع الباب ليه بس
الطاف
كلك زوق يا جميلة انتي .. بس الجايات كتير اكيد هاجي وهنقعد نتكلم مع بعض براحتنا متقلقيش انا جيت اسلم عليكم اول ما رجعت مقدرتش استنى بصراحة
سهام
الله يسلمك يا حبيبتي اتفضلي ارتاحي في شقتكم وانا عشر دقائق وهكون مجهزة ليكم الأكل
ألطاف
لالا متتعبيش نفسك مروان بيقول هيطلب أكل من المطعم
سهام
لا والله ما تيجي ابدا الأكل محدش هيعمله غيري
ألطاف
والله ما عارف اقولك ايه يا اصيلة يا بنت الأصول
ميار وبالرغم من أنها جاية جعانة الا انها ساعدت امها في تسخين وقلي الأكل
ولما خلصت شالت معاها الأطباق ع الشقة التانية وهي كلها شوق تشوف اللي اسمه مروان دا
مروان كان قاعد مع أحمد وجده الحج عرفات وجدته لكن جاله اتصال فقال يرد عليه في اوضته
في الوقت دا جت سهام وميار وبدوا يرصوا الأكل على السفرة
احمد
عاش عاش ماشاء الله ايه الحاجات الجميلة يا ميار انتي ومامتك
ميار
حبيبي يا بابا
الحج عرفات
منتحرمش منكم ابدا يا مدام سهام ربنا يجعله عامر دايما.. بس ايه الجمال دا يا حج احمد مش تقول انك عندك عروسة زي القمر كدا يعني مش هحتاج ندور بعيد علشان نلاقي عروسة لمروان
ميار اتحرجت من كلام عرفات فاستأذنت ومشيت بسرعا على شقتهم
ألطاف
بقا كدا يا حج عرفات تحرج البنت اهي مشيت بسرعة
عرفات
والله مش قصدي يا حجة انا كنت بعبر عن اعجابي ببنت الحج أحمد بسم الله ما شاء الله زينة البنات
هنا جه مروان وقال
هيا مين دي اللي زينة البنات
ألطاف
بنت الحج احمد ايه رأيك نخطبهالك يا مروان واهو الحج أحمد لسه قاعد
مروان
هو عمي احمد عنده بنات والله ما شوفتها خالص وحضرتك يا عمي مجبتش سيرة خالص
الطاف
ازاي متعرفش دي كانت هنا من شوية بتترص الأكل مع امها بس رجعت ع شقتهم بنت زي القمر اول ما تشوفها هتحبها علطول
مروان سرح شويه وقال ف نفسه
معقولة عندهم بنت ومتظهرش ولا مرة الظاهر كدا من النظام اللي انا بدور عليه شكلها بنت ملتزمة انا متفائل خير ان شاء الله
الحج احمد قام وقف وقال
طيب نستأذن احنا علشان نسيبكم تقعدوا براحتكم
الحج عرفات
لا بالله اقعد اتغدى معانا يا حج احمد بقا ينفع تعملوا الأكل ولا ناكلش كلنا سوا
احمد
والله سبقتكم من شوية لو اعرف انكم جايين دلوقتي كنت استنيتكم بالهنا والشفا عن اذنكم
ورجع البيت هو وسهام فلقوا ميار قاعدة بتاكلي
سهام
ابسطي يا ستي جالك عريس
ميار
ايه يا ماما هو انا كنت قاعدة جنب الباب ومنتظرة اول عريس يخبط ع بابي
سهام
يا بت يا بكاشة مش قصدي .. قصدي ان من اول ما الحجة الطاف والحج عرفات شافوكي وعنيهم هتطلع عليكي وعايزين يجوزوكي لمروان ابنهم ايه رايك انا متفائلة خير بالجوازة دي
ميار
جوازة ايه يا ماما والله مروان اللي بتتكلموا عنه دا انا مشوفتوش خالص
سهام
ايه الحكاية دي وهو كمان بيقول مشافكيش معقول الباب ف الباب ولا مرة صادف وشوفتوا بعض وانتي نازلة الجامعة
ميار
ابدا ولا مرة شوفته المهم سيبك ورق العنب دا حلو اوي يا ماما تسلم ايدك بجد
...
بالليل ميار كانت نايمة فسمعت صوت حد بيخبط ع الباب فقامت مفزوعة ع برا لقت امها
ماما هو فيه ايه ومين اللي بيخبط ف الوقت دا
سهام
دا مروان يا بنتي وبيصحينا لصلاة الفجر وبيستنى ابوكي كل يوم بيروحوا الجامع سوا ويقعدوا هناك لحد الشروق
ميار
مروان!! بيصلي الفجر!! غريبة اوي
سهام
ايه الغريب ف كدا يلا يا ميرو روحتي انتي كمان طالما صحيتي صلي الفجر
ميار
يووه انا طالما صحيت مش هعرف انام تاني.. حرام عليك يا اللي اسمك مروان انت صحيتني من احلى نومة
ولما جه وقت الجامعة كانت ميار حاسة بالنعاس وكل شوية تتاوب
منك لله يا مروان كله بسببك هروح الجامعة نايمة على نفسي
ولما نزلت كالعادة شافت الشاب الملتحي معاها في الباص وعينه عمرها ما اترفعت على بنت
ولما نزلت الجامعة كالعادة بيختفي وسط الطلبة والزحمة
ميار وصلت المدرج وكانت بتتكلم مع البناات
امل
بنات سمعتوا ان فيه دكتور جديد جايلنا بدل دكتور مدحت لانه هيعمل عملية
ميار
يا خسارة دكتور مدحت من اكفأ الدكاترة هنا ربنا يشفيه يارب
امل
متنسيش بردو ان دكتور مدحت كبر ف السن يمكن ان الاوان انه يرتاح
ميار
معاكي حق بس احنا كدا هنخسر دكتور كبير وشاطر زيه يارب الجديد دا يكون كويس
امل
بيقولو لسه شاب صغير
ميار
انا مش بخاف غير من الصغيرين دول
امل
ليه علشان البناات بتكراش عليهم
ميار
لا طبعا علشان بيكونوا شايفين نفسهم علينا وبيطلعوا عقدهم وهما اطفال ع الطلبة
امل
يااه الظاهر انك لسه شايلة من دكتور وائل
ميار
اعوذ بالله متفكرنيش بيه بالله عليكي يا أمل دا كان بني آدم كنت بحسبن عليه طول الوقت كرهني ف المادة مكنتش بفهم منه حاجة بجد .. بقولك ايه انا هرتاح شوية لاني هموت وانام فيه حد منه لله صحاني الفجر ابن الاية ومن وقتها منمتش يعني صاحية من ٤ وانا اصلا نايمة ٢ تصوري
وبالفعل حاولت تغمض عنيها ع البنش
ومرة واحدة المدرج كله سكت لأن دكتور المادة الدكتور الجديد جه
مروان بدأ يتكلم... ايوا هو المفروض تكونوا توقعتوا دا لما قولت بيروح الجامعا كل يوم مع ميار
المهم
مروان بدأ يعرفهم بنفسه وانه لسه راجع من امريكا وانه هيحل محل دكتور مدحت ولو حس انهم مريحين هيكمل معاهم لأخر السنة لكن لو تعبوه هيمشي وهيكونوا هما الخسرانين
وطبعا وكل دا والانسة ميار نايمة ومسمعتش حاجة
مروان وسط كلامه فجأة سكت وساب مكانه وراح ناحية البنش اللي فيه ميار
امل
هار اسوح دا جاي علينا هيىىء يخربيت كدا دا شاف ميار وهي نايمة.. ميار ميار يا فضيحة قومي انتي نمتي بجد
ميار
ايه يا امل فيه ايه هو الدكتور جه ولا ايه بتصحيني ليه
مروان
الدكتور جه بقاله نص ساعة حضرتك مش عارف المشكلة فيا اني جبت ف معاد مش مناسب ولا ف صاحباتك اللي مصحوكيش اول ما انا دخلت ما انا مش هسألك نايمة ليه في المحاضرة لان اكيد عندك سبب قوي لدا
ميرا حست بالحرج كانت ف موقف لا تحسد عليه
انا اسفة اوي يا دكتور كنت تعبانة وقررت ارتاح قبل ما حضرتك تيجي والله مكنتش اعرف ان حضرتك جيت
مروان
هعديها المرة دي وانتوا يا بنات من باب اولى تصحوا زميلتكم بدل الاحراج دا
ميار كزت ع أسنانها من الكسوف
ومروان كمل محاضرته ولا كأن حاجة حصلت
بعد المحاضرة
ميار طارت ورا أصحابها
بقا يا شوية جزم الدكتور يدخل ومفيش كلبة بحر فيكم تصحيني انتوا ايه ندالة للدرجة دي
امل
اسفة والله العظيم يا ميار انا مأخدش بالي انك لسه نايمة اصلا انا قولت انك صحيتي اول ما شوفتيه وسوري يعني لاني بصراحة كنت مركزة معاه اوي اصله دكتور جامد اوي
ميار
ما تحترمي نفسك يا زفتة هو ايه اللي دكتور جامد اوي ما تلمي نفسك احنا هنعمل زي البنات الهايفة ولا ايه
امل
ايه طب بالله مش دكتور كاريزما ومميز كدا وفيه حاجة تجذبك ليه لا وشرحه تحفا اوي دا تعليم برا
ميار
يا خسارة مركزتش ولا ف كلمة قالها من كتر الاحراج بقولك ايه انا اليوم قفل معايا انا همشي مش مكملة سلام
امل
استني بس يا ميار متزعليش بالله عليكي اسفة والله
ميار
خلاص يا امل انا قررت انا همشي يعني همشي سلام
ولما مشيت ميار وراحت تركب الباص لقت مروان واقف هو كمان منتظر الباص
ميار
ييي ع الحظ بقا اول مقابلة ليك تكون كدا ابص ف وشك ازاي انا دلوقتي
ولما الباص جه سمعته بيقول اتفضلي
واستناها لحد ما ركبت وقعدت وبعدين ركب هو
كان ف الكرسي اللي قصادها وقال
مينفعش تفقدي ثقة مامتك وباباكي فيكي
ميار
يعني ايه يا دكتور مش فاهمة
مروان
سايبة محاضراتك وماشية ليه هما اكيد مفكرين انك ف الجامعا
ميار
اا لا والله العظيم حضرتك فهمت غلط اا انا كنت مروحة البيت مش رايحة مكان تاني
مروان
طيب سايبة محاضراتك ليه اليوم لسه ف أوله
ميار بحرج
ااا من الموقف اللي اتحطيت فيه مع حضرتك وانا متضايقة واليوم قفل معايا علشان كدا قررت امشي افضل لاني مش هفهم حاجة زي ما مفهمتش ولا كلمة من شرح حضرتك ولا كنت مركزة
مروان
علشان تتعلمي الدرس انك متناميش ف المحاضرة تاني
ميار
حاضر والله مش هتتكرر ابدا
مروان
كويس اتمنى ذلك
ميار
دكتور اا ممكن اسأل حضرتك سؤال
مروان
اكيد طبعا اتفضلي
ميار
اا معلش هو ملوش دعوة بالمادة ولا بالجامعة بس هو سؤال محيرني حضرتك ليه مش بتبصلي وانت بتكلمني ليه مش بتبصلي عموما هو انا فيا حاجة مضايقة حضرتك
مروان ابتسم لسؤالها وقال
ربنا امرنا بغض بصرنا يعني مينفعش امشي كدا أطلق بصري وابص ع البنات وهي ماشية بتكون مجرد نظرة عابرة من اول مرة وبعد كدا مينفعش ابص عليهم ربنا قال ف كتابه العزيز
"قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ"
ميار
صدق الله العظيم يااه لو كل الشباب يعملوا بكلام حضرتك دا فعلا الدنيا كلها هتتغير للأفضل
مروان
ومش الشباب بس المطلوب منها غض البصر البناات كمان
ميار
دا بجد ؟؟
مروان
اظنك بتسمعي البنات وهي بتحكي عن الشباب او الدكاترة ف الجامعة ظا واد جامد دا واد مش عارف ايه صح ولا انا غلطان
ميار
احم صح حضرتك معاك حق
مروان
كل دا حرام المطلوب مننا ذكر وانثى نغض بصرنا ودا اسلم لقلوبنا زي ما ربنا قال
ميار
فهمت يا دكتور شكرا جدا لحضرتك
مروان ابتسم لها وبص قدامه ولما وجهتهم وصلت وقف وقال انتي هتنزلي هنا مش كدا
ميار هزت راسها
ايوا
فسبقها مروان وهي نزلت بعدين
فسمعته بيقول
اظنك هتقولي ليه مخلنيش امشي انا قبليه وزي ما بيقولوا ليدز فيرست
ميار
اا احم عادي يعني يادكتور
مروان لا مش عادي ... عودي نفسك لما تشوفي اي راجل ماشي وراكي حاولي تبطئي خطواتك وخليه يسبقك هو او انتي تكوني سابقاه بمسافة كبيرة وكذلك طلوع السلم لو جبتي تطلعي السلم وراجل طالم متزاحميهوش وسيبيه يطلع الأول
ميار
فهمت شكرا لحضرتك
في البلكونة كانت ألطاف واقفة مع سهام فقالت
يا حلاوتهم وهما ماشين وبيتكلموا مع بعض يا حلاوة والله لايقين ع بعض اوي
سهام في نفسها
واخيرا ميار شافته كل لما اسألها تقول معرفوش مشوفتوش
الطاف
انا لازم افضل ازن ع الحج عرفات لحد ما نخلي الموضوع دا رسمي ايه قولك يا ام العروسة
سهام
انا مش هلاقي لبنتي شاب مهذب وخلوق زي مروان
يتبع
