قراءة رواية (خيانة الجزء الثاني) (وخضع القلب) كاملة
تنشر حصريًا على مدونة رواية وحكاية قبل أي منصة أخرى
رواية: (خيانة)
الجزء الثاني
(وخضع القلب)
رواية جديدة قيد النشر
الكاتبة: ( أمل مصطفى) | الفصل: ( 24 )
علي ضفاف النيل مقر العاشقان
جلس جوارها كانت تتأمل النيل وهي شارده هاااا حبيبي وصل لفين ؟
إبتسمت له بحزن أنا موجوده أهو ...
وضع يده تحت ذقنها ورفع عيونها لتقابل عيونه العاشقه
أنا حفظتك يا ندي وعارف إن إبتسامتك دي وراها حزن ؛
أيه سببه مش عايز يبقي في بينه أي أسرار مهما كانت الحقيقه مزعجه ....
تأملت ملامحه الرجوليه الوسيمه
عيونه العسلي و بشرته القمحيه الرائعه و ذقنه المحدده بطريقه مهذبه
وهي تحمد ربها علي وجوده في حياتها لقد رمم الله كسرها !!بدخول يامن حياتها
رجل بمعني الكلمه
شخصيته القويه مع الغريب
معاملته الحنونه لها قبوله لوضعها الذي نادر ما يقبله رجل علي نفسه و إحساسه الدائم بحزنها
إبتسم لها بحب أنا عارف إني جذاب وكل البنات بتجري ورايا بس مش للدرجه الهوس ده
إبتسمت وهي تضرب كتفه مغرور
ضم يدها وقبلها مالك يا حبيبتي أيه شاغلك كده ؟
تنهدت بحزن ::
ماما يا يامن بقالي كام شهر هنا ما فكرتش مره ترفع الفون تسأل عليا كأنها ما صدقت
هتف بحنان ::
طيب يا حبيبتي كلميها أنتي وإطمني عليها ده واجب عليكي ومافيش في الدنيا دي أغلي من الأم صدقيني ....
تحدثت والمرار واضح في صوتها
كلمتها ومافيش مره ردت عليا؛؛ بتعاقبني لأن جيت قعدت عند عمي وطنط مديحه لأنها مش بتحبها...
من غير ما تراعي ظروفي و الحاله النفسيه اللي كنت فيها
وأن راحتي تكون عندها أهم من المشاكل دي وعشان أكون صريحه معاك اللي لاقيته مع طنط مديحه كان مستحيل الاقيه عند ماما
طنط مديحه عندها حب وحنان يكفي الكون
لاقيت عندها وقت تعبي الصدر الحنين عملت كل حاجه عشان تخرجني من تعبي كان مفرغه نفسها ليا وبس
كتير كنت بشوف دموعها لما بكون منهارة ولما تلف وشها ليها تمسح دموعها وتبتسم في وشي مش هقدر اوصفلك كنت بحس بأيه وقتها جميل قوي أنك تلاقي شخص رغم ألمه بيبتسم علشان انت ترتاح
لو كنت مع ماما ماكنتش هخرج من أزمتي دي بالسهل يمكن كنت حزيد سوء لأن برده كنت هبقي وحيده وماما عمرها ما هتربط نفسها في البيت علشاني
بس عمي وطنط مسبونيش ولا لحظه ....
وضع يده علي يدها بحنان بكره ترجع كل حاجه لطبيعتها وخليكي أنتي الأحسن و كلميها تاني
❈-❈-❈
في إحدي المولات
توجهت الفتيات لشراء ملابس البيبي
مها وهي ترفع ما تحمله أيه رأيك في ده يا ريم
تناولت من يدها سولبت بناتي وهي تبتسم الله أنا بحب هدوم البنات أكتر بس الدكتوره بتقول أنه ولد .
هاجر وهي تقبل إبنها التي تحمله علي صدرها وهدوم الولاد أجمل يا خبر علي الجمال و الطعامه حته من قلبي !!!
جنه بغيظ أه يا ختي عشان شبه المحروس أبوه أفلقينا بقي ...
ضحكت مها علي مناغشه جنه وهاجر ووجهت كلماتها لريم ناصحه ::
بصي يا ريم الأطفال في السن ده ممكن يلبسوا كل الألوان والأشكال عادي أيه رأيك نشتري أنا وأنتي زي بعض أنا بنت وأنتي ولد و بعد الست شهور نبداء نغير
إبتسمت ريم بسعاده وأنا موافقه يا مها يلا يا بنات إنتشروا ونجيب بناتي وولادي وبعدين نفرقهم !!
عادت ندي وهي تحمل لعب كثيره ضحك عليها الجميع
نظرت لهم بإستفهام هو مش البيبي بيحتاج لعب ؟؟
جنه وهي تجذبهم منها بإبتسامه حلال علي ريم بنتي
لسه بدري علي ما يحتاجوا الحاجات دي!!
جذبت هاجر احداهم وهي تهتف وإبني كمان ينفع يلعب بيهم .
تعلقت ندي بذراع ريم وقبلتها أنا مبسوطه قوي بوجودي معاكم شكرا ليكي علي كل الفرحه اللي أنتي السبب فيها
جو الصداقه اللي من غير مصالح اللي فيها ترابط أسري جميل جدا غير عندنا المال والموضه هي اللي بتحكم لكن هنا البساطه و الألفه شيء جميل قوي ...
جلسوا في فرع ماك بالمول يتناولوا الغداء في ضحك و هزار وراحه نفسيه .
ريم أخبارك وحشاني ؟؟
إلتفتت لصاحبه الصوت ووقفت تسلم عليها هاي أشكي أخبارك ؟
أنا كويسه هاي ندي دول أصحابك يا ريم مش كده ؟
ريم بابتسامه وهي تشاور عليهم ::
أه أنتي شوفتيهم في الحفله دي هاجر جنه مها .
إبتسموا لها بينما تحدثت جنه وأنتي بقي يا حبيبتي بتشتكي من أيه ؟
أشكي بعدم فهم أفندم .؟؟
قصدي يعني أشكي من أيه هو ده إسمك و ولا دور إكتئاب ؟
زغدتها ريم وهي تعتذر لأشكي أسفه يا حبيبتي بس جنه دمها خفيف و بتحب تهزر تعالي اقعدي معانا وأنتي مش تبطلي ضحك .....
اعتذرت بأدب مره تانيه يا ريم لأن معايا أصحابي لو خرجتوا تاني عرفيني باي ..
❈-❈-❈
هناك في الاسماعيليه وخاصتا في فيلا ندي
طرق يامن جرس الفيلا
فتحت له الخادمه ممكن أقابل مدام رفيف؟
طلبت منه الدخول وتوجه معها حتي غرفة الجلوس وتناولت منه الكارت وذهبت تبلغ سيدتها رفيف التي خرجت بتكبر وهي تلقي عليه التحيه ...
وقف يامن بإحترام رغم إن طريقتها لم تعجبه !!
جلست أمامه وهي تسأله عن سبب الزياره ؟
أنا يامن خطيب بنت حضرتك كنت حابب أوضح سوء التفاهم اللي بين حضرتك وبين ندي لأنها تعبانه جدا من عدم وجودك ...
وضعت قدم فوق الأخري وهي تتحدث ببرود هي اللي إختارت مديحه وأنا سيبتها براحتها هي اللي باعت من الأول ؛
تحدث يامن بنفي لا حضرتك فاهمه غلط هي كانت محتاجه تغير جو وتبعد عن المكان اللي إتدمرت فيه
اللي أتعرضت ليه ندي مش سهل علي أي بنت وأكيد حضرتك عارفه الكلام ده كا ست وكا أم !!
رمقته ببرود وهي تردف كان ممكن تسافر أي دوله تغير جو ...
يامن بضيق من اسلوبها الفج يبدوا أن حبيبته عندها حق في اختيارها لمديحه لأنه يريد أمامه شخصية بارده لا يجب تسميتها أم ورغم ذلك حاول لفت نظرها عندما أكمل
هي كانت محتاجه حضن أم يحتويها تحس فيه بالأمان مش السفر أوقات كتير راحتنا بتكون بوجود حد جنبنا يفهمنا ويحس بألمنا من غير ما نتكلم
ابتعدت بوجهها عنه كأن كلامه لا يعنيها
الأعمال الأصلية لرواية وحكاية
نظر لها بضيق وهتف بإصرار لعلها تفيق حضرتك ماتعرفيش أمي ماتت أزاي
رفيف ببرود ::
وده يهمني في أيه
ابتسم بسخرية وهو يهتف ::
أكيد ميهمش حضرتك بس أنا حابب احكي يمكن حضرتك تفهمي قصدي أو تعرفي معني أم
لم يعطيها فرصه الرد بل بداء في سرد قصته
أنا كان عمري ١٧سنه أصحابي عرضوا عليا أشرب معاهم حش*يش واحد من أصحابنا رفض وطلب مني نمشي وبلاش السكه دي أنا خدني الفضول و اصريت أن افضل معاهم واجري مرة مش تضر
صاحبي مشي بس مروحش راح الفيلا وبلغ أمي وطلب منها تلحقني
وبما أنها أول مره كان تأثيرها قوي جدا عليا
أمي جت عند أصحابي من وري بابا و كلمتني
حاولت تاخدني معاها بس تأثير السيجاره خلاني مش في وعيي شديت معاها و صوتي علي عليها لأول مره
هي إتصدمت وعرفت إن أنا مش في وعيي مدت إيدها علشان تسندني ..أتعصبت عليها وسيبتها ومشيت خافت عليا لأنها لحظت إن مش موزون !!
خرجت ورايا وهي بتنادي عليا وأنا مش برد؛؛ وهي بتجري ورايا تلحقني
لاقت عربيه جايه بسرعه و هتخبطني زقتني بعيد وخبطتها هي!!
كان يتحدث وهو يشعر بالإختناق كأنه يحدث أمامه الأن؟؟ رفع عيونه الحمراء من حبس دموعه
صرخت وجريت عليها رفعت إيدها علي وشيء وهي بتخرج في الروح عشان تطمني وقالت أنا مسمحاك وأوعي تلوم نفسك في يوم
أنا عايزاك تبعد عن التدخين عايزه إبني راجل أفتخر بيه وفقدت حياتها بسببي وبين ايديا
دي الأم راحة ولادها أهم حتي لو علي حساب راحتها !!
أرجو أن رسالتي تكون وصلت حضرتك
راجعي نفسك مافيش أم تخسر بنت زي ندي أبدا
بعد إذنك
❈-❈-❈
أت يوم كتب الكتاب
كانت عائليه أصرت ريم علي إقامة الحفله في حديقة الفيلا ..
الكل سعيد بذالك الإرتباط!!
عمرو يقف هناك عيناه تتابع حركتها
كأنها تتحرك علي نغمات قلبه الذي يتابعها بهوس وعندما تتقابل العيون في لحظه خاطفه يغمز لها بإحدي عيونه بينما هي تتورد خجلا ..
جذبتها مها أنا محتاجه التويلت ضروري ..
تحركت جوارها بينما أتي مالك الذي سأل عن وجهتهم
أجابته مها بينما طلبت منه ريم الذهاب معها هو يعرف المكان ...
كادت تعود قابلتها عمتها وهي تحمل بيدها كأس عصير
مدت يدها به لريم
اشربي ده يا حبيبتي أنا عملته ليكي مخصوص لأن شكلك ضعيفه والحمل محتاج غذاء تناولته منها ريم بإبتسامه..
تتابعها عيون رحاب الخبيثة بفرحه
كادت ريم تتناول العصير لكن الكأس وقع من يدها عندما اصطدم بها خالد
وهو يركض خلف ابنته قبل أن تقترب من البسين ....
اشتعل الغضب بقلب رحاب وكادت تعنفه!!
عندما تركتها ريم هي الأخري متوجه خلف ريم الصغيرة تناديها حتي تشغلها قبل أن تصل لحافه البسين
ريمو ريمو إستني!!
خالد وهو يمر من جوارها أسف يا ريم
إنتي كويسه ؟؟
الحمد لله متقلقش و إنحنت تلتقط ريم التي عادت لها عندما سمعت نداها وقبلتها بحنان القمر بتاعي رايح فين حم حم مع البالون
ضحكت ريم وهي تضمها أكثر لأحضنها لا يا قلبي لما أنا وأنتي نتعلم العوم ننزل مع بعض لكن الوقت لا
الأعمال الأصلية لرواية وحكاية
رحاب بتململ أنا هروح أعملك كوبايه تانيه مكان اللي وقعت
ريم مالوش لزوم تتعبي نفسك يا خالتو أنا هبقي أعمل !!!
رحاب برفض لا تعالي وأنا هعملك واحدة تانيه ...
تحركت خلفها وعندما إقتربت من المطبخ وجدت يد تجذبها
لمكان مظلم كادت تصرخ لكنها هدئت عندما تسللت رائحة عطره لأنفها إلتفتت له بإبتسامه عذبه ووضعت رأسها علي صدره كي تهديء من روعها ....
عمرو وهو يضمها بحنان وحشتيني ومش عارف أتلم عليكي قبلها بشغف قبله أذابتها بين يده ونسوا معها
من حولهم تلك القبله جعلته يريد المزيد والمكان غير مناسب حملها وهي تشهق من الخجل خوفا أن يراهم أحد بتلك الهيئة لكنه لم يأبه وصعد بها السلم!!
حاولت إرجاعه عم يريد فعله ..
ماينفعش كده يا عمرو إحنا عندنا ناس هيقولوا أيه لما أنا وأنت نختفي كده خليها بعد الحفله ؟؟
تحدث برفض قاطع أبدا أنا مش هسيبك حتي لو الفيلا
وقع عليها صاروخ وإنحني يحدث إبنه بتهديد
وأنت لو ماتلمتش و سيبت حبيبتي ليا شويه هرميك في الملجاء أنا بحذرك من الوقت
نظرت له بعدم تصديق ولكنه لم يعطيها فرصه لفعل أي شيء بل فعل هو كل شيء يجعلها تنسي
جنينها ونفسها أيضا
❈-❈-❈
وقف علي أول الدرج بشموخ وهو يضع يداه داخل جيوب بنطلونه
زينت ملامحه إبتسامه رائعه وهو ينظر للسلم فقد رأي عمرو وهو يحمل ريم بعشق وشغف و يقب*لها برغبه جامحه
شعر بالحنين لمها كاد يلتفت عندما سمع من خلفه صراخ صوت أنثوي غاضب عندما اصطدمت به وسقط منها ما بيدها
مالك باعتذار ::
أسف بس حضرتك اللي خبطي فيه !!
تحدثت بغضب من فشل مخططها للمرة الثانية هو يوم زفت حيطان ماشيين في البيت مش عارفين نتحرك منهم ...
رفع مالك إحدي حاجبيه بسخريه علي فكره إنتي اللي غلطانه مش الحيطان
لأن الحيطه وقفه مكانها و سيادتك اللي خبطي فيها ثم تركها تشتعل غضبا وهي تحدث نفسها وابتعد يبحث عن زوجته ....
❈-❈-❈
بعد مرور أسبوع
في مكان جديد
قررت رحاب اللعب بشكل قذر فهي لا يليق عليها الحنان والإهتمام الذي تمثله علي ريم هي دائما تأخذ دور
الساحرة الشريرة هذا دورها الوحيد الذي تتقنه
تعرف من يستطع مساعدتها دون الظهور في الصوره
الأعمال الأصلية لرواية وحكاية
ركبت سيارتها متوجه لذلك الشخص الذي يركض خلفها يتمني رضاها وتعلم جيدا أنه الوحيد الذي يستطيع مساعدتها
وقفت علي باب مكتبه بثقه وغرور وعندما بلغه وقوفها علي بابه خرج يستقبلها بنفسه بترحاب شديد
أهلا وسهلا أيه النور ده
رحاب هانم تنازلت و تعطفت وجت تزور مكتبي المتواضع
جلست رحاب بغرور وهي تري في عيونه اللهفه والتمني
معلش يا حامد أنت عارف الدنيا بقت صعبه جدااا
ابتسم بإعجاب ::
الدنيا الصعبه تسهل عشان خاطرك بس أنتي تأمري!!
نظرت له رحاب بدلال وهي تهتف علشان كده جيت وأنا واثقه فيك يا حامد
ثم اعتدلت في جلستها وتحدثت بجدية
عندي حته تنفع الناس اللي تبعك
حته خاليه من الشوائب هديه مني ليك ....
عاد حامد بظهره وهو يهتف بتعجب من تطرقها لهذا الأمر
أول مره تفتحي كلام من ده يا رحاب وأنتي عارفه خطورة حاجه زي دي عليكي أنا مقدرش أحميكي منهم ؟؟
وضعت قدم فوق الأخري وهي تشعل سيجارتها::
هو أنا عايزه منك حاجه دي مجرد هديه لصديق عزيز عليا
بس مش هظهر في الصورة أنا أشاور وأنتم عليكم الباقي
اعتدل في جلسته وهو يسألها بفضول ::
طيب وريني أي حاجه وهم يقرروا تعجبهم ولا لاء
اقتربت منه علي المكتب وهي تفتح هاتفها
لتتوسع عيناه بانبهار وهو يهتف بأسف
بذمتك مش خسارة دي في الموت
❈-❈-❈
في فيلا عمرو
فتحت الباب وهي تتحدث بإبتسامه عريضه كأنها تراها
صباح الورد علي أجمل فوفه في الوجود ....
صباح الجمال علي قلب فوفه من جوه
إقتربت منها ريم وهي تقبلها من جبينها يلا يا قمر ناخد شاور لأن مديحه أتصلت كتير!!
وفاء بحنان ::
خلاص يا حبيبتي أنا حفظت المكان كله وأعرف أجهز هدومي و أخد شاور لوحدي ؛؛؛ثم أكملت بحزن
عمري ما كنت محتاجه نظري قد الوقت نفسي أشوف إبني وأشوف حفيدي لما ييجي ....
ريم بمرح لتخرجها من حزنها بقي كده يا فوفه عايزه تشوفي إبنك و حفيدك بس و ريمو أيه وحشه ؟؟
إحتضنتها وفاء بحب أنتي نور عيني يا ريمو حبيبه
إبني وأم حفيدي يعني أغلي الناس !!!
ريم بحنان ماتزعليش يا قلبي الدكتور ده مش بيفهم حاجه وعمرو هايشوف دكتور غيره وإن شاء قبل ما ولد تكوني بخير...
❈-❈-❈
هناك في مبني جهاز المخابرات
في مكتب عمرو الذي يجلس به هو وخالد
طرق الباب دلف بإبتسامه عريضه كأنه فعل معجزه ....
رفع عمرو عيونه وهو ينظر لتلك الإبتسامه بعدم إرتياح خير مالك ؟؟
جلس مالك أمام خالد وهو يتحدث حجزت أسبوع لينا في الواحات ...
صفر المجنون بسعاده وهو يمدح تفكيره !!
بينما قال عمرو بإستفهام حجزت لنا اللي هو مين ؟؟
مالك ببراءة ::
أنت وريم وأنا ومها وخالد وجنه وأدم وهاجر أيه رأيك في المفاجأه دي ؟؟
نظر له عمرو كأنه برأسين أو شخص مختل
ريم اللي هتولد في أي لحظه أخدها مشوار وطريق زي ده مش كده يعني أموتها بإيدي ؟؟
مالك بتعجب هي مراتك بس اللي حامل ما مراتي أنا كمان حامل ...
نظر له عمرو برفعة حاجب وأنت شايف إن سفريه زي دي وقتها ولا أيامها ؟؟
شعر مالك بحيرة ثم هتف يبرر موقفه ::
قولت نهيص شويه قبل الولاد دي ما تيجي ومش نعرف نشوفهم تاني ؟؟
خالد بتأكيد أه أنا معاه
ثم بداء في سرد معاناته اليوميه مع جنه
و تقدم طلب عشان تقابل مراتك في صالة بيتك وهي مش عارفه تفتح عيونها وشعرها واقف زي الناس اللي متكهربه
وقف وهو يكمل بتشجيع توكلنا علي الله هكلم جنه تجهز نفسها .....
عمرو بغيظ هو أنت راشق في أي حاجه وخلاص أنا مش حجازف بمراتي !!
الأعمال الأصلية لرواية وحكاية
مالك بإحباط ::
طيب إسألها ولو رفضت خلاص نأجلها لحين ميسره
عمرو بتهديد ممنوع حد يوصلها الموضوع ده الطريق صعب وأنا مش مستعد اخسرها ثم عاد بنظره لمالك
أول مره تتصرف بغباء يظهر أن خالد بهت عليك
اتسعت أعين خالد الذي شاور علي نفسه قصدك أن أنا غبي
وقف عمرو يلملم اشيائه وهو يردف غريبه أول مره تكون سريع البديهة وتفهم من غير غباء
❈-❈-❈
عاد عمرو منزله
عندما دلف للداخل تعلقت بعنقه بسعاده بجد يا حبيبي هنسافر أسبوع ؟؟
أغمض عمرو عيونه ولعن تحت أنفاسه لقد علم من أوصل لها الخبر قبل وصوله ليضعه أمام الأمر الواقع ..
لن تفلت من يدي خالد
قبل و جنتها وهو يجذب يدها لتجلس جواره وهو يتحدث بهدوء أنا مش موافق علي الرحله دي ؟؟
تحولت ملامح الفرحه لأخري حزينه ..
توعد لخالد بأنه سوف يقطع له لسانه الذي لا يداري شيء ويتحدث كثيرا مثل الحريم و يحمد الله إن تلك الصفه
غير ساريه في وقت العمل وإلا أصبح الوضع كارثي!!
رفع أنامله يتحسس وجهها بحب حبيبتي أنا خايف عليكي المشوار طويل وحر وطريق صحراوي يعني لو تعبت ولا جالك الميلاد نتصرف أزاي أنا مقدرش أتحمل معاناتك قدامي وممكن أقتل خالد ومالك ....
وضعت رأسها علي صدره سيبها لله المكتوب مافيش منه هروب وأنا نفسي أروح أي رحله زي دي معاك ؛؛
أول جوازنا خالد ومالك كانوا بيعملوا رحلات ولما كانت البنات تكلمني كنت أتحجج لأن متأكدة إنك مش بتحب المكان اللي أنا فيه ؟؟
أبعدها عن صدره يري الحزن بعيونها أنا كنت خايف من ضعفي قدامك وده سبب هروبي المستمر من نفس المكان لكن والله كنت بحبك يا ريم الضعف ميجيش من غير حب
ثم أكمل بأسف بس لو موافقتي تشفع لي عندك أنا موافق عشان خاطر عيونك
كأنها كانت في انتظار رده لذلك قبلته وهي تقف هروح ابلغ ماما وفاء ...
إبتسم بحزن بعد خروجها ظلمتك كتير يا ريم سامحيني وربنا يستر من المشوار ده
| « السابق |
جميع الفصول |
التالي » |
يتبع
إلى حين نشر الفصل الجديد للكاتبة (أمل مصطفى)، لا تنسى قراءة روايات وقصص كاملة أخرى على مدونتنا رواية وحكاية

تسلم ايدك
يااا حرام يعني ام يامن ماتت بسببه ي عيني ما اعظم الام ورحمتها بأولادها يترا أم ندى بتتعض او لا اااه ي خبيثه تبغا تقتل ريم باي شكل منك لله بتروحي من عقاب ربنا فين وكمان رايحه لحد الراجل دا عشان يخطفوها ويموتوها شكلهم بياعين اعضاء والا ايه أيوووه الرحله دي اما بتكون فى انقاذها او بتكون لتسهيل خطفها وموتها لكن يترا بيحصل ايه وممكن عمرو والشباب ينقضوها او لا وممكن واحده من اببنات تتأذا وممكن يحصل ولاده قبل الوقت وهل بيتم انقضائها ويوصلوها للمستشفى او لا هل ممكن الطفل يعيش او لا وعمرو ممكن يعرف من السبب او ممكن قبل ما يحصل اي شيء يجي اتصال من احد يبلغهم ايش بيحصل يااا الله تسلم ايدك ابدعتي جدا رااائعه وجمييله ومؤثره
جميله تسلم ايدك