سليم كان قاعد ف مكتبه ودخل مدير أعماله 

ايوا يا سليم بيه تحت امرك 

سليم كان ماسك صورة ف ايده وقال بغضب 

هي فين مرام؟! 

خالد 

راحت تتابع المشروع زي ما طلبت منها يا سليم بيه 

سليم 

خليها ترجع حالا وقولها اني عايزها ف مكتبي 

خالد 

ايوا يا سليم بيه بس هي لسه يادوب را... 

سليم قاطعه 

قولتلك كلمها خليها ترجع ومش عايز نقاش

والفعل خرج خالد اتصل بمرام 

مرام ردت وكانت لسه بتنزل من العربية وهي بتقول 

تمام يا اسطى ايوا هنا اجرتك اهي شكرا.... الوا ايوا يا استاذ خالد معلش اصلي كنت لسه نازلة من العربية وبحاسب السواق خير . 

خالد 

استاذة مرام ارجعي حالا مستر سليم عايزك ف مكتبه دلوقتي  

مرام 

نعم هو ايه اللي ارجعي حالا مستر سليم عايزك انا يادوب لسه واصلة ويادوب نزلت من العربية ارجع ازاي بقا 

خالد 

دي التعليمات اللي جالتي وانتي عارفة مفيش نقاش معاه 

مرام 

دا اسمه استهبال بقا مش هو اللي اصر اني اروح للمشروع بنفسي رغم اني قولتله اني ممكن اتواصل معاهم عبر الايميل ويبعتولي التقرير اون لاين لكن هو اللي صمم اني اروح هناك بنفسي واطخ المشوار الكبير دا .. ودلوقتي سيادته غير رايه وعايزني ارجع .. دا انا حتى مرتحتش من المشوار بص كلمه قوله اني مش هقدر ارجع الشركة يادوب اروح البيت ارتاح 

خالد 

استاذة مرام اسمعي الكلام وخلاص انتي عارفة سليم بيه محدش بيقدر يعصي اوامره 

مرام 

اوف طيب ماشي هركب وارجع اهو يارب صبرني 

... 

وبعد حوالي نص ساعة وصلت مرام وخالد كان ف انتظارها 

مرام يلا ادخلي سليم بيه منتظرك من بدري 

ولما دخلت مرام لقت اللي بيشخط فيها 

اتاخرتي ليه 

اتفزعت مرام وقالت وهي بتبلع ريقها 

ااا انا اصل اا انا يادوب لسه راجعة اول ما خالد كلمني ركبت وجيت علطول

سليم 

هاتي التقرير 

مرام 

تقرير ايه هو انا لحقت دا انا يادوب نزلت من العربية ولسه واصلة لقيت خالد بيقولي ارجعي روحت ركبت اول عربية وجيت

سليم قعد مكانه ع الكرسي الخاص بيه ومرام لسه واقفة 

كنتي فين امبارح 

مرام 

امبارح كان يوم الاجازة بتاع الشركة مكانش فيه شغل 

سليم زعق 

كلامي واضح كنتي فين امبارح يا مرام 

مرام في نفسها 

يخربيت كدا هو عرف منين اني خرجت امبارح لو قولتله اني كنت بوصل سيف هيولع فيا لا انا مش هقوله 

وقالت 

ااا انا انا كنت بشتري شوية حاجات للبيت هو هو غلط اني اشتري حاجات للبيت ولا ايه 

هنا سليم اتحرك من مكانه وقرب منها وقال بفحيح زي الافعى 

يعني مكنتيش ف المطار مع حبيب القلب سيف؟!!  

مرام بلعت ريقها بخوف 

يالهوي عرف منين دا هو بيراقبني ولا ايه اروح فين واجي منين هيولع فيا دا بيغير مش هعرف اوضحله هيقلب عليا ربنا يستر 

سليم زعق 

انا بكلمك ردي انطقي 

مرام 

ااا ما هو ااا 

سليم مسك الصورة ورماها ف وشها وهو بيقول بكل غضب وانفعال 

مكنتش اعرف انك قذرة كدا وكل شوية مقضياها مع راجل 

مرام بصدمة

ااا انا؟؟؟ 

ولما شافت الصورة اللي رماها ف وشها وطت تجيبها وهي بتقول 

والله العظيم كنت بوصله المطار وبودعه لانه شخص غزيز على قلبي ساعدني كتير اوي ومهما عملت مش هوفيله حقه علشان كدا مكانش ينفع يسافر من غير ما اودعه 

  الأعمال الأصلية لرواية وحكاية

سليم 

طبعا ما هو هيوحشك مش قادرة ع بعده مش كدا 

مرام 

انت بتقول ايه مش زي ما انت فاهم ... انت ازاي تفكر فيا كدا 

سليم قرب منها وهي بدأت تتراجع لورا بخوف 

سليم 

ازاي افكر كدا اومال عايزاني افكر ازاي... ما صدقتي ادخل السجن وتدوري ورا كل راجل شوية 

مرام 

سليم انت بتقول ايه ازاي تفكر فيا كدا 

سليم 

اسمي سليم بيه متنسيش انتي نفسك.. اياكي تنسي الالقاب تاني انا ميشرفنيش واحدة قذرة زيك تنطق اسمي حاف كدا 

مرام بوجع 

بردو بردو بتكررها للمرة التانية يا سليم.. قصدي يا سليم بيه ... ان كنت شايفني كدا فعلا يبقى انا مليش شغل في الشركة هنا 

وجت تمشي سليم وقفها 

استني عندك؟؟ 

مرام بدموع مسحتها بسرعة 

افندم يا سليم بيه لسه فيه اتهام تاني عايز توجهه ليا؟! 

سليم 

البنت اللي معاكي دي بنت مين فيهم اشرف ولا سيف 

مرام اتسعت عيونها 

انت قصدك ع مريم؟! انت بتتكلم جد؟! 

سليم 

مترديش ع سؤالي بسؤال انطقي وقولي دي بنت مين فيهم 

مرام ف نفسها 

لو قولتله انها بنته هو هياخدها مني .. لا مش لازم اقول مش هسمحله ياخدها مني.

وقالت بكدب وشجاعة مصطنعة رغم خوفها الشديد منه ف اللحظة دي 

دي دي اا انت هيهمك في ايه بنت مين فيهم ... مش انت بتقول عليها وحشة وفيا كل العبر هيفيد بإيه يا سليم بيه تعرف بنت مين... مش مهم ولا هيفيدك بحاجة 

قرب منها سليم بشر 

فعلا مش هيفيدني بحاجة ولا هيهمني بس ت

احب اقولك يا استاذة مرام يا خضرا يا شريفة انتي... انت بنتي دي انتي مش هتشوفيها تاني 

مرام بصتله بذعر 

ايه لا انت بتقول ايه ازاي تفكر كدا لا طبعا اياك تيجي جنب بنتي انت اتجننت يا سليم عايز تاخد مني بنتي ؟! 

هنا سليم متحملش وضربها بالقلم ع وشها 

اظاهر انك اللي اتجننتي لما تتجرئي عليا بالشكل دا.. ازاي تكلميني كدا وكمان من غير القاب دا انتي سنتك سودا 

مرام مهتمتش لاي من تهديداته ولا للقلم اللي اخدته رغم قوته وبصتله بعيون كلها دموع ورجاء 

ارجوك يا سليم ارجوك انا عارفة انك زعلان مني وزعلان جامد كمان وكمان مش طايقني بس ارجوك ارجوك مريم بنتي لا انا معنديش غيرها ف الدنيا دي يا سليم اقسم بالله لو حصلها حاجة ما اقدر اعيش من غيرها.. بالله عليك دي الحاجة الوحيدة اللي طلعت بيها من الدنيا دي عوضي بعد اللي شوفته ف حياتي وسنين الحرمان بالله عليك متحرمنيش منها ارجوك 

سليم بصلها باستهزاء 

هه خايفة اوي عليها علشان منه مش كدا عامة انا مش قذر كدا علشان احرم بنت صغيرة من امها ... انا ممكن ارجعهالك بس بشرط 

مرام بسرعا شرط ايه انا مستعد اعمل لك اي حاجه انت تطلبها 

هنا انفجر سليم في الضحك وقال 

ما كنتش اعرف انك سهله كده وبتبيعي نفسك بسهوله و لأي حد.

مرام حاولت تمتص غضبها من قسوة كلامه و اتكلمت بهدوء 

شرط ايه يا اسلام بيه علشان ترجع لي بنتي 

سليم بص في عيونها بشر 

انك تيجي تشتغلي عندي في الفيلا خدامه ليا 

اتسعت عيون مرام وقالت بصدمه 

عايزني اشتغل عندك خدامه يا سليم هي حصلت انت بتستغل حاجتي للفلوس وقله حيلتي علشان تذلني؟! 

سليم

 بصراحه هي دي الحاجه اللي مخلياني محتار الفتره دي ازاي ومش لاقي ليها تفسير ...تعرفي شريف وسيف وحالتك الماديه لسه تحت الصفر لحد دلوقتي ولا هم ضحكوا عليك واخذ اللي هم عايزينه ورموكي؟! 

بصتله مرام شوية ومعلقتش واكتفت بالصمت 

فقال سليم بسخرية

اعتبر سكوتك دا موافقة على شرطي ؟! 

اخدت مرام نفس طويل وقال ف نفسها 

البنت محتاجة تعيش ف ظروف كويسة ومناسبة علشان تتعلم كويس وكمان محتاجة تكون جنب ابوها اكتر يمكن يجي الوقت المناسب اللي يعرف فيها الحقيقة الكاملة وتنشال الغشاوة اللي على عينه.

الأعمال الأصلية لرواية وحكاية

فقالت بحسم 

موافقة يا سليم بيه على شرطك موافقة اشتغل عندك خدامة بس اهم حاجة بنتي مريم تكون معايا ومتفارقنيش 

سليم بصلها بسخرية وقال ف نفسه 

كويس اوي علشان اقدر انتقم منك ع اللي عملتيه معايا كويس اوي... علشان اعرف اخد حقي منك واوريكي الذل اللي وريتيهولي وعيشتيني فيه سنين طويلة... مش هسيبك يوم تتهني هعرفك كويس نتيجة افعالك هخليكي تندمي ع اليوم مش بس اللي بعتيني فيه لا ع اليوم اللي خلاكي تقفي في طريقي في يوم من الايام 

مرام بصتله وهو بيبصلها وسرحان وبلعت ريقها بخوف وتوتر من اللي جاي لكنها قالت 

ممكن احتفظ بشغلي هنا ف الشركة كمان يا سليم بيه ولو ل٣ ايام في الاسبوع ع الاقل 

سليم بسخرية 

ايه محتاجة فلوس للدرجة دي؟! عامة مختافيش المبلغ اللي هعطيهولك هيكفيكي وزيادة متبقيش طماعة الطمع وحش انتي مسمعتيش عن مقولة الطمع اقل ما جمع ... واديكي اهو قدامي خير دليل طمعتي ف كل حاجة وف الاخر جنيتي ايه ولا حاجة واخرك مجرد خدامة 

مرام بصتله بكبرياء 

خدامة خدامة مش مشكلة يا سليم بيه المهم اني هشتغل بعرق جبيني والشغل مش عيب ابدا اهم حاجة انه مش حرام 

هنا سليم انفعل ومسكها من دقنها جامد 

حرام؟؟ وانتي تعرفي حاجة عن الحلال والحرام علشان تتكلمي انتي اخر واحدة تتكلم ف الموضوع دا

مرام بوجع 

ع الاقل انا عارفة نفسي كويس ومش بكدب عليها ويكفيني اني ع يقين تام باالي بعمله 

سليم بغضب 

انتي بتبرري لنفسك ايه عايز افهم بتبرري ايه انطقي 

مرام حاولت تخلص نفسها من قبضته وقالت 

اوعا كدا سيبني انا مش ببرر حاجة ومش محتاجة ابرر انت اللي عايز تشوف كدا ومش عايز تشوف غير كدا وانا مش مضطرة اغير وجهة نظرك دي لأنه خلاص مبقاش يهمني عن اذنك 

قالتها وجت تمشي

مسك ايديها وقال 

بكرة الصبح الاقيكي ف الفيلا مفهوم 

مرام 

تحت امرك يا سليم بيه .

في بيت مرام 

رجعت مرام من شغلها مزاجها متعكر نزلت دمعة من عينيها بس مسحتها بسرعا اول ما شافت مريم بنتها 

ماما حمدا لله ع السلامة انا كنت مع طنط احسان بس اول ما شوفتك جيتي من البلكونة جيت ع ل

الشقة هنا علطول. 

مرام 

حضنت مريم وقالت 

مريم حبيبتي ونور عيني .. هو فيه حد جالك المدرسة النهاردة وروحتي معاه؟! 

مريم 

لا يا ماما مفيش حد جه وحضرتك قولتيلي مروحش مع حد غريب.. مس صابرين وصلتني لطنط احسان زي ما انا متعودة وفضلت استناكي ف البلكونة لحد ما ترجعي.

مرام ف نفسها 

الحمد لله سليم مبعتش حد ياخدها كان بيخوفني مش اكتر بس بردو كان لازم اخاف عليها سليم حطني ف دماغه ومش هسيبني بسهولة 

مريم 

ماما انا جعانة احنا مش هناكل 

مرام 

مأكلتيش مع طنط احسان ليه يا مريم انا مش قولتلك انا هتأخر اتغدى معاها انا سايبة معاها فلوس علشان اكلك 

الأعمال الأصلية لرواية وحكاية

مريم 

لا مش هاكل من غيرك بحب اكل معاكي

مرام اخدت بنتها ف حضنها تاني 

يا حبيبتي يا مريم يا نور عيني هروح اسخن الاكل اللي انا مجهزاه من امبارح وهنتغدى علطول مش هطول عليكي

وع السفرة 

مرام قالت 

مريم تعرفي تحضري شنطة هدومك يا روحي وتحطي كل كتبك ولعبك وحاجتك؟! 

مريم 

ليه يا ماما احنا هننقل تاني من الشقة انا ما صدقت استقريت ف مدرسة واخدت ع الوضع وكمان حبيت طنط احسان دي ست طيبة اوي 

مرام 

مش بايدي يا مريم انا اسفة يا حبيبتي بس شقتنا هنا هتفضل زي ما هي هنقفلها لحد ما نحتاج ليها... انا هشتغل ف مكان جديد وهنعيش هناك علشان كدا بقولك جهزي شنطك 

مريم 

طيب والمدرسة هننقل منها بردو ولا ايه 

مرام 

مش عارفة حقيقي مش عارفة لسه هنروح المكان الجديد وهنشوف مناسب المدرسة ولا هنضطر ننقل لمدرسة تانية 

مريم 

يووه نقل تاني.. حاضر يا ماما اللي تشوفيه 

مرام 

حبيبتي العاقلة ربنا يباركلي فيكي ياروح قلبي.

وتاني يوم اتصلت مرام بخالد 

لو سمحت يا استاذ خالد ممكن تبعتلي اللوكيشن لاني مش عارفاه 

خالد 

هبعتلك عربية خاصة توصلك لحد الفيلا يا مرام متقلقيش 

مرام 

متشكرة ليك يا خالد بجد .

سليم

تبعتلها عربية ليه .. ابعت لها العنوان وتيجي هي بمعرفتها قلبك عليها اوي 

خالد بهدوء 

علشان خاطر بنتها ومعاهم شنطهم اكيد وكمان اللي اعرفه ان ظروف مرام المادية مش احسن حاجة اكيد مش هتلاقي تمن المواصلات علشان توصل للفيلا بالشنط بتاعتهم 

سليم نفخ بانزعاج وهو بيقول 

مش عايز اشوف القلب الحنين بتاعك دا تاني عليها انت فاهم واول واخر مرة تتصرف من نفسك يا خالد 

خالد بصله بانزعاج لكنه معلقش وقال بهدوء 

امرك يا سليم بيه مش هتصرف من نفسي تاني..

في الفيلا 

وصلت مرام للفيلا واخدت نفس عميق 

انا عارفة ان بدخولي هنا فتحت نار صعبة ع نفسي لكني واثقة اني قدها وهتعدي زي ما صعب كتير اوي عدى يارب خليك معايا يارب انا واثقة في قدرتك.. عدوي المرة دي حبيبي هقف ف وشه ازاي اديني القوة والصمود يارب.

ف الوقت دا جت واحدة من الشغالات وقالت 

انتي مرام اللي قال عليها سليم بيه 

مرام 

ايوا انا 

سعاد 

تمام تعالي هوريكي اوضتك انتي وبنتك امشي ورايا 

وبالفعل مشيت وراها مرام كانت متوقعة ان سليم هيوصي ليها بأوضة مخزن او جراچ قديم لكنها اتفاجئت بأنه موصي ليها بأوضة كويسة وكبيرة ف الدور الارضي بيطل ع الجنينة 

الأعمال الأصلية لرواية وحكاية

استغربت ولسه مخرجتش من حالة الاستغراب اللي فيها لقت ورقة ع المكتب مكتوب فيها 

متفرحيش اوي كدا.. انا عملت كدا علشان البنت ملهاش ذنب ف القرف اللي امها بتعمله 

ابتسمت مرام تلقائيا وقالت 

تمام يا سليم ودي اول خطوة هتشجعني اني اقدر ارجعك ليا تاني .. مهما بينت من قسوة خارجية لسه قلبك ابيض زي ما عرفتك وهستغل النقطة دي كويس اوي 

مريم 

ماما احنا هنقعد هنا الاوضة حلوة اوي والبلكونة بتطل ع جنينة انا حبيت هنا اوي خلينا نعيش علطول هنا ومش نمشي يا ماما 

مرام باصرار 

هنعيش هنا علطول ومش هنمشي ابدا يا مريم متقلقيش يا حبيبتي 

مريم 

طيب ماما ممكن اروح العب ف الجنينة شوية من فضلك وافقي بليز 

مرام 

تمام ماشي بس مش عايزة شقاوة يا مريم اتفقنا؟

مريم 

اتفقنا يا ماما 

وخرجت مريم تجري وتلعب ف الجنينة واثناء ما كانت بتجري خبطت ف سليم 

ااا انا اسفة اوي والله يا عمو انا كنت بجري ومش اخدت بالي انا اسفة مرة تانية 

سليم بصلها وااا..