مراتي هربت يوم الفرح وعملتي فضيحة . 

آلاء كانت بفستان فرحها بتجري في الشارع بأسرع ما يمكنها 

انا لازم ابعد عن اهنه انا لازم امشي افلت بجلدي قبل الفاس ما تقع ف الراس... هتعب شوية بس افضل من اني اندم طوال عمري واعيش ف الحجيم لباقي حياتي ... 

فضلت تجري بفستان فرحها مستغلة ان معظم الناس ف النجع في حفلة الفرح الكبيرة اللي كلها أكل وحلويات وساقع 

بسرعة خبطت على بابا بيت قديم ففتحت لها الباب ست عجوزة ضريرة 

مين اللي بيخبط .. ايوا انت مين ياللي بتخبط عليا السعادي 

الاء 

دي اني الاء يا خالتي ام السعد ارجوكي افتحي بسرعا بالله عليكي 

بشرى العجوزة 

واه الاء يا بنتي انتي عتعملي ايه اهنه في داري.. ازاي مكنتيش ع الكوشة دلوك ويا عريسك انتي مش فرحك الليلة يا بتي ولا انتي جاية تعزميني ومهانش عليكي تعملي الفرح من غيري .. ما انتي كنتي عندي ليلة امبارح واني قولتلك اني تعبانا ومقدراشي اتحرك من داري واني فرحانة ليكي ابقلبي يا بتي ماشغليش بالك بيا 

الاء دخلت بسرعا وقفلت الباب بحرص 

خالة بشرى بالله عليكي من غير أسئلة كتير ملهاش اجابة عندي دلوك الله يخليكي سلفيني جلابية من بتوعك... محتاجة اغير الفستان ديه علشان اقدر اتحرك .. حركتي بيه هتثير الشبهات وشكوك الناس وهيعرفوا مكاني... بسرعا بالله عليكي قبل ما حد يحس باختفائي اني قولتلهم اني ف الحمام ونطيت من المنور وجريت ع اهنه 

ضربت بشرى ع صدرها 

واه هتقولي ايه يا بت يا الاء انتي ازاي تعملي اكده وليه ايه البي حصل يا بنتي عملوا فيكي ايه هما غاصبينك على الجواز.؟! هو لساته حد بيعصب بناته عل الجواز بردك؟؟ 

الاء راحت ع الصندوق اللي بشرى بتحط فيها هدومها وطلعت جلابية وقالت 

ما اتي بقولك بلاش اسئلة ملهاش اجابات عندي دلوك بالله عليكي... اسمعي اني هلبس الجلابية بتاعتك داي وهمشي ولو حد جيه من اهلي او اهل العريس وسألوا عليا قولي انك مشزفتنيش انكري ديه تماما بالله عليكي لو كنتي بتحبيني يا خالة متجبيش لحد سيرة اني كنت اهنه 

بشرى بدموع 

الموضوع ديه الظاهر خطير يا بنتي.. وواعر جوي... اني منيش هسألك ع الاسباب لانه من الواضح ان عندك اسباب كبيرة جوي علشان تعملي اكده ... ماشي يا بنتي روحي في حال سبيلك ربنا ييسرلك طريقك ويصلحلك حالك 

الأعمال الأصلية لرواية وحكاية

الاء بعد ما لبست الجلابية وحطت الفستان اللي كانت لابساه في كيسة سودا.... 

متنسنيش من دعواتك الحلوة داي كتير يا خالة بالله عليكي اني محتاجة ليها من اهنه وطالع ... اشوف وشك ابخير يا خالة .. ان كان فيه تلاقي . 

بشرى 

لازمن ترجعي يا الاء تثبتي للناس كلها انها زينة منتيش شينة يا بتي لازمن ترجعي علشان اطمن عليكي قبل ما اموت 

الاء 

ربنا ييسر الحال يا خالة.. الله اعلم هقدر اعاود اهنه مرة تانية ولا لاه.. ابوي بعد اللي عملته ديه لو دور عليا علشان يرجعني.. مش هيرحعني غير علشان ينتقم مني ويغسل عاري وعاره قدام الناس .. رجوعي اهنه تاني معاه موتي يا خالة يلا قوتك ع خير 

ومشيت بعد ما دارت وشها بالشال وراحت ع سكة القطر وانتظرت هناك لحد ما جه وركبت بسرعة واتوارت وسط الناس علشان محدش يقدر يتعرف عليها 

واول ما القطر اتحرك 

اخدت نفس عميق وهي بتبص للبلد وكل اللي فيها بنظرة وداع ... بتودع الشجر والزرع والاراضي والبيوت وابراج الحمام .. يمكن دي تكون اخر مرة ليها تشوف بلدها في حياتها

بعدها غمضت عنيها واستسلمت لمصيرها المجهول وهي بتمتم 

ان شاء الله الجاي هيكون افضل ان شاء الله المجهول افضل من المصير اللي كنت هترمي فيه.

...

اما في بيت الحج راشد السعدي 

فتون اللي كانت بتساعد الاء علشان تتزين وتستعد لفرحها 

فضلت تخبط ع باب الحمام 

ست الاء يا ست الاء كل ديه ف الحمام هتعملي ايه .. يا ستي اني عارفة ان البنتة ليلة الفرح عتكون قلقانة ومتوترة بس مش للدرجة انك تقعدي ساعا بحالها ف الحمام ست الاء ردي عليا.. طب قولي كلمة ولا اعملي اي صوت طمنيني عليكي انك بخير انتي عوقتي جوي ف الحمام... يا ست الاء .. واه هي مهتردش عليا ليه.. ربنا يستر 

ف الوقت دا دخلت جنات ام الاء الاوضة وهي بتقول 

ما تشهلوا يالا يا بنات العريس وصل من بدري تحت انتوا مسامعينش ضرب النار والمزامير يلا ...الاء راحت فين يا فتون.. اوعى تقولي انها اتخفت وراحت ورا الستاير تتفرج ع جوزها وهو عيحطب ويا واد عمه وعيرقص بالحصان كيف الفارس المغوار 

لاحظت جنان ان فتون باين على وشها القلق 

فقالت 

واه واقفة اكده ليه يا بت مالك ومعتدريش عليا ليه واني بسألك ع ستك الاء 

فتون 

ااا مفيش حاجة يا ست جنات.. ست الاء العروسة الظاهر انها بعافية شوية وعوقت ف الحمام حبتين الظاهر اكده هي محتاحة علاج 

جنات 

بعافية كيف.. داي كانت سليمة وصاغ سليم من هبابة مفيهاش حاجة .. جرى ايه لبتي يا بت انطوقي وهي فين 

فتون شاورت ع باب الحمام 

بطنها وجعتها فجأة ودخلت الحمام اديلها ساعا ولسه مطلعتش 

جنات بقلق ع بنتها 

واه يا بتي با حبيبتي.. ايه اللي جرالك ليلة فرحك يا غالية ديه انتي كنتي زينة وكيف البدر منور ... كيف اكده اتبدل حالك اكيد عين وصابتك يا بتي .. عين وصابتك عين الحاسود فيها دود يندب فيهم رصاصا منهم لاه رلنا ينتقم منيهم .. افتحي يا بتي وطمنيني عليكي ولو حوصلت اجيبلك الحكيمة دلوك نتطمن عليكي مهيهمنيش لا فرح ولا غيره ولا اهل العريس يتكلموا المهم اطمن عليكي افتحي اني امك يا نوراة عين امك 

ولما خبطت ومفيش رد ولا الباب اتفتح 

جنات

واه بت يا فتون هي مهتفتحش ليه .. ومهتردش عليا ليه 

فتون 

اني بخبط عليها من بدري يا ست جنات مهتردتش عليا ومسامعاش ليها صوت.. غير صوت حنفية المية اللي مفتوحة 

جنات بخوف 

من بدري وبتي مهتردش وساكتة يا بت المخروب انتي جبر يلمك... ما يمكن بتي وقعت ولا اتخبطت وصابها حاجة جوة ازاي متتكلميش من بدري اونطقي 

فتون بخوف 

ااا اني معارفاشي اني كنت سامعة صوت الحنفية قولت يمكنها عم تتسبح فسبتها براحتها لحد ما تخلص ع كيفها علشان معملهاش ازعاج.

 بس لما طولت كنت لسه بنادي عليها وانتي داخلة يا ستي 

جنات زقت فتون بحدة 

طب غوري من قدامي دلوك ونادي على ستك سماح تجيلي اهنه حالا 

 جريت فتون تنادي سماح 

وفضلت جنات تخبط ع الباب يمكن بنتها بتفتح لها لكن لا حياة لمن تنادي

الأعمال الأصلية لرواية وحكاية

وشوية وسماح جت 

خير يا چنات البت فتون عتقول انك عاوزاني ضروري خير .

جنات وهي حاسة انها هيجرالها حاجة 

تعالي يا سماح الحقيني السرعة البت الاء دخلت الحمام جوة تتسبح وطولت ومطلعتش لحد دلوك وعنادي عليها مبتردش يا سماح اني خايفة يكون جرا للبت حاجة جوة علشان اكده مهتدرتش وف نفس الوقت معازاشي اعمل شوشورة.. الناس كلياتها برا واصحابها بيسالوا عليها لو حد عرف ان العروسة تعبانة .. الحديت هيكتر والدنيا هتتقلب وهيطلع كلام كتير ممنوش عازة... اني عايزاكي اتساعدبني نفتح الباب بهدوء ومن غير ما حد يحس ونطمن ع البت ولو كانت مسورءة نقوقوها ونكمل الليلة داي ع خير وربك يسترها 

سماح 

ايوا ربنا يسترها يلا نحاول نفسخ الباب ديه .. بسم الله واحد اتنين تلاتة 

وبعد محاولات كتير قدروا يفتحوا الباب وفضلوا يدوروا ع الاء لكن ملهاش اثر 

جنات 

بسم الله الرحمن الرحيم البت الاء راحت فين .. وجرالها ايه مهياش باينة ليه.. الارض انشقت وبلعتها ولا ايه ... الاء بنتي مش ف الحمام ولا ف الاوضة اومال راحت فين

سماح 

واه فين بتك يا جنات راحت فين داي من غير ما تعرفي ولا تدري عنها حاجة انتي مش عتقولي انها خلاص لبست الفستان الابيض وخلاص بتحط الطرحة وهتخلصوا خلاص وتخرج لصاحبتها وقريباتها تهيصوا امعاها

جنات 

ابوا البت فتون كانت معاها ولبستها الفستان ابنفسها وبعدينا حست بوجع وراحت الحمام تتمشى وبعدها اختفت...

اه يا بتي روحتي فين ولا جرالك ايه .. اااه يا بتي ... اختفيتي فين ليلة فرحك يا ميلة بختك ف بتك يا جنات يا رب استرها... يا رب ما تكسرش رقبتي في بنتي

سماح 

اسكتي... أوعاكي يطلع منك صوت. الرجالة لو عرفوا قبل ما نلاقيها، الدنيا هتولع وخاصة ابوها 

جنات

قلبي بيقولي حصل لها حاجة... يا رب تكون عايشة... يا رب ردها لي سالمة وتكون ابخير 

سماح

هندور عليها في هدوء لأول... ولو ربنا ستر نجيبها قبل ما حد يحس إنها غابت

جنات 

رب... رجعهالي قبل ما أبوها يسأل عليها... قبل ما الدار كلها تقوم عليها.

سماح

المعازيم والناس مشغولين تحت لسه امعانا وقت ندور عليها من غير ما حد يحس واللي يسال عليها هنقول لساتها بتلبس

جنات 

اني هلف الدار كلياتها ... يمكن راحت تعمل حاجة واغمى عليها اهنه ولا اهنه

وبعد لف وتدوير كتير والستات بدأت تلاحظ ان جنات فيها حاجة مش مظبوطة 

قامت الحماة من مكانها واسمها حنان وقربت من جنات 

فيه ايه يا جنات اني ملاحظة انك رايحة جاية أكده كأنك تايهة او بتدوري ع حد .. فيه حاجة ياختي ولا ايه 

جنات بتوتر 

ها لاه مفيش حاجة واصل ياختي تسلمي.. انتي عارفة الليلة بتكون قلق وام العروسة لازمن تتأكد من ان كل حاجة مظبوطة تمام 

حنان 

ايوا ايوا ربنا يعدي الليلة داي ع خير.. المهم فين العروسة اتاخرت ليه كلات ديه بتعمل ايه ... البنات والستات اهنه كلياتهم بيسألوا عليها علشان يهيصوا معاها شوية قبل ما تمشي مع عريسها 

جنات قلبها كأنه اتكسر لانها مش عارفه بنتها راحت فين وهتبقى فضيحة ف البلد 

هتاجي دلوك انتي عارفة البتة الليلة ليلتها .. سيبيها تاخد راحتها ووقتها كيف ما تحب 

قالتها وراحت ناحية سماح اختها وقعدت بهم 

هنعمل ايه دلوك يا سماح يا خيتي اني معارفاشي اعمل ايه.. البت راحت فين يادي الفضيحة.. هقول لابوها ايه دلوك 

سماح 

مفيش حل غير أننا نقول العروسة تعبانة جامد وليلة الفرح هتتأجل لحد ما تخف لانها مهتقدرش تقعد وسط الضيوف والمعازيم .. هنعمل ايه ما احنا مش عارفين البت راحت فين داي

جنات 

وهقول لأبوها ايه والبت فتون اللي مهيتبلش ف بوءها فولة داي لو راحت وقالت للناس ان العروسة مهياش موجودة.. الناس هتقول علينا ايه احنا اتجرسنا في البلد 

سماح 

اني هشرط ع البت فتون وهأكد عليها متجبيش سيرة لحد واصل والا هنقطع لسانها...اما بالنسبة لأبوها الحج عامر اني بنفسي هتكلم معاه وهفهمه يعدي الليلة بالهداوة.

❈-❈-❈

فتون قربت من حنان وهمستلها 

الحقي يا ست حنان مصيبة وحطت على راسنا كلياتنا وهتبقى الفضيحة لجلاجل 

حنان 

فيه ايه يا بت مالك اكده جاية وعوقتلي يا شر ديه فرح ولدي الحيلة مصيبة ايه داي اللي هتتكلمي عنها بعيد الشر 

فتون همست لحنان 

العروسة الست الاء دخلت الحمام بفستان فرحها وقعدت فيه ياجي ساعة كاملة ولما فضلنا نخبط ع الحمام.. امها وخالتها فتحوه بالقوة لكن ملقوهاش جواه الظاهر أكده ان العروسة طفشت 

حنان برقت 

ايه ...انتي عتقولي اي يا بت يا فتون انتي متوكدة من الكلام ديه.. ديه الكلام لو صوح هتطير فيها رقاب 

فتون 

وربنا ما بكدب عليكي يا ستي اهو ديه الكلام اللي حوصل كله وست سماح وكدت عليا مقولش لحد بس انتي حبيبتاي ولازمن اقولك بردك 

الأعمال الأصلية لرواية وحكاية

حنان طلعت من معاها وعطتها فلوس 

جدعة يا بت واي خبر تنقيلهولي طوالي امسكي امسكي مش خسارة فيكي بس اقفلي بوءك ع الخبر ديه وحسك عينك تقوليه لحد انتي فاهمة.

فتون حطت ايدها ع بوءها كأنها بتقفله 

ابدا مهجيبش سيرة واصل ولا كأني شوفت ولا سمعت حاجة علشان محدش يعرف انه اني اللي وصلت الخبر 

حنان 

جاعدة يا بت هو اكده ولا اكده الخبر هينتشر علشان اكده بلاش ياجي منك انتي .. اقعدي جاري واتفرجي على الزيطة اللي هتحصل...

...

اما عامر فكان واقف مع سماح وقال بعيون مبرقة كلها صدمة وغضب ف نفس الوقت 

عتقولي ايه يا ام ميادة يعني ايه البت ملهاش اي اثر ف الدار وانها اختفت بفستان الفرح يعني هتكون راحت فين داي طفشت ولا اتخطفت من اوضتها ف وسط ناسها بتي راحت فين يا ام ميادة اتكلمي قولي الحقيقة متقفيش ساكتة اكده 

سماح 

وطي حسك يا حج عامر الحيطان ليها ودان والناس هتسمع وما هتصدق تتحدت.. ديه اللي حوصل احنا منعرفش الاء راحت فين لفينا عليها ملهاش اي اثر ومحدش شافها بس اللي متأكدين منيه انها خرجت من شباك المنور بتاع الحمام .. وأمها جنات مرتك قاعدة حاطة يدها ع خدها معارفاشي تتحرك ولا تقوم من مكانها معارفاشي بتها راحت فين

عامر 

يادي الجرسة يادي الفضيحة طب هنقول ايه للناس للضيوف والعازيم ولا حتى اهل العريس ولا هنقول ايه للعريس نفسيه مرتك هجرتك وطفشت ليلة دخلتها .. يا سنة سوخا يا ولاد هقول ايه اروح فين ولا اجي منين.. داي عاملة تعمليها يا بت الكلب.. تحطي رقبة ابوكي ف التراب .

اما عند حنان فاتخطت مكان الستات وخرجت لمكان الرجالة ف الحوش وقربت من ابنها اللي كان قاعد وسط اصحابه وقالت 

سليمان يا ولدي عايزاك في كلمتين مهمين 

سليمان 

ايه ياما عايزاني ادخل للعروسة دلوك ولا ايه.. مش مهم نخلص الفرح وهدخل اخدها ونروحوا علطول 

حنان 

تاخد مين هي فين العروسة داي من اساسه يا ولدي 

سليمان 

قصدك ايه يامة .. هتكون راحت فين ماهي تلاقيها قاعدة وسط البنات جوة 

حنان 

اهلها قالبين عليها الدار جوة مهماش لاقينها ولا عارفين راحت فين انت منتاش ملاحظ ان ابوها مهواش موجود وسط الرجالة.. تلاقيه جوة عمال يدور ع حل ف الفضيحة داي 

سليمان 

يخربيتها ازاي تستجرى وتعمل حاجة كيف داي .. ازاي مرتي تفوتني وتهرب ليلة دخلتها... ازاي استجرت تحطني اني ف موقف كيف ديه.. مش كفاية اني مكنتش موافق عليها ولا متحمس ليها لولا جدي وبوي اللي مصممين عليها وفضلوا يزنوا ع راسي علشان اوافق واتقدملها تقوم تسيب جوزها وتطفش هي حوصلت 

الأعمال الأصلية لرواية وحكاية

حنان

عارفة يا ولدي دي ما كانت تطول ضوفرك يا ولدي بس هنقول ايه علشان البت حلوة وزينة حبتين تلاقيها مغرورة افنسها ومحدش قادر عليها سايقة الدلال ع الكل 

سليمان 

ان مكانتش اتربت اربيها اني من اول وجديد بس هي فين اني أكده هتفضح ياما اعمل ايه 

سماح 

روح لابوها جوة وشوف هتعملوا ايه يلا بسرعة قبل ما الخبر ينتشر بين الناس .

...

سماح 

ها يا ابو الاء عرفت هتعمل ايه 

عامر 

عرفت بس متجبليش سيرتها خلاص انا مبقاش عندي بنته اسمها الاء وانا لله وانا اليه راجعون 

ف الوقت دا عامر وسماح لقوا سليمان داخل عليهم ووراه اسمه حنان 

عامر من ملامح وش سليمان عرف انه عرف الحقيقة خلاص فأخد نفس عميق وخرجه بهم

سليمان 

بتك فين يا حج عامر العروسة فين.. طفشت زي ما بيقولوا ... شايف الفضايح اللي انتوا سببتوهالي... بقا اني سليمان البكري يحصل فيه اكده ع اخر الزمن 

عامر 

حقك على راسي يا ولدي اني والله محقوقلك بس معارفش اقول ايه .. اني معارفش بتي راحت فين اختفت فجاة اكده فص ملح وداب ملهاش اثر ومحدش شافها 

سليمان 

والحل ايه دلوك .. اني لوشوفتها قدامي مش هيكفيني خبرها بعد اللي عملته 

عامر 

حقك تقول وتعمل كل اللي انت عايزه.

 بس هنعمل ايه ما باليد حيلة موقف واتحطينا كلياتنا فيه بسببها منها لله ..