رواية إعادة تأهيل معقدة 
 بقلم زهرة عصام

رواية إعادة تأهيل معقدة 

اقتباس الفصل الحادي عشر

فتحية بخجل :- بس يا بنات بقي كسفتوني و بعدين دي أقل حاجة عندي أنا كنت دافنة نفسي في العباية و المطبخ لجل واحد ميستهلش

تمارة:- بس أي يا توحة الجمدان دا دا انتي كدا هترجعلنا مش بوظيفة بعرسان

فتحية ضحكت بشدة و قالت:- 

جتك اية يا تمارة يا بنت بطني ضحكتيني و أنا مليش نفس و بعدين عرسان اية بس دا أنا خطوة و القبر يا بنتي 

لو سمحت يا حضرت الظابط أنا عاوزة اتنازل عن المحضر

ضياء:- بالسرعة دي ؟ 

فتحية اتنهدت و قالت:- مش عارفه بس حاسة إن دا انسب وقت

ضياء بضيق:- انتي حرة القرار يرجعلك انتي في الأول و الآخر

أيمن نايم في المستشفى و فتح عينه بضعف و قال:- 

عاوز ماية 

الحارس سمع همسه و جري عليه و قال :- انت فوقت هنادي للدكتور حالا

و جري بسرعة يزف خبر صحيان أيمن بسعادة للدكتور

الحارس:- يا دكتور يا دكتور الراجل صحي يعني مش هنروح في الحديد يا دكتور

الدكتور :- في أي صوتك مسمع للشارع اللي ورانا لية ؟ 

الحارس:- الراجل فاق من رقضته يا دكتور يعني مش هيبقي في سين و جيم ولا هنروح في الحديد

الدكتور:- و حد كان قالك أنه ما.ت يا متخلف يلا نروح ابص عليه أخلص 

الحرس أخد جمب و قال:- 

اتفضل يا دكتور و كمل في سره بعد ما الدكتور مشي 

امشي مشيت عليك عقربة قارف أمي من امبارح انت و النطع اللي راقض ولا على باله حاجة كان مال أمي بالشغلانة اللي مش جاي لينا من وراها غير الكافية دي ؟ و مشي ورا الدكتور 

الدكتور فحص أيمن و قال:- 

لا عال أوي يا أستاذ إحنا كنا فين و بقينا فين أكلة حلوة بقي ترم بيها عظمك و كل حاجة هتبقي تمام باذن الله 

أيمن:- أنا اية اللي جرا ليا يا دكتور ؟!

الدكتور:- كان عندك هبوط حاد و غير كدا نزفت كتير بسبب العنـ ـف اللي اتعرضت ليه 

أيمن:- هخرج امتي من هنا و ارجع الزنزانة ؟ 

الدكتور:- كمان ساعتين كدا هعلق محلول مغزي تخلصه و ترجع و الحارس قاعد معاك اهو 

أيمن هز رأسه و قال:- 

تشكر يا دكتور و شرد بفكرة و قال:- 

كله منك انتي و بناتك يا فتحية بس أقسم بالله ما هسيبكوا في حالكم و إن كنت مقدتش عليكي يبقي هكسرك في بناتك و خصوصاً الكبيرة اللي مش هاممها حد و شكلها هطلع جامدة زيك و أنا مش هسكت على الكلام دا و لا علي اللي حصلي من تحت راسكم دا 

❈-❈-❈

عطيات بحزن :- و أنا أمتي هيجيلي إفراج يا رياض أنا زهقت من الحبسة دي إيش حال محبوسة ظلم و أنت عارف

رياض:- قريب أوي يا نبض قلبي و هنتجوز و نجيب عيال تملي علينا الدنيا

عطيات:- بجد يا رياض أمنية حياتي إني اعيش معاك البقية من حياتي في الحلال

رياض و جتله فكرة فقال:- 

إنتي تؤمري و أنا أنفذ يا عطيات و دخل قال لـ زيزي و دولت يقوموا

زيزي:- أبوس ايدك يا شويش وربنا جسمي ما عاد فيه حته سليمه انا قولتلها بنت الجذمة دي بلاش الراجل دا لكن هي رأسها و الف سيف مفيش غيره و أدي اللي جالنا من وراه

دولت :- الله و أنا كنت عملتلك اية بس يا أما المرة دي مش كله من ورا تخطيط

زيزي:- اسكتي انتي أنا مش قادرة ليكي

رياض بصلهم بقرف و قال:- 

قوموا إفراج الست اللي ربنا يجزيها خير على اللي هي بتعمله اتنازلت عن المحضر يكش بس تكنوا نفسكم عنها بقي عشان انتوا لو اتعرضتوا ليها تاني أنا اللي هقف ليكم و ساعتها مش هتخرجوا أبدا

نوال بصت لـ صلاح و قالت:- 

إحنا لازم نضمن سكوت البت اللي إسمها تمارة دي يا صلاح دي بت سموية و أنا عارفاها أقل حاجة هتحصل هتنشر الفيديو اللي معاها و فضحيتنا هتبقي على الملأ يا إبني

صلاح:- عوزاني أعمل اية بس يا أما مهو الغلط على بنتك اللي حطت رأسنا في الوحل

نوال :- تتجوزها

صلاح بصدمة:- اتجوز مين يا أما تمارة و دي هترضي بواحد زي و بعدين انتي ايش ضمتك إني لو اتجوزتها مش هتنشر الفيديو

نوال:- عشان رقبتها هتبقي تحد درسنا أما بقي هتتجوزها ازي فـ اتصرف يا صلاح و اعمل أي حاجة هددها بـ أخواتها ا.فضحها و قول ماشي معاها اعمل أي حاجة

❈-❈-❈

تمارة :- بقي انت عاوز تتجوزني انا يا صلاح و إلا عاوز تضمن سكوتي على فضيحة أختك خدها من قصرها و أمشي عشان طلبك مرفوض

صلاح:- يعني اية مش موافقة

تمارة :- أنت شكلك بتحب الرغي الكتير و أنا مش فاضيه قولتك مش موافقة اية مبتسمعش

صلاح :- يبقي انتي كدا اختارتي العداوة يا تمارة و خافي على اخواتك

بعد اذنك يا ريس عاوز سيد كارتة القيه فين ؟! 

- رد عليه بسخرية و قال:- 

و هو حد ميعرفلوش طريق امشي شوية هتلاقيه قاعد على أول الناصية في الحته المقطوعة بيشد كولة سلام لحسن جتتي بتلبش من إسمها و من الكلام على اللي بيشربها و سابه و مشي جري 

صلاح مشي على الطريق اللي الراجل وصفه ليه لحد ما وصل عنده لقاه في الضياع خالص 

صلاح مسكة و ضر.به بوكس في وشة و قال:- 

و درني لـقتلك يا كلب 

سيد بدوخة :- انت مين يا عم انت تعرفني ؟ 

صلاح :- أعرفك إلا أعرفك دا انا هعمل منك بطاطس مهروسة

سيد بضحك :- أعمل مقلية مبحبش المهروسة

❈-❈-❈

صلاح :- عرفتي اللي هتعملية يا سلمي 

سلمي :- عيب عليك يا صلاح دا جوري دي حبيبتي حبيبتي و أنا بحبها قوي و عشان كدا هساعدك في اللي انت عاوزة و من غير مقابل 

صلاح بضحك :- واضح جداً إنك بتحبيها أوي يا سلمي 

دولت :- انت لازم تنتقم من فتحية و بناتها على المرمطة دي يا أيمن

أيمن:- من غير ما تقولي أنا هعمل كدا

دولت :- اية رأيك لو تعمل *** في تمارة 

أيمن بتوتر :- لا طبعاً دي بنتي مهما كان و هتبقي في وشي 

فتحية اتنازلت عن المحضر و خرجت في طريقها لـ شركة نوح و هي مش عارفة إن قدرها مستنيها هنالك 

يتبع...