قراءة قصة أحببتها مرتين القصة الأولى من سكريبتات بقلم أسماء عبد الهادي كاملة

تنشر حصريًا على مدونة رواية وحكاية قبل أي منصة أخرى

قصة أحببتها مرتين 

القصة الأولى من سكريبتات 

بقلم أسماء عبد الهادي 

 رواية جديدة قيد النشر

من قصص و روايات 

الكاتبة أسماء عبد الهادي 

الفصل الثالث

ذكرى بتوتر 

اا مجبتهاش من مكان انا اعرفها من زمان وعادي جملة بنقولها في المواقف اللي زي دي 

معاذ 

اا طيب اتفضلي جهزيلي الاكل انا حاسس اني فعلا هقع من طولي لو مأكلتش ولازم اكل علشان اقدر اكمل اللي بعمله مش لازم اضعف دلوقتي انا لسه موصلتلهاش 

ريم حضرت الأكل ومعاذ اكل اكل بسيط اوي 

وبعدها قال 

ذكرى انا شبعت انا هطلع ارتاح لاني تعبان اوي لو جالي اي اتصال او حد طلبني صحيني علطول 

ريم 

اصحيك ليه ما تخليك نايم مرتاح وأي مشوار او شغل يتأجل لما تصحى وتاخد كفايتك من النوم 

معاذ 

يا ذكرى متتعبيش قلبي معاكي انتي مش عارفة انا بمر بإيه واسمعي الكلام اللي بقوله من فضلك من غير جدال 

ريم 

طيب حاضر اللي تشوفه يا معاذ بيه 

تاني يوم 

ريم كانت قاعدة زهقانة فقررت تقعد ف الجنينة وفضلت تتمشى فيها شوية وهي بتقول 

كويس ان مفيش اي اتصالات جت لمعاذ بيه وهو كمان راح عليه نوما دا انا من يوم ما جيت وهو مش بيقعد ف البيت خالص حتى بالليل بيرجع متأخر وتعبان مش قادر يشوف قدامه ياترى مشغول في ايه وايه اللي تاعبه وبيمر بيه... ويا ترى انا هفتكر امتا وهلاقي اهلي ولا هفضل عايشة في الدنيا كدا تايهة لا عارفة حد ولا فاكرة حد

ولما شافت الزرع قالت 

الله ورد شكله حلو اوي بس الظاهر مفيش حد بيهتم بيه صاحبه اهمله اه صح معاذ بيه مبقاش فاضي دماغه مشغولة علشان كدا مش فاضي يهتم بيه وتلاقيه نسي يوصيني عليه من هنا ورايح انا ههتم بيه وهاخد بالي منه 

وبدأت ترويه وتهتم بيه فسمعت صوت بيقول 

انتي بتعملي ايه 

اتخضت وكانت هتقع فلحقها 

انا اسف خضيتك يا ذكرى 

ذكرى 

معاذ بيه انت صحيت نوم الهنا 

معاذ 

ليه كدا يا ذكرى تسبيني نايم كل دا ليه مصحتنيش ليه 

ذكرى 

انت كنت محتاج للنوم جسمك كان محتاج للراحة والا كنت هتقع من طولك اكلتك ضعيفة ومفيش نوم جسمك مش هيلاقي طاقة علشان يكمل علشان كدا سبتك تصحى براحتك 

معاذ 

جالي اي اتصال او حد سأل عليا 

ذكرى 

لالا مفيش اي حاجة من دي حصلت لو كان جه اي اتصال او حد سال عليك كنت هطلع اصحيك زي ما طلبت مني 

معاذ 

طيب ماشي يا ذكرى انا خارج.. لحظة انتي بتعملي ايه هنا 

ذكرى 

الورد دا كان هيموت من الواضح ان مفيش حد بيهتم بيه وحضرتك ناسيه ومش فاضيله 

معاذ بألم وتأثر 

الورد دا كان بتاعها كانت هي اللي زرعاه كانت بتيجي هنا علطول حتى وانا مسافر تاخد بالها منه وترويه وتنضف البيت وتمشي كانت كل حياتي راحت ومشيت وسابتني 

ذكرى 

هي مين دي يا معاذ بيه وراحت فين هي بعيد الشر يعني ماتت ولا ايه 

معاذ 

لا اوعي تقولي كدا ريم مماتتش ريم لسه عايشة انا واثق وهترجع هترجعلي هترجعلنا كلنا استحالة تتخلى عني انا روحي فيها اوعي تقولي كدا تاني يا ذكرى 

ذكرى 

انا اسفة يا معاذ بيه والله مش قصدي وان شاء الله ريم ترجع لحضرتك ان شاء الله انت بس قول يارب 

معاذ مشي وقرر يروح بيت اخته يطمن على احمد ابنها 

ادهم 

كفاية بقا يا احمد ارجوك انت تعبت بكا طول الوقت بتعيط احنا مش اتفقنا انك راجل والراجل بيصبر مش بيعيط 

احمد 

انا عايز ماما بقا كفاية كدا بقا كفاية الفترة دي بعيد عني هي وحشتني اوي مبقتش قادر اقعد وهي مش معايا انا عايز اروحلها وديني عند ماما يا بابا انت مش عايز توديني لماما ليه 

ادهم 

ياريتني كنت اعرف مكانها كنت اخدتك وروحنا انا وانت عندها بس انا مش عارف والله ما عارف هي فين يارب يارب الاقيها بقى تعبنا اوي انتي فين يا ريم بس 

معاذ سمع الحوار واخد نفس عميق بأسى وقال 

هنلاقيها ان شاء الله انا عارف ان اختي قوية ومهما كان اللي بتمر بيه هتعافر علشان ترجع ترجع لأهلها اللي بيحبوها 

ادهم 

 ربنا يسمع منك يا معاذ يارب مفيش اي جديد 

معاذ 

لااسف مفيش خالص حاسس ان فيه حاجة غلط جزء من الحلقة مفقود لو وصلنا ليه هنعرف كل حاجة ادهم احنا محتاجين نبدأ من اول وجديد ندور من تاني بس ف اتجاه تاني خالص ونطلع برا الصندوق شوية قولي اول ما ريم اختي خرجت من البيت مين كان اخر حد شافها او كانت معاه 

ادهم 

كانت مع رشا بنت عمي 

معاذ 

نعم البنت الثقيلة دي عمرها ما نزلتني من زور وياما قولت لريم عليها خدي بالك منها البنت دي نظراتها ليكي مش مريحة ابدا لكن كانت ترد حرام عليك يا معاذ دي طيبة خالص .. ريم اختي كانت بريئة كانت بتعامل الناس كبها بحس نية لكن انا متأكد ان رشا بتكرهها واظنك انت كمان عارف السبب 

ادهم 

قصدك ايه يا معاذ انا عارف ان ممكن رشا بتغير شوية من ريم ودا علشان انا ورشا متربين سوا فمن وجهة نظرها ان ريم اخدتني منها بس دي كل الحكاية 

معاذ 

ومن هنا لازم ندور من اول وجديد لازم تفتش ورا رشا يا ادهم انا متأكد ان اللغز عندها وانت اختفاء اختي هي السبب فيه 

ادهم 

لو دا حقيقي يبقى دا اخر يوم في عمرها بس لازم نتأكد علشان منظلمهاش .. 

معاذ 

اسمع قربها منك وعشمها في اللي هي عايزاه واطلب منها تيجي تعيش وياك هنا وساعتها لسانها هيذل وهنعرف كل حاجة انا متأكد 

ادهم 

انت خلاص عملت انها السبب يا معاذ انت بتتوهم يا ابني كل دا علشان متأثر باختفاء ريم بس مينفعش نتهم الناس كدا من غير دليل استحالة رشا تعمل كدا 

معاذ 

مش هتخسر حاجة لو سمعت كلامي صدقني طرف الخيط عند رشا حاسس انها تعرف حاجة ومخبية ارجوك اسمع كلامي في المرة دي بس انا هاخد احمد معايا البيت علشان هو مبيحبش رشا زيي بالظبط ولازم تعرف طالما طفل مبيحبش حد يبقى الحد دا من جواه مش صافي الأطفال برئىة وبيعرفوا يشوفوا اللي ف القلب

ادهم 

انت خليت الفار يلعب في دماغي يا معاذ انا هعمل اللي بتقول عليه بس لو طلعت ملهاش ذنب يبقة لازم تعتذر لها انت فاهم 

معاذ 

نلاقي اختي ووقتها الحقيقة كلها هتظهر ولو ليها حق هعتذرلها وهبوس ايديها كمان 

ادهم ماشي يا معاذ بس خد بالك من احمد 

معاذ شال احمد وحضنه 

بتوصيني بابن اختي الغالية دا انا خاله والخال والد ولا ايه 

ولما معاذ اخد احمد البيت 

احمد 

خالو معاذ هي ماما هنا في البيت عندك 

معاذ باشتياق 

ياريت ياريت ريم كانت هنا يا احمد 

احمد 

ماما هتيجي امتا بقا 

ريم جت 

حمدا لله على سلامتك يا معاذ بيه اول مرة ترجع بدري يعني مش عادتك تحب احضر لحضرتك الغدا 

معاذ 

الله يسلمك يا ذكرى اه حضري الاكل علشان احمد الصغير اكيد جعان 

ريم بصت لأحمد 

ايه دا مين الصغير الجميل دا حضرتك اول مرة تجيب معاك اطفال هو يقربلك ايه ... يا خلاسي ع العسل انت اسمك ايه يا قلبي 

احمد بص لذكرى بخوف اول مرة لكن لما قرب منها قلبه ارتاح لها 

اسمي احمد وانتي اسمك ايه 

ريم 

اسمي ذكرى يا احمد يا عسل انت... انت عسول خالص يا احمد وانا حبيتك اوي ممكن نبقى اصحاب

 احمد هز راسه وهو عينه ع ذكرى ومش عارف هو ليه مشدود ليها كدا وريم كمان حبته اوي تقريبا دي عاطفة الأمومة 

معاذ 

سبحان الله احمد مش بيتعرف على الناس ولا بيتأقلم معاهم بسهولة يس معاكي انتي غير معاكي اطمنلك علطول وبدأ يتكلم كمان 

ذكرى 

احمد عسول اوي وانا حبيته من اول ما شوفته واتعلقت بيه بصراحة ربنا يخليه لحضرتك يا معاذ بيه ددا ابن حضرتك ؟؟ 

معاذ 

ابن اختي ريم يا ذكرى 

احمد اول ما سمع اسم امه عيط 

ماما انا عايز ماما وديني عند ماما يا خالو 

معاذ 

ريم امه مختفية بقالها فترة ومش عارفين هي فين ابدا

ريم باستغراب 

مختفية مخطوفة يعني ولا ايه ربنا يردهالكم بالسلامة يارب 

واخدت احمد في حضنها 

بس يا احمد يا قلبي متعيطش ارجوك انا متاكدة ان ماما هترجعلك ماما مش هتسيب ابنها اللي زي العسل دا وتسيبك ادعيلها ربنا يفك ضيقتها وترجع 

احمد استكان ف حضن امه ونام بهدوء وراحة 

معاذ ابتسم وكان متأكد ان احمد هيحب ذكرى وهيرتاح ليها زيه بالظبط 

معاذ سرح في ذكرى وبعدها فاق لنفسه 

هو دا وقته يا غبي اختك مختفية ومش عارف فين أراضيها وانت معجب بالبنت اللي شغالة عندك 

معاذ بعدها قرر يخرج يدور ع اخته واستغل ان احمد نايم

ولما رجع لقا ذكرى قاعدة ومقعدة احمد ع رجلها وبتأكله وهي بتغني ليه اغاني زي ما هو متعود 

معاذ لقا احمد ساكت وبياكل ومش بيغلبها زي ما ادهم بيقول فاتنهد براحة 

ربنا يهديك يا احمد يارب ويباركلك يا ذكرى انتي الوحيدة اللي عرفتي تهدي احمد

...

رشا

انا مش مصدقة نفسي يا ادهم انت بنفسك بتتصل بيا وعايز نخرج نتغدى سوا ف اي مكان لا اكيد انا بحلم انا بحلم صح يا ادهم 

ادهم 

مش بتحلمي ولا حاجة يا رشا كل الحكاية اني تعبت تعبت اوي ريم مختفية ومفيش اي خيط واحد يوصلني بيها ومش عارف هي عايشة ولا ميتة وسابتني ليه اصلا انا عملت لها ايه تعبان اوي يا رشا ومحتاج حد افضفض معاه واشكيله وملقتش حد قريب ليا غيرك هتقدري تتحميليني وقت ضعفي ولا هتتخلي عني انتي كمان 

رشا بحماس 

لا طبعا هقف جنبك ومش هسيبك ابدا ابدا يا ادهم انا مستعدة اكون جنبك طول العمر 

وقالت ف نفسها 

وادي الفرصة جتلي لحد عندي واستحالة افرط فيها ابدا ياااه واخيرت اليوم اللي بحلم بيه جه اخيرا 

وقالت لأدهم 

انا هكون في المعاد اول ما توصل هتلاقيني هناك مش هتأخر 

وبالفعل ادهم راح هناك 

وفضل يحكي معاها ويوهمها انها مهمة بالنسبة له ويشكيلها همه ويسمع منها 

وبعد كدا وصلها بيتها وهي ف قمة سعادتها لانها قربت توصل لقلبه 

اما ادهم فحس بهم كبير بيحوم على قلبه فقرر يروح لبيت معاذ يطمن عل ابنه احمد وينسى همه شوية 

احمد ف الوقت دا كان بيلعب الغميضة مع ريم 

ريم كانت حاطة طرحا ع وشها علشان تخبي عنيها وتجري ورا احمد واحمد 

ضحكته مسمعة البيت كله 

معاذ كان بيتابعهم بعينه وفرحان اوي وكل يوم اعجابه بذكرى الشغالة عنده بيزيد 

فنزل تحت وقال 

ذكرى ممكن العب معاكم انا كمان انا من زمان ملعبتش اللعبة دي ياااه رجعتوني لأيام الطفولة الجميلة 

ذكرى

مفيش مانع يا معاذ بيه لو احمد موافق احمد انت موافق ان خالك معاذ يلعب معانا؟؟ 

احمد 

اه موافق خالو يلعب معانا لما ماما كانت موجودة كان خالو معاذ بيلعب معايا انا وماما .. ماما وحشتني اوي بس انا حاسك زي ماما 

ذكرى اخدته ف حضنها 

ربنا يرجعها ليك يا حبيبي ف اقرب وقت 

وحطت تاني ذكرى الطرحة ع وشها وبدؤا اللعب وفضلت مادة اديها تدور ع احمد ومعاذ 

احمد احمد انت فين انا هجيبك انت مستخبي مني فين مش هتقدر تهرب احمد طيب اعمل ايه صوت بس علشان اقدر احدد المكان اللي انت فيه 

ولما اتحركت لقدام لقت نفسها خبطت في حد ففكرته معاذ 

اا اسفة يا معاذ بيه خبطت فيك من غير قصدي ااا حضرتك كدا يعتبر اتمسكت انت اللي عليك الدور ف اللعب 

لكن لقته صنم مبيحركش فقالت وهي بتمد ايديها 

معاذ بيه حضرتك مبتردش ليه معاذ بيه 

ولما مدت ايديها جت ع وش ادهم 

اول ما حطتها ع وشه حست بشعور غريب بيسري ف جسمها حست انه مألوف بالنسبة ليها قريب اوي من قلبها حست انها نفسها تترمى ف حضنه ففضلت ع وضعها وهي مش عارفة هي بتعمل ايه 

كان شعور متبادل بالنسبة لأدهم 

اول ما لمسته حس بالدفا والالفة اللي افتقدها لما مراته اختفت غمض عينه لثواني باستكانه 

لكنه افتكر ان ريم مراته مختفية بسرعة نفض ايديها وبعد عنها وهو بيقول 

ايه المهزلة دي 

بسرعا انتفضت ريم وشالت الحجاب من ع عنيها وف الوقت دا قرب معاذ واحمد منهم 

ادهم مسك ايدين احمد وبص لمعاذ بغضب 

ممكن افهم فيه ايه وايه المهزلة اللي بتحصل دي .. انت بتعمل ايه ومين دي هي حصلت يا معاذ بتجيب ستات لبيتك وعامل انك زعلان ع اختك 

احمد 

بابا دي ذكرى وانا حبيتها اوي اوي 

ذكرى لما سمعت كلام ادهم زعلت وخافت منه اوي 

معاذ 

كلام ايه اللي انت بتقوله دا ستات ايه وبتاع ايه ما تحاسب ع كلامك يا اخي هو ايه اصله دا 

ادهم 

تقدر تقولي مين البنت دي وبتعمل ايه هنا وانت ازاي قاعد بتلعب معاها بالشكل دا

ريم بانزعاج 

عن اذنك يا معاذ بيه انا هروح اوضتي ولو احتاجتني تقدر تنادي عليا 

قالتها ومشيت 

معاذ 

عاجبك كدا يا بني ادم شايف الدبش اللي انت قولته دا زعل البنت ازاي 

احمد 

بابا ذكرى انا بحبها متزعلهاش 

ادهم 

مين دي اللي انت خايف ع زعلها اوي وبتعمل ايه هنا

معاذ 

دي بنت غلبانة كانت محتاجة شغل جبتها هنا تنضف البيت وتعملي اكل ملهاش مكان فطلبت منها تقعد هنا ف البيت بصراحة بنت محترمة جدا واحمد كمان حبها وابنك مش بيتعود ولا بيتعلق بالناس بسرعا لكنه حبها 

ادهم بانزعاج 

الظاهى مش بس احمد اللي حبها... انا ماشي كنت جاي اروق مزاجي هنا اتعكر اكتر... احمد تيجي معايا ولا تفضل هنا مع خالك 

احمد 

لا انا هفضل هنا مع ذكرى وخالو معاذ لحد ما ماما ترجع 

ادهم 

طيب انت حر اعمل اللي يريحك .. معاذ خد بالك من احمد وحرص شوية من الشغالة دي جايز بتخدعك 

ومش ادهم ورجع ع البيت اخد المخدة في حضنه وهو بيشمها ولسه فيها ريحة ريم

وحشتيني اوي يا ريم 

وراح ف النوم 

صحي تاني يوم ع ايد ناعمة بتصحيه 

ابتسم بحب ومسكها ومفكر أنه بيحلم 

يااه حبيبتي وحشتيني اوي اتأخرتي عني ليه انا مستنيكي من زمان 

رشا فرحت وفكرت الكلام عليها وقعد جنبه ع السرير

انا اهو جنبك يا ادهم ومش هسيبك ابدا ابدا 

استغرب ادهم من الصوت وفتح عينه واول ما شاف انها رشا وقريبه منه كدا وهو ماسك ايديها 

اتفزع وساب ايديها بعد ما حس انه ماسك ماس كهربائي 

اااا رشاااا!! انتي بتعملي ايه هنا في اوضتي وع سريري 

رشا أدركت انه مكانش يقصدها بكلامه لكنها تجاهلت كل حاجة وقالت بصوت كله دلع 

انت اللي طلبت مني اكون جنبك يا ادهم واديني جبنك اهو انت بس تشاور وانا هلبي كل طلباتك مش همانع ابدا 

ادهم بلع ريقه ونزل من ع السرير وهو بيدخل الحمام 

انا هاخد شاور وهحصلك ع تحت اطلبي منهم يحضروا الفطار علشان نفطر سوا 

رشا فرحت انه وافق ع وجودها ف البيت ونزلت بسرعة تطلب من الخدم تجهيز الفطار 

اما عند ذكرى 

كانت بتحط الفطار لأحمد ومعاذ من غير ما تنطق نص كلمة ولما جت تمشي 

معاذ 

ايه يا ذكرى هتفضلي لاوية بوزك كدا مش بعادتك يا بنتي ع فكرة ادهم ميقصدش حاجة ولا انه يهينك ادهم كان خايف عليا خايف اعمل حاجة غلط ومكانش يعرف انتي مين هو بس دبش شوية في كلامه انا مش عارف ريم اختي حبته ع ايه دا وكمان موضوع اختفائها اكيد مأثر عليه 

ذكرى

هو دا جوز ريم اختك يعني ابو احمد 

معاذ 

 ايوا يا ذكرى وحقك عليا لو كلامه زعلك متزعليش بقا

ريم 

خلاص يا معاذ بيه انا مش زعلانة حصل خير 

احمد 

ذكرى بعد الأكل خلينا نلعب كمان ايه رايك 

ريم 

موافقة نلعب اي حاجة الا لعبة الغميضة دي تاني

يتبع

إلى حين نشر الفصل الجديد للكاتبة  أسماء عبد الهادي، لا تنسى قراءة روايات و قصص كاملة أخرى تضمن حكايات وقصص جديدة ومشوقة حصرية قبل نشرها على أي منصة أخرى يمكنك تفقد المزيد من قصص وروايات و حكايات مدونتنا رواية وحكاية

رواياتنا الحصرية كاملة‏